Црна хроника
Осомничениот за убиството во Ѓорче Петров изведен пред суд
Деветнаесетгодишниот Н.Е. од скопскот село Грчец, осомничен за убиство над 18 годишниот Ангел Петковски од понеделникот, во скопската населба Ѓорче Петров во вторникот попладне беше изведен пред суд, од кој обвинителството бара да изрекување мерка притвор.
До надлежното Основно јавно обвинителство во Скопје е поднесена кривична пријава против 19-годишникот од село Грчец крај Скопје, поради основано сомневање дека сторил кривично дело убиство, а обвинителството осомничениот донесе наредба за спроведување истрага за споменатото кривично дело.
Убиството се случи во понеделникот во близина на Европската очна болница, кога несреќниот матурант бил прободен со остар предмет во десниот ден од градниот кош, по што за кусо време потоа починал.
Полицијата го уапси во понеделникот осомничениот во близина на местото на убиството и во меѓувреме целосно го Министерството за внатрешни работи целосно го расчисти и документираше грозоморно убиство на 18 годишниот Ангел Петковски од Скопје.
Според досега документираните сознанија, на убиството му претходел обид за кражба на велосипед, што ја извршил сега осомничениот во дворот на домот на семејството Петковски на кусо по 17 часот, но бил забележан од страна на Ангел и неговиот татко. Откако, не успеал во намерата да го украде велосипедот, осомничениот почнал да бега, а матурантот и неговиот татко со автомобил „пежо”, тргнале по него.
Кога стигнале на улицат „Ѓорче Петров”, поточно на паркинг просторот пред Европска очна болница, го паркирале возилото и се упатиле кон пешачката патека, покрај на Вардар. Пред пешачкиот мост, кој води до селото Сарај го забележале осомничениот, по што започнала вербална расправија, која прераснала во тепачка, при што осомничениот со остар предмет, најверојатно нож, го прободел Ангел во пределот на десниот граден кош. Осомничениот се дал во бегство, а таткото го однел синот кон очната болница со цел да му се пружи помош. Вработените во болницата повикале екипа на итната медицинска помош, но Ангел им подлегнал на повредите, а од страна на лекар е констатирана смртта.
Настанот, првично е телефонски пријавен од очевидец кој ги забележал трите лица. Веднаш по добивањето на пријавата полициски екипи излегле на местото на убиството и започнала потрагата по осомничениот. Тој за кусо време бил откриен во непосредна близина на болницата и уапсен.
На местото на настанот во понеделникот излезе Јавен обвинител кој раководеше со увидот и по негова наредба телото на починатиот беше пренесено на Институт за судска медицина и криминалистика за обдукција при скопските клиники. Увидот е извршен од страна на полициски службеници на СВР Скопје, при што од местото на настанот подигнати и дадени за вештачење се траги слични на крв, , а од дворното место на куќата, лоцирана на улицата „Хераклеа”, подигнат е и велосипедот. Од осомничениот се земени брисеви од двете дланки, маица, фармерки и патики.
По извршеното кривично дело во непосредна близина на лице местото како и на повеќе локации низ општина Ѓорче Петров се собраа поголема група на граѓани кои го искажуваа своето незадоволство. Дел од нив, во текот на вечерта, започнаа со нарушувања на јавниот ред и мир и оштетија повеќе возила и објекти. Со полициска интервенција беа приведени вкупно 18 лица од кои 5 малолетни. По извршени консултации со Јавен обвинител ним им се издадени платни налози за сторени прекршоци, а СВР Скопје продолжува со преземање на интензивни мерки и активности во насока на идентификување на лица и прибирање на материјални докази со цел откривање на противправни дејствија и докажување на кривично дело по член 385 „Учество во толпа што ќе изврши кривично дело” од КЗ на РМ.
Министерство за внатрешни работи продолжува да ја следи состојбата и да ги презема сите неопходни мерки во рамки на законските овластувања и притоа апелира до граѓаните да не подлегнуваат на провокации и да не се инволвираат во нарушувања на јавниот ред и мир или други инциденти./крај/мф (ВИДЕО)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Претреси во Охрид поради фотографирање избирачки список и гласачки ливчиња
Вчера, по претходно добиени оперативни податоци за фотографирање на избирачки список и гласачки ливчиња на првиот круг од претседателските избори одржан на 24.04.2024, од судија на претходна постапка обезебедена е наредба за претрес во дом и помошни простории кај М.М.(51) од Охрид и Т.Ц.Т (44) од Охрид, членови на избирачки одбор предложени од политичка партија, извести МВР.
„При претресот пронајдени се два мобилни телефони, во кои се пронајдени фотографии од избирачки список со лични податоци од гласачи во избирачкиот список, фотографии од гласачки ливчиња со заокружен број, кои се испраќани од гласачи како доказ дека го дале својот глас за еден кандидат, потоа споделени во креирана група за комуникација на мобилна апликација за комуникација“, соопшти МВР.
Со двете лица извршен е разговор во полициска станица. Дополнително, во текот на денешниот ден повикани се и други лица со цел обезбедување на дополнителни доказни материјали за кривичното дело по член 149 од КЗ “злоупотреба на лични податоци” и прекршок по член 190 став 2 од Изборниот законик. По целосно документирање на случајот, ќе следуваат соодветни поднесоци, се додава во соопштението на МВР.
Црна хроника
Кривични против поранешен градоначалник на скопска општина и директорка на детска градинка
Одделот за криминалистичка полиција преземаше предистражни дејствија и во координација со СВР Скопје – Единица за економски и компјутерски криминал до ОЈО Скопје поднесе кривична пријава против М.Р., директорка на детска градинка во скопска општина и против поранешен градоначалник на една скопска општина за кривично дело „злоупотреба на службената положба и овластувањата“ од чл.353 од КЗ.
„Имено, првопријавената М. Р., како директор на детска градинка на 12.05.2021, по објавен оглас за јавна набавка на стоки – електрична опрема за детска градинка – две машини за перење на алишта, со пречекорување на своите службени овластувања, знаејќи дека максималниот износ на набавката требало да биде во вредност од 1.300.000,00 денари без ДДВ, кои средства требало да бидат обезбедени од сопствената сметка на договорниот орган, како најповолен понудувач избрала правно лице од Скопје, иако понудило цена во износ од 1.329.800,00 денари без ДДВ, за што донела и Одлука за обезбедување на дополнителни средства и изменување на одлуката за јавната набавка, со кое склучила Договор за јавна набавка на вкупен износ од 1.569.164,00 денари со вклучен ДДВ, иако од истото правно лице не била доставена банкарска гаранција со самото склучување на договорот во износ од 156.916,00 денари, кој исто така не го испочитувал рокот за достава и набавените машини и наместо за 15 дена ги доставил со задоцнување од околу 150 дена од склучувањето на договорот, по што првопријавената М.Р. со неизвршување на своите службени овластувања, наместо да го раскине склучениот договор со избраниот понудувач, да активира негативна референца во е-системот на Бирото за јавни набавки и да поведе постапка за наплата на договорената казна во износ од 81.596,00 денари, таа не го направила тоа“, извести МВР.
„Второпријавениот како градоначалник на една скопска општина со пречекорување на своите службени овластувања, иако знаел дека средствата за плаќање на машините требало да бидат обезбедени од сопствената сметка на градинката, извршил промена со проширување на буџетот на општината во делот дотации во износ од 1.534.000,00 денари, и истите на 29.11.2021 ги префрлил на сметката на градинката, кои парични средства од страна на првопријаваната М.Р. истиот ден биле платени кон избраниот понудувач, додека на 22.12.2021 година извршила плаќање на средства во износ од 35.164,00 денари од сопствената сметка на градинката, на кој начин првопријаваната и второпријавениот го оштетиле буџетот на општината за износ од 1.534.000,00 денари, додека првопријавената го оштетила буџетот на градинката во износ од 273.676,00 денари како ненаплатена банкарска гаранција и договорена казна и исплатените парични средства од сопствената сметка, на кој начин му овозможиле на правното лице од Скопје да се стекне со противправна имотна корист во износ од 1.807.676,00 денари“, соопшти МВР.
Црна хроника
Во Сопиште пронајден скопјанец пријавен дека се оддалечил од здравствена установа во Карпош
Вчера во 17.05 часот во СВР Скопје било пријавено дека на подрачјето на село Сопиште, полициски службеници од Полициската станица Кисела Вода го пронашле 38-годишниот Ј.Т. од Скопје, извести МВР.
Лицето на 30.04.2024 било пријавено дека се оддалечило од здравствена установа на подрачјето на Карпош, додаваат од МВР.