Спорт
САД опен: Бушар загуби 12-ти меч во низа, Типсаревиќ го одигра последниот гренд слем

Поранешната финалистка од Вимблдон, Канаѓанката Јуџини Бушар, доживеа 12-ти пораз во низа кога во првото коло на САД опен беше поразена со 6:3/6:3 од 12. носителка, Анастасија Севастова.
Бушар повторно се мачеше со прецизноста, направи 27 неизнудени грешки и 4 двојни сервис-грешки на теренот број 5, а минатогодишната финалистка Севастова ги казнуваше сите нејзини грешки. Бушар, која во 2014 беше на петтото место на ВТА-листата, се мачи цела сезона и е на 119. место на ВТА-листата.
Свој последен гренд слем меч одигра српскиот ветеран Јанко Типсаревиќ, кој неодамна најави дека се повлекува од спортот по Дејвис-куп финалето на крајот на сезоната. Србинот почна добро, но на крајот загуби со 3:6/6:1/7:6(5)/6:1 од Американецот Денис Кудла.
САД ОПЕН, 1. КОЛО
МАЖИ
Лајовиќ – Дарси 7:5/6:3/6:3
Буксби – Бердих 6:1/2:6/6:4/6:4
Кудла – Типсаревиќ 3:6/6:1/7:6(5)/6:1
Клен – Монтеиро 6:3/6:2/6:3
Нишикори – Трунгелити 6:1/4:1 пред.
ЖЕНИ
Болквадзе – Пера 6:3/5:7/6:4
Жабер – Гарсија 7:6(8)/6:2
Мартиќ – Зиданшек 6:4/4:6/6:1
Петерсон – Пуиг 6:3/6:3
Богдан – Дарт 6:3/6:1
Севастова – Бушар 6:3/6:3
Кар.Плишкова – Мартинцова 7:6(6)/7:6(3)
Барти – Дијас 1:6/6:3/6:2
Гаспарјан – Хон 7:6(4)/6:4
Александрова – Стосур 6:1/6:3
Excitement on Court 5!
2018 #USOpen semifinalist Anastasija Sevastova is through to R2 after defeating Bouchard 6-3, 6-3. pic.twitter.com/1wqtAaCiif
— US Open Tennis (@usopen) August 26, 2019
Denis Kudla does it! ?
He defeats Janko Tipsarevic 3-6, 6-1, 7-6, 6-1 to get to R2 of @usopen.#TeamUSATennis pic.twitter.com/DLuMRB575n
— USTA (@usta) August 26, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) ПСЖ се спаси од пораз против Стразбур

Фудбалерите Пари Сен Жермен и Стразбур ремизираа 3:3 во дербито на осмото коло од Лига 1.
Луд натпревар беше виден на „Паркот на принцовите“. Домаќинот трган фуриозно, а на крајот мораше да се бори за еден бод.
Сè започна со голот на Баркола во шестата минута, но гостите до полувремето направија пресврт, со головите на Паничели во 26-та и Мореира во 41-та минута.
Паничели дополнително ги загрижи „Светците“ во 49-та минута, а Рамос го врати ПСЖ во игра од пенал во 58-та минута.
Мајулу спаси бод за ПСЖ во 79-та минута.
И на овој натпревар Луис Енрике не можеше да смета на важни играчи – Дембеле, Маркињос, Невеш, Руиз, додека Кварацхеликја, Мендеш и Витиња започнаа од клупата.
ПСЖ го запиша второто последователно реми, и е на чело со 17 бода, еден повеќе од Стразбур.
Спорт
Мареска потврди дека Палмер ќе паузира уште шест недели

Фудбалерот на Челзи, Кол Палмер (23), нема да може да им се придружи на соиграчите уште шест недели поради повреда на препоните, објави тренерот Енцо Мареска.
Палмер не играл од поразот на Челзи од Манчестер Јунајтед на 20 септември.
Тој го напушти теренот во првото полувреме, а Мареска потоа објави дека ќе го одмори до октомвриската репрезентативна пауза, која сега е завршена.
„Згрешив. За жал, тој ќе биде надвор од терените веројатно шест недели“, рече Мареска, исклучувајќи ја можноста за операција.
„Се обидуваме да го заштитиме Кол колку што е можно повеќе и најважно е тој да биде целосно закрепнат кога ќе се врати“, додаде италијанскиот стручњак.
Челзи, кој моментално е седми на табелата во Премиер лигата, во сабота гостува кај Нотингем Форест, кој е 17-ти на табелата.
Спорт
Флик негира дека претседателот на клубот му се меша во работата

Ханси Флик, на прес конференцијата, пред натпреварот со Џирона, бурно реагираше на прашањето дека претседателот на Барселона барал Ламин Јамал да игра против ПСЖ во Лигата на шампионите.
Шпанските медиуми со денови шпекулираат за наводниот конфликт во врвот на каталонскиот клуб, според кој претседателот Џоан Лапорта наводно му наредил на Ханси Флик да го вклучи Ламин Јамал во почетниот состав за натпреварот против ПСЖ, иако 18-годишникот, според изворите, доцнел на задолжителниот состанок на тимот пред дуелот.
„Би сакал да знам од каде доаѓаат тие глупости. Никој во клубот никогаш не ме замолил да направам нешто слично. Тие ми веруваат целосно. Немам што да кријам, познато е дека во Барселона тренерскиот штаб носи спортски одлуки“, рече Флик.
Тој нагласи дека Ламин Јамал не бил казнет и дека неговото место во почетниот состав против ПСЖ е спортска одлука, а не резултат на каков било притисок од раководството.
Да потсетиме дека шпанските таблоиди претходно објавија дека Флик прво планирал да го казни младиот напаѓач затоа што доцнел и дека му рекол дека нема да биде во првиот состав. Сепак, според овие шпекулации, раководството на клубот наводно инсистирало Јамал да го започне натпреварот.
Инаку, Барселона во второто коло загуби од ПСЖ со 1:2.