Спорт
„Хамес Родригез го интересира само неговата фризура“
Поранешниот доктор во репрезентацијата на Колумбија, специјалист по спортска медицина, Ектор Фабио Круз жестокот го критикувал фудбалерот на Реал, Хамес Родригез. Тој порачал дека Хамес не живее спортски поради што не може да избори место во тимот на Реал.
Хамес Родригез ќе го пропушти мечот на Реал со Вилјареал поради повреда. Тој го повредил мускулот во саботата против Валјадолид (1-1). Колумбискиот лекар кој имал можност да работи со фудбалерот тврди дека повредите што го следат се последица на недоволна подготвеност.
„Момчето е растргнато, наместо да работи на подготовка на своето тело за новата сезона, тој се грижи за својот изглед, како ќе му изгледаат веѓите и фризурата. Треба да се погрижи да ја достигне најдобрата физичка подготвеност“, рекол Круз.
Овој стручњак за спортска медицина порачува дека кај фудбалерите мора да постои дисциплина и дека вистински пример за тоа како фудбалерот треба да се подготвува помеѓу две сезони е Кристијано Роналдо.
„Самодисциплината е клучна. Играч како Хамес не смее да биде незаинтересиран за подготовка. Во Реал сметаат дека сите играчи се професионалци и сметаат дека тие ќе бидат подготвени. Хамес тоа го нема во главата, не се подготвува. Тој повеќе месеци е надвор од теренот, оди од забава на забава, како тој тогаш ќе биде подготвен да игра?“, дополнил Круз.
Тој го критикувал Хамес дека и по светското првенство во Русија, кое го заврши со повреда и по Копа Америка, заминал на одмор и на плажа. Порачал дека за да ја избегне повредата на листот мора да ги зајакне сите делови на телото препоните, колковите, стомачните мускули…
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино: Не одлучувам јас дали ќе го напуштам Челзи
Тренерот на Челзи, Маурисио Покетино изјави дека не е сигурен дали ќе има време да го врати клубот на врвот на англискиот фудбал.
Челзи на домашен терен го победи Тотенхем со 2:0 во натпреварот од Премиер лигата и ги задржа шансите за пласман во европските натпреварувања.
„Сините“, речиси цела сезона се справуваат со повреди, а во моментов дури 14 играчи поради повреди се надвор од тимот. Се шпекулира дека аргентинскиот стручњак би можел да го напушти клубот на крајот на сезоната.Тој не сакаше да одговори на ова прашање.
„Мислам дека е доста“, изјави Покетино за Скај на прашањето за шпекулациите околу неговата иднина.
„На сите тренери им треба време за да пренесат идеи и филозофии. Уште повеќе кога екипата е ваква. Ни треба време. Тоа не е моја одлука. Тешко е бидејќи секоја недела сум под лупа. Но, тоа не е моја одлука. Ако сакаме да испишеме историја со Челси, не чека многу работа. Ќе бидиме дали ќе имаме доволно време“.
Челзи моментално е осмо на табелата со 51 бод од 34 натпревари во Премиер лигата и заостанува три бода зад шестопласираниот Манчестер Јунајтед, кој го држи последното место кое обезбедуа пласман во европските купови.
Спорт
Тренерот на Бенфика сега е прв фаворит за нов тренер на Баерн
Баерн беше подготвен да го претстави Ралф Рангник како тренер кој ќе го наследи Томас Тухел следната сезона, но австрискиот тренер се премисли во последен момент и реши да остане на кормилото на репрезентацијата на Австрија. Претходно Баерн го одбија Чаби Алонсо и Јулијан Нагелсман.
Баерн ја продолжува потрагата по наследникот на Тухел, а според „Билд“ следен кандидат е Роџер Шмит (57), актуелниот тренер на Бенфика.
„Билд“ тврди дека Баерн сега со сите сили ќе тргне по Шмит, чиј договор со Бенфика е со важност до 2026 година и има откупна клаузула од 30 милиони евра. Сепак, португалскиот клуб наводно не е целосно задоволен од неговата работа, па постои можност Баерн да го добие на друг начин, наместо да плати голема сума.
Спорт
Сунес: Салах е најсебичниот играч што некогаш сум го видел
Греем Сунес, легендата на Ливерпул, кој со клубот од Енфилд освои пет титули во англиското првенство и три европски купа, го нарече Мохамед Салах најсебичниот играч што некогаш го видел.
Салах пристигна во Ливерпул во трансфер од Рома во 2017 година, тој одигра 346 натпревари за клубот, постигна 210 голови и забележа 88 асистенции.
Сонес верува и дека Салах наскоро ќе го напушти „Енфилд“.
„Мислам дека Мохамед Салах ќе го напушти Ливерпул. Беше одличен и ако замине во Саудиска Арабија ќе стане најголемата ѕвезда таму. Има многу високо мислење за себе и беше лут што не го започна натпреварот против Вест Хем. Тој е најсебичниот играч што некогаш сум го видел.“