Спорт
Ливерпул тврдат дека не го „уништиле животот“ на братучедот на Џерард
Ливерпул одговорија дека се „разочарани“ од непотребните коментари и обвинувања кои беа направени кон клубот од агентот на тинејџерот Боби Данкан, кој ги обвини „црвените“ дека го нарушиле менталното здравје на 18-годишниот напаѓач.
Во неверојатна објава директно на Твитер во средата попладне, агентот на Данкан, Саиф Руби, ги обвини Ливерпул дека го „уништиле животот“ на 18-годишниот Данкан со ментално насилство. Во изјавата се издвојува спортскиот директор Мајкл Едвардс и се посочува малата плата која Данкан ја добива во клубот, како и одбивањето на клубот да го позајмат на Фиорентина ил Нордсјеланд. Според него, Данкан „никогаш нема да се врати“ во клубот од детството.
Ливерпул одговорија со сопштение малку подоцна.
„Интересите на фудбалерот не се штитат со неточни шпекулации, намерно бомбастични изјави или во јавноста, така што нема да коментираме. Но, ќе продолжиме да работиме со него да најдеме најдобро решение за сите вклучени“, се вели во соопштението на Ливерпул.
Данкан, кој е братучед на легендата на Ливерпул, Стивен Џерард дојде на „Енфилд“ летото 2018 година откако претходно седум години беше во Манчестер сити. Со У-18 тимот на Ливерпул тој го освои ФА Јут купот, прв за Ливерпул од 2007 година, а беше и дел од првиот тим во пријателските мечеви во текот на летото.
Official statement regarding Bobby Duncan @bobbyduncan999 shame on you @LFC #mentalhealth #consideration pic.twitter.com/OFYUJnwiJA
— Saif Rubie (@saifpr) August 28, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино: ВАР го нарушува имиџот на англискиот фудбал
Менаџерот на Челзи, Маурисио Покетино, изјави дека употребата на ВАР технологијата го нарушува имиџот на англискиот фудбал. Аргентинецот ова го изјави по натпреварот во Бирмингем, каде на Челси против Астон Вила му беше поништен гол за победа во 95.минута.
Челзи, на „Вила Парк“, губеше со 2:0, се врати во мечот со головите на Мадуеке и Галагер, а во петтата минута од судиското надополнување, по употребата на ВАР технологијата, голот на Аксел Дисаси беше поништен поради прекршок на почетокот на акцијата.
„Ова е болно и го нарушува имиџот на англискиот фудбал. Мислам дека ниту играчите на Астон Вила, ниту нивните навивачи не разбираа зошто голот е поништен. Судиите рекоа дека е прекршок, а ако на секој таков дуел гледаме како фаул, тогаш ние не би го завршиле натпреварот со 11 играчи. Можеме да зборуваме за играта или за одлуката, таа му штети за на фудбалот“, рече Покетино.
Спорт
(Видео) Два гола и две асистенции, Меси го реши Њу Ингланд
Фудбалерите на Интер Мајами ја продолжија победничката серија во МЛС лигата, а Меси ја продолжи голгетерската серија.
Избраниците на Херардо Тата Мартино славеа над Њу Ингланд со резултат 4:1 на гостински терен, во рамките на 11. коло и ја задржаа лидерската позиција во Источната конференција.
Ова беше шести триумф за Интер сезонава, за него најзаслужен беше Лионел Меси, двоен стрелец и асистент на стадионот „Жилет“ во Фоксборо, Масачусетс.
Аргентинецот на тој начин се проби на првото место на листата на стрелци со девет гола, а воедно е и прв асистент во лигата со осум асистенции.
Гол за гостите постигна и Луис Суарез, а меѓу стрелците се запиша и Американецот Бенјамин Кремаски.
In case you guys missed…here's highlights of Lionel Messi vs New England Revolution | 2 goals and an assist🐐pic.twitter.com/hu4l8fhgvq
— SK10 𓃵🇵🇸 (@SK10_Football) April 28, 2024
Спорт
Порто го смени претседателот по 42 години
Хорхе Нуно Пинто повеќе не е претседател на Порто, а на негово место е избран поранешниот тренер на овој клуб Андре Вилаш Боаш.
Новиот претседател доби дури 80 отсто од гласовите, со што заврши најдолгата претседателска ера во светот на фудбалот.
-„Порто повторно е слободен“, изјави Вилаш Боаш откако беше избран.
Хорхе Нуно Пинто, беше претседател на трофејниот клуб од 1982 година. Кога го презеде, Порто беше далеку зад ривалите од Лисабон (Бенфика и Спортинг) по бројот на национални титули (седум), а 42 години подоцна имаат 30, дури 11 повеќе од Спортинг, а Бенфика е напред со 38.
Покрај тоа, Порто во неговата ера освои дури пет европски трофеи и два Интерконтинентални купа.
Еден од тие пет трофеи како тренер го освои Вилаш Боаш, Лига Европа во 2011. Таа сезона, единствената во која беше тренер на Порто, ја заокружи со сите три домашни трофеи. Потоа ги водеше Челзи, Тотенхем, Зенит, Шангај СИПГ и Олимпик од Марсеј.