Спорт
ЛШ: Ајакс се „протна“, познати сите 32 учесници во Лигата на шампионите
Минатогодишниот полуфиналист, Ајакс едвај се пласираше во групната фаза на Лигата на шампиони, откако потешко од очекувањата стигна до 2:0 победа над кипарскиот АПОЕЛ по ремито без голови во првиот меч. Последните два тима кои успеаја да влезат во ЛШ по групи се белгискиот Клуб Бриж и чешкиот шампион Славија Прага.
Ајакс во Амстердам го пречека АПОЕЛ по изненадувачкото реми без голови, но дојде на чекор до пласман откако во 43. минута по нафрлањето на Хаким Зијеш, дефанзивецот Едсон Алварез беше највисок во скокот и донесе 1:0 водство за домаќините. Само што почна второто полувреме, ветеранот Клас-Јан Хунтелар во 50. минута постигна гол, но по прегледувањето на ВАР-системот, тој беше поништен поради офсајд.
„Копјаниците“ потоа си играа со нервите на своите навивачи, бидејќи во случај АПОЕЛ да постигнеше гол (а имаше неколку изгледни шанси), Ајакс ќе беа елиминирани, пред во 80. Минута Душан Тадиќ да стави крај на дилемите.
Соседите од Белгија, Клуб Бриж, исто така се во групната фаза на ЛШ, откако повторно ги победија ЛАСК Линц, овојпат со 2:1 со по победата во првиот меч од 1:0. Ванакен во 70. минута ги донесе домаќините во водство, пред гостите да израмнат само четири минути подоцна со гол од пенал. Емануел Денис во 90-тата минута го потврди влезот на белгиските вице-шампиони во ЛШ
Источна Европа ќе има уште еден претставник во елитата, откако Славија Прага ја повтори победата од 1:0 над романскиот шампион Клуж.
ЛИГА НА ШАМПИОНИ, БАРАЖ, 2.МЕЧ
Ајакс – АПОЕЛ 1:0, прв натпревар 0:0, вкупно 1:0
Клуб Бриж – ЛАСК Линц 2:1, прв натпревар 1:0, вкупно 3:1
Славија Прага – ЦФР Клуж 1:0, прв натпревар 1:0, вкупно 2:0
СИТЕ 32 УЧЕСНИЦИ ВО ЛИГАТА НА ШАМПИОНИТЕ 2019/20
Ливерпул (Анг), Челси (Анг), Манчестер сити (Анг), Тотенхем (Анг)
Барселона (Шпа), Реал Мадрид (Шпа), Атлетико Мадрид (Шпа), Валенсија (Шпа)
Јувентус (Ита), Наполи (Ита), Интер (Ита), Аталанта (Ита)
Баерн Минхен (Гер), Борусија Дортмунд (Гер), Баер Леверкузен (Гер), РБ Лајпциг (Гер)
Пари Сен-Жермен (Фра), Лион (Фра), Лил (Фра)
Зенит Санкт Петерсбург (Рус), Локомотив Москва (Рус)
Генк (Бел), Клуб Бриж (Бел)
Шахтјор Доњецк (Укр)
Бенфика (Пор)
Ред бул Салцбург (Авт)
Олимпијакос (Грц)
Динамо Загреб (Хрв)
Галатасарај (Тур)
Црвена звезда (Срб)
Ајакс (Хол)
Славија Прага (Чеш)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Шоу на Ел Каби против Астон Вила, Фиорентина во 91.минута го скрши Бриж
Во првите полуфинални натпревари на Конференциската лига, Олимпијакос победи со 4:2 против Астон Вила во Бирмингем, додека Фиорентина го совлада Клуб Бриж со 3:2. Реваншите се за седум дена во Грција и Белгија.
Олимпијакос одигра сензационално против Астон Вила, среде Бирмингем имаше двојно помал посед на топката, помалку шанси и помалку удари кон голот на противникот, но успеа да постигне четири гола.
Вистински херој е напаѓачот Ел Каби кој постигна хет-трик.
Ел Каби погоди во 16. минута, па во 29. минута, но впечатокот грчкиот тим го распиа во финишот на првиот дел, во 46.минута кога Воткинс го намали резултатот.
Тој гол донесе офанзива на Вила на почетокот на вториот дел, која ја материјализираше Дијаби.
Вториот гол на Вила не ги поремени играчите на Олимпијакос, набргу Ел Јаби од пенал во 56. минута погоди за 3:2, а Хезе иа ја врти предноста од два гола на црвено-белите од Пиреа.
Вила имаше шанса да го намали резултатот, но во 84. минута Даглас Луиз од пенал ја погоди стативата.
Фиорентина двапати имаше предност против Бриж. Сотил беше стрелец во петтата минута од играта, а израмни Ванакен од пенал во 17. минута. Белоти повторно и го врати водството на Фиорентина во 37. минута. Во продолжение Бриж остана со играч помалку во 61.минута, кога за само три минути Оњедика доби два жолти каротн.
Две минути по црвениот картон на Оњедика, Игор Тиаго го изедначи резултатот.
На крајот, сепак, Фиорентина сепак успеа да забележи победа. Голот за 3:2 го постигна Нзола во 91.минута.
Спорт
(Видео) ЛЕ: Баер зачекори во финалето, Аталанта избори реми во Марасеј
Баер Леверкузен победи на „Олимпико“, со што направи џиновски чекор кон пласманот во финалето на Лига Европа. На добар пат да му се придружи е и Аталанта која одигра нерешено со Олимпик во Марсеј.
Четата на Чаби Алонсо нема намера да запре, од почетокот на сезоната се уште нема пораз. Вечерва новиот шампион на Германија ја победи Рома во Рим со 2:0, во првиот полуфинален натпревар во Лига Европа.
„Фармацевтите“ водеа со 1:0 по првиот дел со голот на Вирц цо 28.минута, а победата ја потврди Андрих со спектакуларен гол во 73.минута.
На „Велодром“ во Марсеј сите дилеми околу конечниот резултат беа решени во првите 20 минути. Скамка и донесе предност на Аталанта во 11.минута, девет минути подоцна изедначи Мбемба.
Реванш натпревари на програмата се наредниот четврток.
Спорт
(Видео) Челси ги згасна сништата на Тотенхем за пласман во ЛШ
Челзи го победи Тотенхем со 2:0 во одложениот натпревар од 26. коло на англиската Премиер лига. Со овој пораз Тотенхем речиси остана без шанси да дојде до четвртото место и пласман во Лигата на шампионите. Тотенхем има седум бода помалку од Астон Вила на три кола до крајот на сезоната.
Челзи беше многу подобар тим во градското дерби, постигна голови на време и не им дозволи на Спарс да создаваат сериозни прилики. Во 24. минута Тревор Чалоба погоди со глава кога одлично реагираше на центаршутот на Конор Галагер.
До тој гол „сините“ имаа две шанси, а Тотенхем. Прво шанса пропушти Мудрик, а потоа Ромеро за Тотенхем.
Во вториот дел долго се чекаше на вистинска шанса. Во 72.минута Кол Палмер ја погоди пречката од слободен удар, а на топката налета Николас Џексон и го постигна вториот гол.