Свет
Веб-страницата на Трамп повторно трола: „Претседателот Хилари Клинтон не постои“

Кога барате непостоечка веб-страница, серверот прикажува страница со Error 404, a веб-страницата на Доналд Трамп претставува своја верзија, која покажува фотографија на Хилари Клинтон пред подиумот на ПОТУС како пример за нешто што не постои, пренесува „Спутник“.
Веб-страницата на американскиот претседател, donaldjtrump.com, изгледа дека се забавува со неуспешниот обид на Хилари Клинтон за влез во Белата куќа. Кога пишувате непостоечка потстраница на веб-страницата (на пример, donaldjtrump.com/greenland), ве пренасочуваат на страницата 404, во која се вели дека барате нешто што не постои.
Ова не е прв случај веб-страницата на Трамп да ги исмева неговите политички противници.
Кон крајот на 2017 година известувачот на „Вашингтон пост“, Кристофер Ингреам, откри дека пораката што се појавува на action.donaldjtrump.com во случај на грешка на внатрешниот сервер, има за цел да го исмева поранешниот претседател Барак Обама, пишувајќи: „Упс! Нешто тргна наопаку. За разлика од Обама, ние работиме на решавање на проблемот … а не на теренот за голф “.
Пораката, меѓутоа, не можеше да се види никаде на веб-страницата бидејќи кодот содржеше единствен еднаков знак каде што треба да има два и очигледно беше прекинат. Пораката за грешка со голфот во меѓувреме е отстранета.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: На Украина ќе ѝ биде многу тешко да го врати Крим

Доналд Трамп коментираше за прашањето на Крим откако се појави информација дека неговиот мировен план вклучува признавање на руската контрола врз територијата од страна на САД.
Тој рече дека Украина „изгубила многу територија“ за време на војната, додавајќи: „Ќе направиме сѐ што можеме работејќи со Украина“.
Зборувајќи конкретно за Крим, Трамп изјави дека територијата била „предадена“ додека Барак Обама бил претседател. „Тоа нема никаква врска со мене“, рече Трамп.
Сепак, тој додаде дека ќе биде „многу тешко“ за Украина да го врати Крим.
Потоа американскиот претседател нагласи дека „нема лојалност кон никого“, туку дека има „лојалност кон спасување животи“.
„Мислам дека ќе постигнеме договор“, рече тој, додавајќи: „Мислам дека сме многу блиску до договор“.
Свет
Макрон: Путин треба конечно да престане да лаже

Францускиот претседател Емануел Макрон изјави дека Владимир Путин е единствената личност што стои на патот на мировниот предлог поддржан од САД и Европа.
„Единственото нешто што претседателот Путин треба да го направи е конечно да престане да лаже“, рече Макрон за време на посетата на Мадагаскар, објави АФП.
„Тој им кажува на американските преговарачи дека сака мир, а во исто време продолжува да ја бомбардира Украина“, додаде тој.
Макрон рече дека Украинците сакаат да чујат само едно: дали Путин се согласува на безусловно примирје? Тој нагласи дека „ако Путин каже „да“, оружјето би можело да замолкне утре и да се спасат животи“.
„Американскиот гнев треба да биде насочен само кон едно лице – претседателот Путин“, заклучи Макрон.
Вчера, Доналд Трамп го обвини Володимир Зеленски дека го отфрла мирот и рече дека може „да избере помеѓу мир и уште три години војна“, додека утрово му рече на Путин: „Владимир, престани! 5.000 војници умираат неделно. Ајде да го завршиме мировниот договор“.
Свет
Трамп: Ако нема договор, ќе воведеме царини за две до три недели

Актуелниот американски претседател Доналд Трамп изјави дека ќе почне да воведува царини за земјите што нема да постигнат трговски договори со САД во рок од „две до три недели“.
На прес-конференцијата одржана во Овалната соба, Трамп рече дека очекува САД да постигнат „одлични договори“ за време на тековните преговори. „Ако не постигнеме договор со компанија или земја, ќе воведеме царина“, рече Трамп.
Тој додаде дека неговата администрација досега разговарала за трговски договори со 90 земји. „Тоа ќе се случи, би рекол, во следните неколку недели, што велите вие? Мислам дека да, за две или три недели. Ќе ставиме бројка за тоа“, рече тој.
На 2 април, ден што го нарече Ден на ослободувањето, Трамп објави основна царина од 10 проценти за стоки од сите земји. Но, некои региони, како што се Европската Унија со царина од 20 проценти и Виетнам со 46 проценти, би се соочиле со уште повисоки царини.
Сепак, на 9 април, тој најави 90-дневно одложување на овие „реципрочни“ царини. Тој рече дека повеќето земји ќе бидат погодени со царини од 10 проценти. Во објава на социјалната мрежа Truth Social истиот ден, Трамп рече дека ја наметнува оваа пауза бидејќи повеќе од 75 земји им се обратиле на САД за да започнат преговори и ниту една од нив не одговорила со контрамерки.
Сепак, Кина не доби иста понуда. САД сега имаат царина од 145 проценти за кинеските производи, додека Кина возврати со царина од 125 проценти за американските производи.
Трамп ги користи царините како алатка за преговори уште од самиот почеток. На 3 април, тој изјави дека би бил спремен да ги намали царините за земјите што им нудат на САД „нешто феноменално“, анализираат светските медиуми.