Регион
Могерини: Ќе зажалиме ако Балканот набргу не влезе во ЕУ
Шефицата на европската дипломатија во заминување, Федерика Могерини, ја повика Унијата да го задржи силното присуство на Западен Балкан за остварување на јасниот интерес -воведување на целиот Балкан во Европската Унија.
„Убедена сум, доколку тоа не го сториме, дека ќе зажалиме веќе за неколку години“, порача Могерини.
Во своето обраќање на годишната конференција на амбасадорите на земјите членки на ЕУ во Брисел, Могерини оцени дека влезот на Западен Балкан во ЕУ е прашање на повторното обединување на целиот европски континент и дека тоа му е потребно како на Балканот така и на ЕУ.
„Имаме јасен интерес да го воведеме целиот Балкан во ЕУ. Сите знаеме дека е тоа долг, комплициран, секогаш интересен и разигран процес, што ќе бара доста време, решавање проблеми и многу политичка преданост од сите страни и одлучност“, наведе Могерини.
Таа го наведе примерот со прашањето на името на Северна Македонија оценувајќи дека тоа се постигна со залагањето на Атина и Скопје и со константна поддршка и охрабрување од ЕУ.
„Истото важи и за целиот Балкан. Ќе ни требаат храброст, лидерство и упорност, како и таму да го задржиме нашето константно присуство, што значи секој ден“, нагласи таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Во Тирана отворена најголемата џамија на Балканот, ја финансираа Турците, а пристигна и Ердоган
Турскиот претседател вчера пристигна во главниот град на Албанија за официјално да ја отвори џамијата со минариња високи 50 метри. Новата џамија во Тирана е најголемата на Балканот, пишува Анадолија.
Реџеп Таип Ердоган се сретна со албанскиот претседател Бајрам Бегај, а подоцна и со премиерот Еди Рама. По средбата на највисоките претставници на двете земји беа потпишани договори за зајакнување на соработката во земјоделството и образованието.
Турција е стратешки партнер на Албанија и еден од нејзините најголеми инвеститори што придонесува во инфраструктурата и другите сектори. Ердоган рече дека двете земји треба да имаат за цел да ја удвојат својата годишна трговска размена на две милијарди евра.
Тој исто така најави дека неговата земја ќе обезбеди неодреден број беспилотни летала за зајакнување на воениот капацитет во Албанија. На брифингот по средбите, Рама рече дека најавата на Турција за испраќање воени беспилотни летала испраќа „многу јасна порака“ дека „Албанија не може да биде нападната“.
Изградбата на новата џамија започна во 2015 година, а околу 30 милиони евра обезбеди турската државна муслиманска организација Дијанет. Џамијата беше завршена пред повеќе од една година, но отворањето беше одложено поради загриженоста на Ердоган дека групата која Турција ја нарекува Терористичка организација Фетулах, или ФЕТО, ќе има влијание врз џамијата.
Според договорите постигнати со локалната албанска муслиманска заедница, турската организација Дијанет ќе има свој претставник во управниот одбор на џамијата. Турција вели дека ФЕТО и нејзиниот лидер со седиште во САД, Фетула Ѓулен, го организирале неуспешниот пуч во Турција на 15 јули 2016 година, во кој загинаа 251 лице, а речиси 2.200 беа ранети. Ѓулен негираше каква било вмешаност.
Покрај четирите минариња, новата џамија има централна купола од 30 метри и капацитет за 8.000 луѓе. Се наоѓа на парцела од 10.000 метри квадратни во близина на албанскиот парламент, а на првиот кат има културен центар.
Местото се наоѓа во близина на познати католички и православни катедрали. Различни религиозни групи живеат заедно во мир без тензии.
Регион
Вучиќ го пречека Ердоган на аеродромот: „Добредојдовте во Србија, драг пријателe“
Претседателот на Србија, Александар Вучиќ, вечерва на аеродромот Никола Тесла го пречека претседателот на Турција, Реџеп Таип Ердоган.
Според програмата на посетата, в петок во 11 часот ќе се одржи церемонија на пречек пред палатата „Србија“, по што ќе следи средба на двајцата претседатели, јавуваат српските медиуми.
Потоа ќе се одржи четвртата седница на Високиот совет за соработка меѓу Република Србија и Република Турција, предводена од двајцата претседатели.
„Добредојдевте во Србија драг пријателe. Вашата возвратна посета е уште една можност за дополнително зајакнување на нашите пријателски односи и соработка. Верувам дека за време на вашиот престој во Белград ќе работиме заедно на подобрување на економските, културните и политичките врски меѓу нашите земји“, му порача претседателот Вучиќ на турскиот колега по пристигнувањето во Белград.
View this post on Instagram
Вучиќ и Ердоган ќе присуствуваат и на бизнис форум.
Регион
Несреќа во БиХ: автомобил со најмалку три лица слета во река
Специјални екипи работат на извлекување на возилото што во текот на ноќта слета во реката Босна, од регионалниот пат Какањ – Високо, во градот Добриње, потврди портпаролката на МУП на Зеничко-добојскиот кантон, Алдина Алиќ.
Но, како што пренесуваат локалните медиуми, не се знае точниот број на жртви. По пронаоѓањето на возилото, ќе биде спроведена истрага, со која ќе раководи дежурниот кантонален обвинител.
Според известувањето на порталот „Кликс“, несреќата се случила синоќа, еден час по полноќ, а полицијата ја известил маж, кој бил во возилото и успеал да се спаси.
Кога пристигнале на местото на несреќата, полицијата затекнала маж со видливи повреди и отежнато комуницирање. Им кажал дека се сеќава оти бил во автомобилот со уште три лица.