Македонија
Царовска: Шуто Оризари добива нова современа градинка
Министерката за труд и социјална политика, Мила Царовска, денеска, ја посети градинката „8 Април“ во Шуто Оризари, која ги прави последните технички подготовки за почнување со работа.
„Навистина сум среќна што дечињата во Шуто Оризари добија современ објект во којо ќе може интерактивно да се вклучуваат и сите заеднички да учат и да се развиваат. Бидејќи навистина е важно предучилишното образование да почне што порано за децата понатаму да може да добијат подобра основа за основно и средно образование. Општина Шуто Оризари имаше своја градинка, но таа, сите сме сведоци, пред 4 години изгоре. Ние почнавме со изградба пред 2,5 години. Благодарение на норвешката амбасада, која ги донира средствата за иградба и УНДП, кој техничко го поддржуваа процесот на градба, МТСП целосно го финансира опремувањето. Со тоа се докажа дека со заеднички сили навистина можме да добиеме објект кој е современ и е според потребите на децата. Ние како Министерство интензивно градиме инфраструктура за прием на што повеќе деца во предучилишно образование, што значи дека градиме со план и инвестираме во децата, кои се иднината на државата“, изјави Царовска.
Градежните работи на градинката „8 Април“ се речиси целосно завршен. Норвешка обезбеди финансиската поддршка за овој објект во износ од 35 милиони денари.
„Новата градинка во Шуто Оризари е во духот на целите за одржлив развој и мотото ‘Никој да не биде изоставен’. Објектот обезбедува побезбедна, поекономична, поинклузивна и потопла средина соодветна за сите деца. Делиме иста визија со Владата дека сите заслужуваат еднакви можности и услови за згрижување и квалитетно образование“, потенцира Нарине Сахакијан, постојана претставничка на УНДП во државата.
Во моментот градинката располага со капацитет за 160 деца, а со планираната втора фаза на изградба објектот треба да добие и јасли со капацитет за 90 деца.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК: ВМРО-ДПМНЕ освои 59 мандати, СДСМ 19, Европски фронт 18, ВЛЕН 13, Левица 6 и ЗНАМ 5 мандати
Државната изборна комисија ги објави првичните резултати за парламентарните избори, а бројките ги потврдија пресметките на партиските штабови.
„На ниво на држава по мандати коалицијата ’Твоја Македонија’ со ВМРО-ДПМНЕ освои 59 мандати, коалиција ’За европска иднина’ со СДСМ 19 мандати. Коалицијата ’Европски фронт’ има 18 мандати, коалиција ВЛЕН 13 мандати, политичка партија Левица 6 мандати и ЗНАМ 5 мандати. Може да се случат некои мали промени да претрпат овие бројки. 94,05 е голем процент на обработени податоци, не верувам дека ќе има некои сериозни промени. Тоа ќе го знаеме веќе утре“, рече претседателот на Државната изборна комисија, Александар Даштевски.
Вечерва почнаа да течат и рокови за приговори за парламентарните избори. Приговори за текот на гласањето може да се поднесат до 19 часот на десетти мај, а приговори за сумирање и утврдување резултати до 23.30 часот исто така на десетти мај.
Македонија
ВМРО-ДПМНЕ ја слави двојната победа, Мицкоски порача: Сите кои што мислеа дека можат да ја уништат Македонија, завршија на буниште
Членовите на партијата ВМРО-ДПМНЕ, заедно со своите симпатизери ја слават победата на претседателските и парламентарните избори на плоштадот во Скопје.
На насобраните луѓе им се обрати лидерот на ВМРО-ДПМНЕ, Христијан Мицкоски.
„Ја ослободивме Македонија. Сите тие кои што мислеа дека можат да ја ограбат Македонија, да ја понижат, да ја уништат, денеска завршија на буниште, а набргу ќе одговараат“, порача тој.
Мицкоски претходно ги повика граѓаните да дојдат на плоштадите низ сите градови на Македонија заедно да ја прослават победата.
Македонија
Ахмети: ДУИ е втора сила во државата
ДУИ е втора сила во државата, изјави вечерва лидерот на интегративците, Али Ахмети.
„Ние Европскиот фронт сме втора сила во државата. Ние всушност го имавме ВМРО-ДПМНЕ како главен противник, затоа што ВМРО многу му помогна на Влен, но разликата помеѓу Европскиот фронт и Влен е преку 30.000 гласови“, рече Ахмети.
Според официјалните податоци на ДИК, ДУИ освои 18 мандати, коалицијата Влен освои 13 мандати.
ВМРО-ДПМНЕ која извои убедлива победа со 59 пратеници и ќе го добие мандатот за формирање Влада, најави дека ќе почне преговори со Влен за коалицирање. Партискиот лидер, Христијан Мицкоски и вечерва повтори дека е време ДУИ да замине во опозиција.