Спорт
Евро 2020: Полјаците на „колена“ пред Словенците, Холанѓаните триумфално во Германија (видео)
Репрезентацијата на Словенија го направи најголемото изненадување во квалификациите за Европско првенство во 2020, откако во меч од групата во која е и Македонија, со 2:0 ја победија фаворизираната Полска на „Стожице“ во Љубљана. Големото соседско дерби пак, помеѓу Германија и Холандија донесе шест гола и победа на „лалињата“ во Хамбург од 2:4.
Аљаж Струна во 35. минута и Андраж Шпорар во 65. минута постигнаа голови за „змајчеки“ да не прескокнат на табелата и да ја искомпликуваат борбата за пласман, откако Австрија немаше мака со нашиот следен противник, Летонија, стигнувајќи до победа од 5:0.
Холандија пак, стигна до драматична 3:2 победа на гостувањето кај Германците одмаздувајќи се за идентичниот 3:2 пораз на домашен терен во претходниот дуел на двете репрезентации. Гнабри уште во деветтата минута ги донесе „панцерите“ во водство, но Холанѓаните направија пресврт во второто полувреме и со голот на Френки де Јонг и автоголот на Џонатан Тах поведоа со 2:1.

Во 73. минута, Германија доби пенал и преку Тони Крос израмни на 2:2, но само шест минути подоцна фудбалерот на ПСВ, Доњел Мален по асистенција на Вајналдум ги замолче навивачите на „Фолскпаркстадион“, пред Вајналдум во 91. минута да стави точка на мечот. Иронично во групата Ц, на првото место останува Северна Ирска со 12 поени, Германците имаат 9, а Холанѓаните 6 поени.
Светските вице-шампиони Хрватите полека се враќаат во форма откако со 4:0 успеаја да слават на гостувањето во Словачка со головите на Влашиќ, Перишиќ, Петковиќ и Ловрен.
ЕВРОПСКО ПРВЕНСТВО 2020, КВАЛИФИКАЦИИ
ГРУПА Ц
Естонија – Белорусија 1:2
Германија – Холандија 2:4
Табела: 1.Северна Ирска 12, 2.Германија 9, 3.Холандија 6, 4.Белорусија 3, 5.Естонија 0
ГРУПА Д
Австрија – Летонија 6:0
Словенија – Полска 2:0
Табела: 1.Полска 12, 2.Австрија 9, 3.Словенија 8, 4.Израел 8, 5.Македонија 5, 6.Летонија 0
ГРУПА Е
Словачка – Хрватска 0:4
Велс – Азербејџан 2:1
Табела: 1.Унгарија 9, 2.Хрватска 9, 3.Велс 6, 4.Словачка 6, 5.Азербејџан 0
ГРУПА И
Кипар – Казахстан 1:1
Сан Марино – Белгија 0:4
Шкотска – Русија 1:2
Табела: 1.Белгија 15, 2.Русија 12, 3.Казахстан 7, 4.Шкотска 6, 5.Кипар 4, 6.Сан Марино 0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Мурињо: Никој нема да ме убеди дека сме испаднати од ЛШ
Вчера, Бенфика загуби со 1:0 во Лисабон од Баер Леверкузен во четвртото коло од Лигата на шампионите. По четири кола, тимот на Жозе Мурињо има ист број порази со гол-разлика од 2:8. Токму гол-разликата ја прави разликата помеѓу претпоследната Бенфика и последниот Ајакс, кој исто така е на нула бодови, но со гол-разлика од 1:14.
Сепак, Мурињо верува дека Бенфика може да се пласира во плејофот за нокаут-фазата.
„Јас сум поголем оптимист од тоа. Никој нема да ме убеди дека сме елиминирани. Математиката е многу јасна – остануваат 12 бода во игра, а ни требаат околу девет. Математиката вели дека е можно, но не само тоа. Овој натпревар ме убеди дека можеме да ги добиеме натпреварите што ни се потребни.
Имаме уште два натпревари до крајот на календарската година, и ако ги добиеме двата, целосно сме во игра за да продолжиме понатаму. Лигата на шампионите е највисокото ниво на европскиот фудбал. Денес, противникот беше тим кој не создаде ниту шанса, ризикуваше ништо… но тоа е многу високо ниво. Со три стопери вредни милиони и со многу квалитет“, рече Мурињо. .
Мурињо пристигна во Бенфика на 18 септември и досега го предводеше клубот во 11 натпревари. Тој забележа 6 победи, два нерешени резултати и три порази.
Во Лигата на шампионите, тој ја предводеше Бенфика во поразите против Челзи (1:0), Њукасл (3:0) и вчерашниот 1:0 против Баер. Во преостанатите четири кола од Лигата на шампионите, Бенфика ќе игра против Ајакс во Амстердам, Наполи во Лисабон, Јувентус во Торино и Реал Мадрид во Лисабон.
Спорт
Еден месец ги чини 40.000 евра – Коринтијанс го моли Депај да го напушти хотелот
Холандскиот напаѓач Мемфис Депај (31), еден од клучните играчи на Коринтијанс, добил барање од раководството на клубот да го напушти луксузниот хотел во Сао Паоло каде што живее. Бразилскиот клуб се соочува со финансиски тешкотии и мора да ги намали трошоците, а сместувањето на Депај е огромен трошок.
Според информациите од бразилскиот „УОЛ“, престојот на холандската ѕвезда во клупскиот хотел чини околу 40 илјади евра месечно. Оваа тема станала предмет на дискусија на состанокот на Управниот одбор, каде што претседателот Осмар Стабиле потврдил дека разговарал со играчот за потребата од наоѓање поекономично решение.
Клубот тврди дека напаѓачот се согласил со предлогот и покажал подготвеност да се пресели, но до ден денес сè уште не го напуштил хотелот. Извори блиски до играчот наведуваат дека Депај се чувствува многу удобно во хотелот и дека му е тешко да се откаже од удобноста на која е навикнат.
Неговиот престој во хотелот не е изненадувачки со оглед на погодностите што му се нудат, како што се собна услуга, услуга за перење алишта, дневно чистење и 24-часовна рецепција. Една од клучните причини за престојот е близината на тренинг центарот, што ги олеснува неговите секојдневни обврски.
Депај е најдобар стрелец во историјата на холандската репрезентација со 54 гола на 106 натпревари. Својата кариера ја помина во ПСВ, Манчестер Јунајтед, Барселона, Лион и Атлетико Мадрид. Тој се пресели во Коринтијанс во септември минатата година и постигна 16 гола и им постави 14 погодоци на 58 натпревари. Неговиот договор важи до крајот на 2026 година.
Спорт
„Синер е опседнат со Алкараз“
Францускиот тенисер Николас Мау ја коментираше борбата меѓу двајцата најдобри играчи во светот.
Јаник Синер го освои Париз минатата недела и се врати на врвот на АТП листата.
„Тој сè уште може да ја подобри својата игра во транзицијата, својот напад, својата игра на мрежата“, изјави Мау за „Еуроспорт“, додавајќи:
„Кога ќе ги прочитате неговите изјави, тој е опседнат со Алкараз“.
На Синер ќе му биде многу тешко да остане на врвот на крајот од годината, по Завршниот Мастерс, бидејќи дури ни титулата во Торино не му го гарантира тоа.
„Не сум сигурен дека ќе остане број еден дури и ако ги добие сите натпревари, бидејќи не гледам како Алкараз нема да победи барем три натпревари (услов за враќање на врвот на АТП листата)“, истакнува Мау.
Последниот турнир во годината е закажан од 9 до 16 ноември.

