Спорт
Меси: Глупави се муабетите дека јас ги кројам тимот и трансфер-листата
Фудбалерот на Барселона, Лионел Меси, во опширно интервју за „Марка“ говорел за многу актуелни теми дека го составува тимот, дека ја крои трансфер-листата, дека може да го смени тренерот кога и да посака…
Деновиве сепак најактуелна е тема околу неговиот договор со Барселона кој истекува во јуни 2021 година и можноста да го напушти клубот.
„Клаузулите и парите ништо не ми значат. Најважно е во клубот да постои победнички проект, а очигледно постои. Во моментов нема никакви преговори околу мојот договор. Тие преговори би ги водел мојот татко, а тој не ми кажал дека нешто се случува. Нема преговори“, рекол Меси и потоа го коментирал лошиот старт на Барселона во Ла Лига.
„Засега нема причини за паника, иако не е пријатно кога вака ќе ја отворите сезоната. Имавме доста повреди и тоа е нормално. Мораме да „кликнеме“ веќе од наредниот натпревар“.
Барселона последен пат триумфирала во Лигата на шампионите во 2015 година, четири сезони клубот чека нов трофеј во ова натпреварување.
„Мина доста време откако последен пат ја освоив ЛШ. Искрено би сакал да ја освојам уште неколку пати во кариерата. Но не би потпишал да ја освоиме титулата во ЛШ пред онаа во Шпанија. Минатата сезона извлековме поука, дека во секој натпревар мора да постигнете гол““, рекол Меси и потоа ги издвоил најголемите ривали во Шпанија и ЛШ.
„Атлетико има добар, балансиран тим, купија добри играчи. Реал заврши голема работа со трансферот на Еден Азар. Јувентус и Манчестер сити се најголемата закана во Европа. Сите си јаки, Лигата на шампиони ќе биде многу израмнета“.
Потоа проговорил и за шпекулациите дека за се што се случува во Барселона се прашува тој.
„Веќе навикнав луѓето да зборуваат што сакаат. Секако дека тоа не е точно. велат дека го составувам тимот, дека бирам кој ќе дојде, а кој ќе замине, дека менувам и именувам тренер…Или дека тоа го прави мојот татко. Навстина не вреди да се зборува за ова. Знам која е мојата работа, а во туѓата не се мешам“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Интер во историски натпревар со триумф над Торино го прослави Скудетото
Фудбалерите на Интер пред своите навивачи, со победа на Торино (2:0) на најдобар начин ја прославија 20. шампионска титула, која математички ја обезбедија минатата недела.
Натпреварот влезе во историјата на италијанскиот фудбал, бидејќи женска судиска тројка ја делеше правдата.
🏆❤️ Torino give a guard of honour to the Serie A champions Inter! Respect. 🇮🇹 pic.twitter.com/X2lancJRx5
— EuroFoot (@eurofootcom) April 28, 2024
Serie A makes 𝗛𝗜𝗦𝗧𝗢𝗥𝗬 with its first all-women refereeing team for the Inter vs Torino match! 👏
Maria Sole Ferrieri Caputi, Francesca Di Monte, and Tiziana Trasciatti leading the way ✨
📺 @tntsports & @discoveryplusuk pic.twitter.com/GnkVSLhSRa
— Football on TNT Sports (@footballontnt) April 28, 2024
Торино, против шампионот се држеше до 49. минута и исклучувањето на Тамезе.
Со играч повеќе на теренот, Хакан Чалханоглу ги постигна двата гола за својот тим, првиот во 56. минута на асистенција на Мхитарјан, а вториот во 60. минута од пенал.
Спорт
Пеко ја доби битката со Маркез, Мартин не ја заврши трката
Актуелниот светски првак, Франческо Бањаја, победи на трката за Големата награда на Шпанија. На патеката во Херез доминираа возачите на Дукати, Бањаја од фрабричкиот тим победи пред домшниот миленик Марк Маркез (Гресини Дукати) и Марко Бецеки (ВР46 Дукати).
Пеко трката ја заврши за 40:58:053 минути. Второто место го зазеде возачот на Гресини, Марк Маркез, кој водеше антологиска битка со актуелниот шампион и ја мина целта со 0,372 секунди зад победникот. Марко Бецеки задоцни речиси речиси четири секунди зад победникот.
Алекс Маркез во вториот Гресини ја заврши трката на четвртото место, веднаш пред Енеа Бастианини (Дукати) и Бред Биндер од КТМ. Топ 10 го комплетираа Фабио Ди Џанантонио (ВР46), Мигел Оливеира (ГасГас), Маверик Вињалес (Априлија) и Педро Акоста (Гас Гас).
Маркез и Бецеки тргнаа одлично од првите две позиции, но апсолутен херој на првиот свиок беше Хорхе Мартин. Асот на Прамак Дукати при сопирање влезе малку подлабоко во свиокот, одлично го позиционираше мотоциклот и стигна до втората позиција. ајголеми губитници на стартот беа Биндер и Акоста.
Мартин изгледа го инспирираше актуелниот шампион Франческо Бања, кој направи спектакуларно претекнување, со еден маневар ги престигна Мартин и Бецеки.
Сепак Мартин не попушти, ја прзеде водечката позиција, а зад неговиот грб беше Бањаја.
Шпанецот не го издржа притисокот, направи грешка во осмиот круг, падна од мотоциклот и ја заврши трката.
Водечката позиција ја презеде Бањаја, а зад него за второто место се бореа Бецеки и Маркес. Младиот Италијанец ја загуби позицијата од Маркез, кој тргна да го „лови“ Бањаја.
На пет круга пред крајот имаше контакт и кратка промена на водството, но Бањаја брзо успеа да се врати на првото место и на крајот да победи.
Италијанецот со втората победа сезоната, ја намели предноста на лидерот Мартин на само 17 поени. Од друга страна Марк Маркез по пауза од 558 денови се искачи на победничкиот пиедестал.
Спорт
Покетино: ВАР го нарушува имиџот на англискиот фудбал
Менаџерот на Челзи, Маурисио Покетино, изјави дека употребата на ВАР технологијата го нарушува имиџот на англискиот фудбал. Аргентинецот ова го изјави по натпреварот во Бирмингем, каде на Челси против Астон Вила му беше поништен гол за победа во 95.минута.
Челзи, на „Вила Парк“, губеше со 2:0, се врати во мечот со головите на Мадуеке и Галагер, а во петтата минута од судиското надополнување, по употребата на ВАР технологијата, голот на Аксел Дисаси беше поништен поради прекршок на почетокот на акцијата.
„Ова е болно и го нарушува имиџот на англискиот фудбал. Мислам дека ниту играчите на Астон Вила, ниту нивните навивачи не разбираа зошто голот е поништен. Судиите рекоа дека е прекршок, а ако на секој таков дуел гледаме како фаул, тогаш ние не би го завршиле натпреварот со 11 играчи. Можеме да зборуваме за играта или за одлуката, таа му штети за на фудбалот“, рече Покетино.