Црна хроника
Загинал кога се превртел со џип полн со дрва
Жител на кичевското село Зајас загинал откако џипот натоварен со дрва, со којшто управувал, се превртел. Дрвата го потиснале и починал на лице место.
Според информациите на СВР Тетово, несреќата се случила утрово околу 3:30 часот во близина на депонијата Сушички Мост, кога дваесет и петгодишниот Н.Б. со „шевролет-блејзер” се движел кон Гостивар. Од засега неутврдени причини изгубил контрола и се превртел.По пријавувањето на несреќата, на терен излегле и пожарникари со чија помош било извлечено телото на возачот. По извршениот увид, по наредба на јавен обвинител, телото на Н.Б. е дадено на обдукција./крај/миа
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Фатени дрвокрадци во Прилеп, со „лада“ носеле дрва и моторни пили
Во атарот на село Степанци, на местото „Црници“ во Општина Чашка, вчера од страна на полициските службеници од СВР Велес беа затекнати 64-годишниот И.Ш. и 33-годишниот Е.А, двајцата од Прилеп, кои пренесувале дрва без соодветна документација.
Како што информира денеска портпаролот на СВР Велес, Билјана Ѓаковска, од нив било одземено патничко возило „лада“ без регистарски ознаки, натоварено со дрва и две моторни пили.
Од СВР Велес, најавија дека по документирање на настанот против нив ќе бидат поднесени соодветни пријави.
Топ
При контрола на угостителски објекти за дрога се приведени девет лица
Полициските службеници од Единицата за недозволена трговија при СВР Скопје вчера по план на СВР Скопје ивршија контрола во повеќе угостителски објекти, при што лишени од слобода се девет лица, кај кои била пронајдена дрога.
Како што соопштија од МВР, при преглед кај К.Л. (31), П.З. (31) и Б.Д. (30) пронајдена е бела прашкаста материја, кај Г.Џ. (30), Л.М. (22), Ж.Ј.(33), А.Ш. (27) и А.Н. (22) пронајдена е марихуана, а кај А.Б. (24) пронајдена е дробилка со марихуана.
Од МВР потенцираат дека при контролата е извршено легитимирање и преглед на 59 лица и пет патнички возила.
Црна хроника
Улично куче искаса маж во Скопје
Маж бил каснат од улично куче во Скопје, а настанот го пријавил во полициската станица во Ѓорче Петров.
„На 24.05.2024 во 08.40 часот во Полициската станица Ѓорче Петров, Т.Н.(53) од Скопје пријавил дека на ул. ‘Исаија Мажовски’ во Скопје бил каснат од куче скитник“, соопшти МВР.