Спорт
Клоп: Зошто некој би сакал да си замине од Ливерпул?
Јирген Клоп вели дека неговите ѕвезди немаат причина да заминат од Ливерпул бидејќи клубот е на вистинска патека и не очекува некој од сегашните фудбалери да го следи патот на Луис Суарез и Филипе Кутињо, кои заминаа за Барселона.
Одличната форма на Садио Мане и на Мохамед Салах придонесоа во текот на летото да постојат шпекулации дека шпанските гиганти ќе се обидат да ги привлечат да го напуштат „Енфилд“, но Клоп вели дека сите имаат долгорочни договори и дека тимот е конкурентен по освојувањето на титулата од Лигата на шампионите.
„За нас е најважно да осигуриме ситуацијата да остане ваква. Имаме прекрасна атмосфера во Мелвуд, на ‘Енфилд’ и каде и да одиме во светот. Тоа е посебно и работевме напорно тоа да се оствари. Затоа, мораме да бидеме подобри, да се бориме до крај. Овој клуб е прекрасен. Секогаш бил прекрасен, но сега имаме и посебна атмосфера, добра база и мораме да ја надградиме. Потоа, никој од момците нема да има причина да си замине. Кога ќе погледнат околу себе, ќе видат првокласни фудбалери, одлична атмосфера и силен тим“, вели Клоп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.
Спорт
Јунајтед три недели ќе биде без Мегваер
Фудбалерот на Манчестер Јунајтед, Хари Мегваер ќе отсуствува три недели поради повреда на мускулот.
Мегваер се повреди на тренинг, има шанса да игра во финалето на ФА Купот, а како што денеска објави „Скај Спортс“, се очекува да биде подготвен за Европското првенство.
Финалето на ФА Купот меѓу бранителот на титулата Манчестер Сити и Манчестер Јунајтед ќе се одигра на 25 мај во Лондон.
Европското првенство е закажано од 14 јуни до 14 јули во Германија.
Тренерот на Јунајтед, Ерик тен Хаг има големи проблеми во последната линија на тимот, бидејќи се повредени Рафаел Варан, Лисандро Мартинес и Виктор Линделоф.
Дефанзивецот Џони Еванс се врати на тренинзите но неизвесно е дали ќе биде во составот за натпреварот вечерашниот напревар Кристал Палас.