Спорт
Победнички старт за Вардар во Лигата на шампионите

Европскиот првак Вардар со победа ја започна одбраната на титулата во Лигата на шампионите. Во Монпелје, дуелот на победниците во Лигата на шампионите во последните три сезони, Вардар победи 33:31 (16:17).
Вардар новата сезона во Лигата на шампионите ја започна на идентичен начин како и минатата, со победа во Монпелје. Ланската сезона по таа победа Вардар ја заклучи со победа на завршниот турнир.
Со оглед на тоа дека е почеток на сезоната двата тима одиграа меч со многу осцилации, иако е впечатокот дека Вардар и порано можеше да ја обезбеди победата. Марин Шего, голманот на Монпелје ја правше разликата на теренот.
На крајот тој заврши со 10 одбрани, од кои четири беа против Тимур Дибиров. На другата страна голманите на Вардар, Гебдан и Кугис, завршија со седум одбрани, но Алжирецот имаше две интервенции во последните осум минути кога Вардар ја врати предноста на своја страна.
Првото полувреме беше израмнето, предноста беше кај едните и другите, а ниту еден од тимовите немаше поголема предност од два гола. Сепак на одморот домаќините имаа гол предност.
Вардар го издржаа притисокот на почетокот на второто полувреме кога Французите создадоа разлика од три гола. До 45 минута Вардар направи пресврт со серија 6-3 (23:20).
Драматичниот финиш му припадна на Вардар, Скубе постигна два гола, Шишкарев еден и избори исклучување и црвен картон за Дуарте. На две минути до крајот Скубе со уште еден гол стави точка на победата.
Токму Словенецот Скубе беше најефикасен на мечот со осум гола, Дибиров постигна шест, Шишкарев пет, а Атман четири гола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Сценарио кое никој не го сака – Влаховиќ би можеч да остане во Јувентус

Српскиот фудбалер Душан Влаховиќ сè уште не знае каде ќе ја продолжи кариерата и покрај секојдневните информации и шпекулации околу неговата иднина.
Според „Калчомеркато“, само два клуба биле сериозно заинтересирани за напаѓачот, Фенербахче и Милан.
Преговорите со турскиот тим одамна се замрени, додека „росонерите“ практично се повлекоа откако се „шпекулираше“ дека Макс Алегри се свртел кон Расмус Хојлунд од Манчестер јунајтед.
Доколку Данецот навистина дојде во Милан на позајмица, нема да има потреба од трансфер на српскиот напаѓач.
Тогаш сценарио кое ниту Јувентус ниту Душан Влаховиќ не го посакуваа би се реализирало, напаѓачот би останал во Торино.
Играчот влегува во последната година од договорот, а доколку ја помине и сезоната 2025/26 со „старата дама“, тоа значи дека би заминал следното лето без обештетување.
Тоа би бил дополнителен удар за Јувентус, кој нема да врати ниту дел од 70-те милиони (плус уште 10 за бонуси) што ги плати кога Влаховиќ дојде од Фиорентина.
Спорт
Јунајтед не попушта – Челзи за Гарначо треба да плати 58 милионие вра

Челзи го сака Алехандро Гарнача, а Аргентинецот сака да се пресели на „Стемфорд Бриџ“, но бафре засега преговорите со Манчестер јунајтед се тешки.
Челзи за Гарначо понудиле четворица фудбалери: Кристофер Енкунку, Николас Џексон, Аксел Дисаси и Ренато Веига, поточно еден од нив во замена за Аргентинецит.
Наводно, на Јунајтед не му треба ниту еден од овие играчи, бидејќи им се потребни пари за да го засилат редот за врска и потенцијално голманот, Џанлуиџи Донарума.
Јунајтед постави јасна цена за Аргентинецот, таа е 50.000.000 фунти, или 58.000.000 евра и засега одбиваат да ги намалат своите барања.
Челзи ги сака и Џави Симонс и Гарначо, но за да ги реализираат овие трансфери, мора да го продадат гореспоменатиот квартет што му го понудија на Јунајтед.
Преговорите продолжуваат, Симонс и Гарначо веќе се договорија со Челзи и внимателно ги следат преговорите.
Спорт
Чудната клаузула во договорот на Ињиго Мартинез

Ињиго Мартинез ја напушти Барселона и се пресели во Ал Наср. Целата работа околу трансферот беше завршена за 48 часа.
Мартинез, пред две години, како слободен играч дојде во Барселона од Атлетик Билбао. Во првата сезона поради повредите не успеа да се наметне, во во втората блескаше и беше незаменлив во одбрамата.
Медиумите во Шпанија открија како фудбалерот експресно успеа да го реализира трансферот и да замине без обесштетување во Ал наср.
Кога пред две години го ставил својот потпис на договорот со Барселона, Мартинез инсистирал да биде вметната клаузула, според која има право да го напушти клубот доколку добие понуда од Саудиска Арабија.
Очигледно, Ињиго имал желба кон крајот на својата кариера да ја зголеми сметката во банката и се подготвил сè за потенцијален трансфер.