Спорт
Еурофарм Работник со тесен пораз ја отвори Лигата на шампиони
Тимот на Еурофарм Работник може да жали што не победи во своето деби во ЕХФ Лигата на шампиони, откако во Битола, Спортинг Лисабон извлече 30:29 (15:16) победа.
Тимот на Стевче Алушовски имаше одлично прво полувреме, во кое имаа гол предност (16:15) по неколкуте промени на резултатот и водството, но во второто полувреме се покажа искуството на португалскиот клуб, кој направи предност од два гола, која потоа на крајот ја сочуваа за 30:29 победа.
Ловро Јотиќ и Владислав Остроушко беа најефикасни за Работник со пет постигнати голови, додека Романецот Валентин Гионеа постигна дури 10 голови за Спортинг.
Минатогодишниот вице-шампион, Веспрем, кој лани загуби во финалето од Вардар, пак, покажа дека повторно е сериозен тим, со убедлива 40:28 победа над Мотор Запорожје, додека Флензбург во меч од групата А, стигна до тесна 24:23 победа на гости кај Целје.
Во скандинавското дерби во групата Д, данскиот ГОГ својот кам-бек во ЛШ по десетгодишна пауза го прослави со убедлива 33:24 победа на гости кај норвешкиот Кристијанштад.
ЛИГА НА ШАМПИОНИ, 1.КОЛО
ГРУПА А
Целје – Флензбург 24:25 (12:13)
Елверум – Алборг 19.00 ч.
Табела: 1.ПСЖ 2, 2.Пик Сегед 2, 3.Алборг 0, 4.Флензбург 0, 5.Елверум 0, 6.Целје 0, 7.Барселона 0, 8.ППД Загреб 0
ГРУПА Б
Веспрем – Мотор Запорожје 40:28 (17:13)
Кил – Кјелце 19.00 ч.
Табела: 1.Вардар 2, 2.Порто 2, 3.Кил 0, 4.Веспрем 0, 5.Кјелце 0, 6.Мотор 0, 7.Монпелје 0, 8.Мешков Брест 0
ГРУПА Ц
Еурофарм Работник – Спортинг Лисабон 29:30 (16:15)
Табела: 1.Савехоф 2, 2.Спортинг Лисабон 2, 3.Бидасоа Ирун 0, 4.Еурофарм Работник 0, 5.Прешов 0, 6.Рихимаки Кокс 0
ГРУПА Д
Кристијанштад – ГОГ 24:33 (14:17)
Табела: 1.ГОГ 2, 2.Чеховски медведи 2, 3.Кадетен 1, 4.Динамо Букурешт 1, 5.Висла Плоцк 0, 6.Кристијанштад 0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вулвс го откупија Дојл од Манчестер Сити
Англискиот играч од средниот ред Томи Дојл, кој оваа сезона е позајмен во Вулверхемптон од Манчестер Сити, ќе остане во редовите на Волвс, откако клуботреши да го откупи неговиот договор.
Дојл сезонава забележа 30 настапи во сите натпреварувања. Со Вулверхемптон потпиша четиригодишен договор. Манчестер Сити од трансферот заработи 4,3 милиони фунти.
Шампионот на Англија ќе заработи 50 отсто од следниот трансфер на 22-годишниот фудбалер, а за веќе договорената цена ќе има можност во иднина да го врати Дојл во своите редови.
Англичанецот игра на позицијата централен играч за врска.
Минатата година го освои Европското првенство за играчи до 21 година.
Спорт
Ваулс: Сакаме Њуи да се врати во Вилијамс
Првиот човек на тимот на Вилијамс во Формула 1 шампионатот, Џејмс Ваулс, во Мајами потврди дека тимот размислува да го ангажиран најдобриот дизајнер во Формула 1, Адријан Њуи.
Њуи, официјално ќе се раздели со Ред Бул на почетокот на следната сезона, во март, а пред тоа нема да може да се приклучи на новиот тим.
Медиумите шпекулираат дека тој би можел повторно да се обедни со Луис Хамилтон во Ферари, но Ваулс потврди дека се зборувало за враќање на Австралиецот во Вилијамс.
Таму Њуи го помина поголемиот дел од последната деценија на 20 век, каде што беше еден од инженерите, во тимот кој доминираше на патеките.
„Го познавам Адријан долго време, разговаравме во петокот. Сигурен сум дека ќе го направиме тоа повторно наскоро. Тој е икона во Формула 1, без сомнение. Освои титули во сите тимови“, изјави Ваулс и додаде:
„Тоа не е случајно, тоа го одразува неговиот придонес и влијанието што го има врз овој спорт. Би било штета да не разговараме со Њуи за можна соработка. Не може да биде поедноставно од тоа“.
Њуи се приклучи на Вилијамс во 1991 година и е еден од креаторите на неверојатниот автомобил „FW14B“, во кој Најџел Менсел го освои светскиот шампионат во 1992 година. Вилијамс ја освои титулата уште неколку пати со Њуи на чело, пред инженерот да се пресели во Мекларен.
Some impressive stats from Adrian Newey's time in F1 🏆🔢 pic.twitter.com/mnW0aOLlTt
— Sky Sports F1 (@SkySportsF1) May 2, 2024
Спорт
Вест Хем сериозно преговара со Лопетеги
Хулен Лопетеги го поврзуваа со Милан, но како што сега стојат работите тој ќе го преземе Вест Хем.
Минатата недела италијанските медиуми пишуваа дека Милан постигнал договор со Шпанецот. Оваа одлука на клубот предизвика незадоволство кај навивачите кои покренаа капмања против Лопетеги.
Островските медиуми пренесуваат дека раководството на „чеканите“ е блиску до договор со шпанскиот стручњак кој треба да го наследи Дејвис Мојс.
Инаку, договорот на шкотскиот стручњак истекува на крајот од сезоната и клубот нема да му понуди нов.
И покрај пласманот во четвртфиналето на Лига Европа и моментално деветтото место во Премиер лигата, голем дел од навивачите на Вест Хем не се задоволни од стилот на игра на тимот под команда на Мојс.