Свет
Инцидент со „Делта ерлајнс“ : Авион “пропаднал“ 9.000 метри за седум минути
Патниците кои патувале од Атланта во сојузната држава Џорџија за Форт Лодердејл на Флорида со авионот на американската авиокомпанија „Делта ерлајнс“, искусиле седум минути чист страв кога авионот во текот на летот „пропаднал“ речиси 9.000 метри, пренесува „Њујорк пост“.
Авионот на летот 2353 бил на пола пат до конечното одредиште кога од висина од 11.890 метри за нешто помалку од седум минути нагло се спуштил на околу 3.000 метри.
„Одненадеж почувствував нешто како брз пад. Почнавме да “тонеме“ и маските за кислород почнаа да паѓаат. Межу патниците се создаде хаос, а една стјуардеса повторуваше да не паничиме. Но ситуацијата беше многу напната, многу патници околу мене забрзано дишеа,“ вели Харис де Воскин, кој од авионот им се јавил на девојката и на семејството и им јавил дека се случуваат страшни работи.
Портпаролот на „Делта ерлајнс“, Дрејк Кастанеда, изјави дека летот бил пренасочен во Тампа, Флорида, поради безбедносни мерки и дека таму слетал без никакви проблеми. Според него, до пренасочувањето дошло поради неправилности во одржувањето на воздушниот притиок во авионот.
Кастанеда рече дека не е јасно каков проблем со притисокот ги натерал пилотите брзо да се спуштат на надморска височина што им дозволува на патниците да ги тргнат маските за кислород. Авиокабините се под притисок над висина од 3.000 метри за да се спречи хипоксија, односно недостиг од кислород, и други психолоѓки проблеми што се јавуваат на големи висини.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.