Забава
Низ светот прославен роденденот на Бетмен
Симболот Бетмен, сјајеше на фасадата на зградите во 13 градови, одбележувајќи го 80-от роденден на светскиот познат суперхерој. Фановите на човекот-лилјак се собраа на денот на Бетмен, во метрополите низ светот, а еден број од нив беа и деца, кои носеа костими од суперхеројот.
Bat signal lights up night skies across the world to mark the Caped Crusader's 80th birthday https://t.co/myGce69bON
— Daily Mail Online (@MailOnline) September 22, 2019
Во некои градови одржани се и панел дискусии за јунаците од стриповите. На преполните улици во Мелбурн во Австралија и на плоштадот на Федерацијата, обожавателите на Бетмен восхитено ги набљудуваа проекциите со симболот на суперхеројот.
Today belongs to the Bat! The global #BatmanDay celebration continues with Bat-Signals in Rome, Berlin and London! #Batman80 #LongLiveTheBat pic.twitter.com/M2tpQUgtTf
— Batman (@DCBatman) September 21, 2019
Симболот на Бетмен блесна и на деловната зграда „Тор реформ“ во Мексико, потоа и во Токио, Берлин, Рим, Париз, Лондон, Сао Паоло, Јоханесбург…
Денот на Бетмен се одбележува секоја трета сабота во септември. Овој јунак од стриповите, а подоцна и од филмовите, брзо стекна голема популарност, набрзо откако неговиот лик се појави во 27-от број на „Детективски стрипови“ во 1939 година најпрво во Њујорк.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) По 34 години Тајчи го облече фустанот што го носеше на Евровизија и воодушеви со својот изглед
Татјана Матејаш Камерон, попозната како Тајчи, го облече фустанот што го носеше во 1990 година на Изборот за песна на Евровизија во Загреб.
Натпреварот се одржа во концертната сала „Ватрослав Лисински“. Тајчи го освои седмото место со песната „Хајде да лудујемо“. Покрај заразната мелодија, публиката беше импресионирана од нејзината розова креација и фризура, благодарение на кои наликуваше на Мерлин Монро.
„Истиот фустан 34 години подоцна. Издржа одлично“, рече таа во описот на фотографијата.
Тајчи деновиве е во Малме, каде што се одржува годинашното издание на Евровизија.
„Настапив во Шведска во клуб за обожаватели и всушност е одлично што песната „Хајде да лудујемо“ оживеа, живееше и ќе живее“, изјави таа.
Забава
(Видео) Модно издание што го одзема здивот: Џенифер Лопез на Мет гала во фустан со 2,5 милиона перли
Џенифер Лопез се појави на Мет гала, најважниот моден настан на годината, во сребрен фустан што го одзема здивот, а интересно е што ова рачно изработено парче имаше 2,5 милиона рачно шиени перли.
#MetGala co-chair Jennifer Lopez sparkles on the steps pic.twitter.com/R3PtKAx13I
— The Hollywood Reporter (@THR) May 6, 2024
Пејачката и актерка ги воодушеви модните критичари во проѕирен фустан на Schiaparelli по нарачка. За рачното везење на ова парче облека биле потребни повеќе од 800 часа, а содржи повеќе од 2,5 милиона сребрени перли.
Креацијата ја спои со чевли на платформа и клач-чанта во соодветни тонови.
Ѓерданот на Лопез, со речиси 100 карати дијаманти, го обезбеди Tiffany&Co., како и обетки, белезица и два прстена.
Забава
Николас Кејџ доби една од главните улоги за поинаква приказна за Исус
Николас Кејџ е еден од актерите што добија улога во претстојниот хорор-филм The Carpenter’s Son. Хорор-филмот го режира Лоти Нејтан, кој го напиша и сценариото.
Според „Дедлајн“, The Carpenter’s Son го истражува животот на младиот Исус Христос и неговото семејство. Станува збор за мрачна приказна за семејство што се крие во Египет.
Николас Кејџ ќе го игра Карпентер (Џозеф од Библијата), а Ноа Јуп ќе го игра момчето (Исус), пренесува „Дедлајн“. Режисерот Нејтан најде инспирација за хорор-филмот во Евангелието на Тома од детството, кое датира од 2 век од нашата ера.
Не е познато кога ќе почне снимањето на филмот, ниту кога гледачите ќе може да го гледаат во кината или на стриминг-сервисите.