Црна хроника
Продолжува акцијата за откривање мигранти
Македонската полиција продолжува со засилена акција за откривање на илегални мигранти, при што во саботата кај Куманово откри тројца мигранти од Авганистан.
По засилената контрола во Кумановско-Липковскиот регион после акцијата “Решето“ на 20.07.2013 година на магистралниот пат Скопје-Куманово, во близина на с.Делјадровци од страна на УПС било стопирано ПМВ „Застава 128“ со кумановски регистерски ознаки, сопственост на Љ.С.(28) од Куманово, соопшти во неделата МВР. Возачот кој го управувал ПМВ, наместо да застане, ја зголемил брзината на движење, по што во близина на с.Агино село застанал, го напуштил возилото и се дал во бегство. Во возилото пронајдени се тројца мигранти од Авганистан кои ќе бидат предадени во Прифатен центар Скопје.Се превземаат мерки за расчистување на случајот и пронаоѓање на лицето кое го управувало возилото. Претходно во текот на неделата во полициската акција “Решето“ беа откриени 34 мигранти. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Двајца Срби краделе велосипеди во општина Аеродром, полицијата ги фати
Министерството за внатрешни работи информира дека двајца Срби се уапсени под сомнение дека сториле 7 кривични дела, од кои 6 тешки кражби, како и кражба на велосипеди низ општина Аеродром.
„Единицата за внатрешни работи Аеродром и Драчево при СВР Скопје поднесе кривична пријава против Љ.Г.(21) и А.К.(42), двајцата од Р.Србија.
Тие се сомничат дека во изминатиот период извршиле 6 кривични дела „тешка кражба“ и едно кривично дело „кражба“ на велосипеди на подрачјето на општина Аеродром. Двете лица се лишени од слобода, а украдените велосипеди се пронајдени кај пријавените и вратени на сопствениците“, велат од МВР.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.