Свет
Почна климатскиот самит, дојде и Трамп, но остана 15 минути
Иако САД не беа на дневен ред, на почетокот на самитот за климатски промени, кој го отвори генералниот секретар на ОН, Антонио Гутереш, американскиот претседател, Доналд Трамп, непланирано дошол и се задржал 15 минути, но не одржал говор.
Како што пренесува АП, тој внимателно го слушал обраќањето на германската канцеларка Ангела Меркел и на индискиот премиер Наренду Моди пред да ја напушти салата.
И додека претседателите и премиерите разговараа за тоа на што се надеваат во рамките на своите граници, францускиот претседател, Емануел Макрон, ги потсети дека во своите трговски и финансиски политики мора да ги вклучат климатските промени. Макрон истакна дека земјите не треба да увезуваат стоки што го зголемуваат загадувањето со јаглероден диоксид.
Тој исто така ги замоли другите нации да ги зголемат своите давања во Зелениот климатски фонд, кој им помага на сиромашните нации во врска со решавање на климатските прашања.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Француските експерти препорачуваат децата да не користат паметни телефони пред да наполнат 13 години
На децата не треба да им се дозволува да користат паметни телефони пред да наполнат 13 години и треба да им се забрани користењето на конвенционалните социјални медиуми како ТикТок, Инстаграм и Снепчет до 18 години, се вели во експертскиот извештај нарачан од францускиот претседател Емануел Макрон.
Макрон побарал експертите да предложат упатства за употреба на паметни телефони кај детската популација.
Тој сака да преземат решителни чекори за да ја ограничат нивната изложеност на негативното влијание на оваа технологија, пренесува лондонски Гардијан.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Свет
Небензја: Русија е категорично против резолуцијата за Сребреница
Рускиот амбасадор во Обединетите нации Василиј Небензја изјави дека Русија е категорично против резолуцијата за Сребреница во Генералното собрание на ОН и додаде дека секоја страна и должи на другата и Сребреница не е единствената темна страна на таа војна.
Тој посочи дека промовирањето на нацрт-резолуцијата на Генералното собрание на ОН за геноцидот во Сребреница го прекршува Дејтонскиот договор.
„Тој нацрт е едностран и политички мотивиран“, рече тој.