Спорт
Иванишевиќ: Ја заслужив титулата идиот на векот!
Најголемиот хрватски тенисер на сите времиња, Горан Иванишевиќ, во интервју за британски „Телеграф“ упати куп критики кон самиот себе за односот кон тенисот во минатото.
„Кога ми можел да го вратам времето, би променил многу работи во својот пристап. Толку многу не сум остварил. На пример, Вимблдон 1992, па и Вимблдон 1998, требаше да ги освојам. Треба да добијам награда за идиот на векот. Секогаш го играв најдобриот тенис во полуфиналињата. Имав теорија дека не е добро да загубиш во полуфинале, но смееш да изгубиш во финале. Тоа беше многу погрешно. Многупати ги добивав големите играчи во полуфиналињата, а потоа во финалето играв како пи.ка. Изгубив многу големи мечеви, на ист начин, поради глупост“, признава Иванишевиќ.
Екстенисерот, кој сега е тренер на српскиот ас Новак Ѓоковиќ, вели дека многу тенисери што тој ги тренирал ги немаат квалитетите што ги поседува Новак.
„Новак зборува, прашува, а тоа е квалитет што некои луѓе го немаат. Ме изненади колку е ментално силен, колку е сериозен секој ден на тренинзите. Неверојатно“, рече Иванишевиќ.
Хрватот дава илустрација за менталната сила на Ѓоковиќ.
„Нив тројца (Ѓоковиќ, Надал, Федерер) да ги пуштиме да играат 10 меча на највисоко ниво, верувам дека Новак би славев барем во 8. Тој е најкомплетен во оваа тројка“, смета Иванишевиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.