Спорт
Два прекрасни концепти за новиот „Сан Сиро“ (галерија+видео)
Италијанските фудбалски гиганти Милан и Интер ги објавија последните два дизајнерски концепти за новиот стадион, кој треба да го замени застарениот „Сан Сиро“.
Претседателот на Милан, Паоло Скарони уште во јуни објави дека новиот стадион со 60.000 седишта ќе биде изграден веднаш до легендарниот Сан Сиро, а денеска на презентација се покажаа двата потенцијални дизајни.
Дизајнот „Катедрала“ од компанијата „Популус“ црпи инспирација од славната катедрала Дуомо и во неа се вклучени концепти за оддржливост, собирање на дождовница, нула-емисии и соларни панели. Американската компанија „Популус“ претходно го дизајнираа новиот стадион на Тотенхем.
„Инспирацијата е од иконите на Милано, како Дуомо и Галерија. Сакаме да се вклопи традицијата, богатата култура и архитектура со модерни нови концепти“, изјави директорот на „Популус“, Крис Ли.
Il progetto di #Populous per lo stadio di #Inter e #Milan, con museo per San Siro dove ora c’è il dischetto del centrocampo pic.twitter.com/fifY9uT2eT
— Daniele Mari (@marifcinter) September 26, 2019
Вториот концепт е на компанијата „Спортиум“ со име „Прстените на Милано“. Слично како „Алијанц арената“ во Минхен, која ги менува боите според тоа дали играат Баерн Минхен или 1860 Минхен, новиот стадион би ги менувал боите за Интер и Милан.
Овој план вклучува стаклени облакодери во близината на стадионите и огромен фудбалски терен веднаш до стадионот.
„Фасадите се отворени како театар и боите можат да се менуваат – кога ќе играм Милан ќе биде црвен, кога ќе игра Интер ќе биде син. Секој прстен одбележува еден од клубовите, обединети. Ова е стадион за жителите на Милано“, велат од „Спортиум“.
Проектот ќе чини над 1.2 милијарди евра и ќе придонесе за 3.500 нови вработувања во Милано.
Il progetto Manica-CMR per il nuovo stadio di #Inter e #Milan: il prato di San Siro sarà lasciato intatto sul tetto del nuovo centro commerciale pic.twitter.com/NhujM0ao9Z
— Daniele Mari (@marifcinter) September 26, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА потврди – 26 наместо 23 играчи на ЕУРО 2024
Репрезентациите кои ќе учествуваат на претстојното Европско првенство во Германија ќе имаат на располагање 26 играчи, потврди УЕФА.
Извршниот комитет на Европската фудбалска унија потврди дека е смнето правилото според кое селекторите на можеа да пријават 23 фудбалери.
Овој предлог беше поддржан претходно оваа година на состанокот на Националниот комитет за натпреварување на УЕФА.
Идејата за прв пат беше претставена на селекторскиот собир во Дизелдорф.
Оваа измена беше предложена поради згуснатиот распоред оваа сезона и ризикот од повреди.
Претставниците на Националниот натпреварувачки комитет во петокот и официјално го заверија сето она што беше претходно предложено, договорено и прифатено од мнозинството.
Европското првенство ќе се одржи од 14 јуни до 14 јули во Германија.
Спорт
Клоп се жали на распоредот: Криминал е ова што ни го прават
Пренатрупаниот распоред на натпревари го натера менаџерот на Ливерпул, Јирген Клоп, уште еднаш да проговори на оваа тема. Германецот кој си заминува од Ливерпул на крајот на сезоната застана во одбрана на своите играчи и рече дека само чека агенцијата за заштита на човековите права да интервенира во креирањето на распоредот.
„Распоредот е апсолутно луд. Не е нормално Ливерпул да игра натпревар во сабота во 12:30. Никогаш повеќе нема да ја гледам телевизијата ТНТ (го емитува овој натпревар). Мора да играме четврток, недела, среда и сабота во 12:30 часот ова што ни го прават е криминал“, изјави Клоп.
Ливерпул е тим со голем број навивачи ширум светот и затоа игра во посебни времиња, што е прилагодено на носителите на телевизиските права. Избраниците на Клоп доживеаја серија неуспеси, поради што речиси отпаднаа од трката за шампионската титула.
Спорт
Модриќ мора да се прифати два услови доколку сака да остане во Реал
Лука Модриќ има договор со Реал до крајот на сезоната и се уште не е познато каде ќе игра 38-годишниот играч за врска следната сезона. Желбата на Модриќ е да остане во Реал, но има голем број понуди од други клубови.
Капитенот на хрватската репрезентација го бараат Динамо, саудиски клубови, екипи од МЛС лигата, а се почесто се зборува и за интересот на Јувентус.
Карлос Карпио, новинар на „Марка“, откри дека Модриќ мора да прифати два услови доколку сака да остане во Реал. Мора да прифати да биде резерва и да прифати значително намалување на платата. Модриќ наводно заработува околу 20 милиони евра по сезона.
„Се сомневам дека ќе остане во Реал, но ако остане, тоа ќе биде со помала плата. Модриќ не прифати добро ниту една одлука на Анчелоти да биде резерва. Легендите никогаш не се послушни замени“, вели Карпио.
Модриќ сезонава забележа 40 настапи, два гола и шест асистенции. Хрватото во Реал пристигна во 2012 година од Тотенхем за 35 милиони евра.