Свет
Саудиска Арабија ги отвора вратите за туристите
Саудиска Арабија првпат ќе ги отвори вратите за странските туристи со нови визи како дел од притисокот за намалување на нејзината економска зависност од нафтата. Ријад ќе покрене визен режим за 49 земји и ќе ги либерализира строгите кодекси за облекување на туристите.
Министерот за туризам, Ахмад ал-Катеб, го опишал ова како историски момент за земјата. Досега визите главно беа ограничени на аџии, бизнисмени и работници од странство. Новите визи ќе бидат достапни преку интернет за околу 80 американски долари, а повеќе детали, вклучително и кои земји ги исполнуваат условите за визи, се очекуваат подоцна во текот на денот.
Саудиска Арабија со ова се надева дека ќе обезбеди странски вложувања во туристичкиот сектор. Земјата сака туризмот до 2030 година да порасне од 3 на 10 отсто од БДП.
Со новите правила жените туристи нема да мора да носат наметки кои им го покриваат телото, а кои саудиските жени мораат да ги носат во јавност, но, сепак, ќе се бара скромно облекување. Исто така, нема да има ограничувања и за жените кои сами ќе ја посетат Саудиска Арабија.
На немуслиманите и понатаму ќе им биде забрането да ги посетат светите градови Мека и Медина, а останува и забраната за алкохол.
Ал-Катеб рекол дека не верува дека неодамнешниот напад на нафтената индустрија на Саудиска Арабија ќе ги одврати луѓето да ја посетат земјата.
„Нашите градови се меѓу најбезбедните во светот. Не веруваме дека тоа ќе влијае на нашите планови“, рекол тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Тик ток“ укинува стотици работни места, ја користи вештачката интелигенција
Социјалната мрежа „Тик ток“ соопшти дека укинува стотици работни места бидејќи се фокусира на зголемена употреба на вештачка интелигенција во модерирање на содржината.
Отпуштањата најмногу се однесуваат на персоналот во Малезија, каде првично беа пријавени повеќе од 700 работни места, но Тик Ток подоцна соопшти дека помалку од 500 вработени ќе бидат отпуштени, јави South China Morning Post.
Вработените, од кои повеќето биле ангажирани во операции за модерирање, биле известени за отпуштањата преку електронска пошта.
Свет
Иран ја поништи смртната казна на активистката за работнички права, Мохамади
Врховниот суд на Иран ја укина смртната казна на активистката за работнички права Шарифе Мохамади.
Нејзиниот адвокат вели дека казната на Мохамади ќе биде преиспитана во ново судење. Мохамади беше приведена во декември минатата година и оттогаш беше сместена во повеќе затвори. Револуционерниот суд во јули ја осуди Мохамади на смрт за вооружен отпор против Исламската Република.
Мохамади беше активна во одбрана на работничките права во иранската провинција Гилан.
Регион
Пронајдено телото на уште една жртва од поплавите во БиХ, операцијата за извлекување е во тек
Уште една жртва од минатонеделните катастрофални поплави е пронајдена во областа Коњиќ, така што бројот на загинати само во Херцеговско-неретванскиот кантон се искачи на 21. Операцијата за спасување е во тек.
Покрај 21 загинат во оваа област, тројца загинаа во Фојница, така што во БИХ досега се евидентирани вкупно 24 жртви од поплавите, пренесува Н1.
Откако ќе заврши извлекувањето на телото, ќе следи идентификација, изјави за Н1 градоначалникот на Коњиќ, Осман Ќатиќ.
Се трага по телата на уште три исчезнати лица во Јабланица, а по едно во Коњиќ.