Турскиот претседател Реџеп Тајип Ердоган, кој има намера да ги добие извршните овластувања кои сега како шеф на државата ги нема, ја наведе Германија од периодот на нацистичкиот водач Адолф Хитлер, како пример за ефикасен претседателски систем, пренесуваат во петокот турските медиуми.

Претседателот на Турција, Реџеп Тајип Ердоган, откако дојде на функцијата поради ограничувањата во неговата владејачка Партија на правдата развојот (AKP), којашто тој ја формираше, има намера да го промени Уставот со што претежно церемонијалната улога на шефот на државата би ја претворил во извршна. Тој и во минатото наведуваше дека со тоа би ја остварил турската верзија на политичките системи во САД, Франција или Русија.

На новинарско прашање во петокот по враќањето од посетата на Саудиска Арабија, дали во Турција е можен извршен претседателски систем, а истовремено да се задржи и унитарната структура на државата, Ердоган ги изненади присутните давајќи го примерот на нацистичка Германија.

„Веќе постојат примери во светот. Можете да го видите тоа во такви земји, на пример, како во хитлеровска Германија“, изјавил Ердоган, додавајќи дека и во подоцнежните периоди имало такви примери во многу земји.

Откако неговата исламско-конзервативна партија AKP на ноемвриските избори уште една убедлива победа во последните речиси 15 години, новиот Устав на Турција е во центарот на политичката агенда на партијата.

Не така одамна турскиот претседател најави дека властите може да спроведат два референдума за новиот Устав и транзицијата кон претседателскиот систем на управување. Опозициските партии се противат на претседателскиот систем, обвинувајќи го Ердоган за авторитарност./крај/мф/сн

Извор: Макфакс