Свет
Џихадисти нападнаа воена база на САД во Сомалија
Група џихадисти нападнаа воена ваза каде што припадници на армијата на САД тренираат командоси од Сомалија, јавува Би-би-си.
Локалното население пријавило силни експлозии и пукање кај аеродромот „Бејлдогл“ во близина на регионот Шабел.
Вооружената група Ал-Шабаб ја презеде одговорноста за нападот и додаде дека притоа бил користен автомобил бомба, со кој биле разнесени портите пред војниците да влезат во базата.
Според воени офицери, џихадистите биле спречени во понатамошниот развој на нападот. Од Ал-Шабаб, пак, велат дека нападот траел подолго време.
„Кога продреле во периметарот на високообезбедената воена база, муџахедините влегле во комплексот, каде што се одвивала жестоката борба“.
Паралелно со ова италијански воен конвој беше погоден од експлозија во Могадишу, јавува Министерството за одбрана на Италија. Засега нема жртви.
По изборот на Доналд Трамп за претседател, САД ги зачести воздушните напади врз Ал-Шабаб во Могадишу, кои се поврзани со Ал каеда.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Тик ток“ укинува стотици работни места, ја користи вештачката интелигенција
Социјалната мрежа „Тик ток“ соопшти дека укинува стотици работни места бидејќи се фокусира на зголемена употреба на вештачка интелигенција во модерирање на содржината.
Отпуштањата најмногу се однесуваат на персоналот во Малезија, каде првично беа пријавени повеќе од 700 работни места, но Тик Ток подоцна соопшти дека помалку од 500 вработени ќе бидат отпуштени, јави South China Morning Post.
Вработените, од кои повеќето биле ангажирани во операции за модерирање, биле известени за отпуштањата преку електронска пошта.
Свет
Иран ја поништи смртната казна на активистката за работнички права, Мохамади
Врховниот суд на Иран ја укина смртната казна на активистката за работнички права Шарифе Мохамади.
Нејзиниот адвокат вели дека казната на Мохамади ќе биде преиспитана во ново судење. Мохамади беше приведена во декември минатата година и оттогаш беше сместена во повеќе затвори. Револуционерниот суд во јули ја осуди Мохамади на смрт за вооружен отпор против Исламската Република.
Мохамади беше активна во одбрана на работничките права во иранската провинција Гилан.
Регион
Пронајдено телото на уште една жртва од поплавите во БиХ, операцијата за извлекување е во тек
Уште една жртва од минатонеделните катастрофални поплави е пронајдена во областа Коњиќ, така што бројот на загинати само во Херцеговско-неретванскиот кантон се искачи на 21. Операцијата за спасување е во тек.
Покрај 21 загинат во оваа област, тројца загинаа во Фојница, така што во БИХ досега се евидентирани вкупно 24 жртви од поплавите, пренесува Н1.
Откако ќе заврши извлекувањето на телото, ќе следи идентификација, изјави за Н1 градоначалникот на Коњиќ, Осман Ќатиќ.
Се трага по телата на уште три исчезнати лица во Јабланица, а по едно во Коњиќ.