Македонија
Османи: Европа нема да дозволи колапс на процесот на проширување во октомври
„Не само што се надевам туку и очекувам позитивна одлука за Република Северна Македонија на самитот на ЕУ во октомври“, истакна вицепремиерот Османи на самитот на „Економист“ на тема „Зајакнување на моментумот за европска интеграција“ во Скопје.
Тој посочи на значењето на позитивниот исход од октомврискиот самит на ЕУ за земјата, за регионот, но и за целиот континент.
„Доколку ЕУ не одговори позитивно на напредокот на Северна Македонија, ќе го поткопа сопствениот кредибилитет, ќе ја загрози европската перспектива на регионот, а со тоа и самиот процес на проширување онаков каков што го знаеме“, истакна Османи.
Тој се осврна и на актуелностите во земјата и регионот поврзани со проширувањето на Европската Унија во контекст на очекуваните резултати и одлуки од претстојниот европски самит во октомври. Притоа, тој го потенцира успехот на Северна Македонија во затворањето на поголемите прашања со соседите, како и спроведените европски реформи, со што стана лидер во ширењето на европската идеја на Балканот.
Вицепремиерот Османи се обрати на панелот „Перспективата на ЕУ“ заедно со Гај Верхофштат, поранешен премиер на Белгија и актуелен европратеник, и Димитриос Пападимулис, потпретседател на Европскиот парламент. На самитот на „Економист“ меѓу гостите и панелистите беа и премиерот Зоран Заев, поранешниот помошник-американски државен секретар за Европа и Евроазија, Вес Мичел, поранешните премиери на Грција и на Белгија, Алексис Ципрас и Гај Верхофштат, Мартин Шулц, поранешен претседател на Европскиот парламент, како и други познати сегашни и поранешни политичари и функционери од Европа и САД, а учество зедоа над 400 учесници, меѓу кои странски бизнисмени, политичари и менаџери на компании важни за регионалната амбиција за евро-атлантски интеграции, како и новинари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Сервисни информации
АМСМ: Сообраќајот се одвива непречено, на граничните премини нема подолги задржувања
Сообраќајот на државните патишта се одвива непречено, по претежно суви коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Ахмети: Да работиме заедно за правилно образование на генерациите, во духот на меѓусебното почитување
Претседателот на ДУИ, Али Ахмети со објава на својата Фејсбук страница го честиташе 24 мај – Денот на светите браќа Кирил и Методиј.
„Секој народ ги постави темелите на својот мајчин пишан јазик со неуморната работа на многу мисионери кои го запечатија неговото вечно постоење.
Универзалниот јазик на народите е знаењето, единствениот пат кон напредокот, затоа на сите мои сограѓани од македонската заедница им го честитам 24 мај – денот на сесловенските просветители Св. Кирил и Методиј.
Секој ден да размислуваме за пожртвуваноста на сите образовни мисионери и да работиме заедно за правилно образование на генерациите во духот на меѓусебното почитување на сите идентитетски вредности“, пишува Ахмети.
Македонија
Мицкоски: За скоро време ќе имаме нова влада, следува ново поглавје со работа, одговорност и резултати
Првенствено ќе се посветам на она што најмногу го засега секој еден човек, а тоа е потребата за подобар живот и изградба на заедничка иднина. Големата поддршка која ја добивме од граѓаните, значи огромна одговорност да излеземе со чист образ пред граѓаните и да кажеме како стојат работите реално, и без разубавувања, но и да направиме брзи резултати, рече Христијан Мицкоски, претседател на ВМРО-ДПМНЕ денеска во Струга во црквата Св. Богородица – Калишта, каде се одржа свеченост по повод одбележувањето на празникот на Св. Кирил и Методиј.
„Следува ново поглавје, каде државата се враќа на народот, и Македонија мора да има резултати и сила за големи победи. Новото поглавје се темели на одговорност, на морал и вредности кои се обврзувачкото кредо кое мора да се почитува. За брзо од сега ќе имаме нова влада. Тоа го посакувавме од првиот ден на оваа наша напорна и голема битка. Но, формирањето на владата е лесниот чекор, затоа што крупните чекори мора да бидат резултатите кои мораме да ги испорачаме“, кажа Мицкоски.
Мицкоски укажа дека многумина се гледаат на различни позиции, функции и места, и додаде „никогаш тоа за мене не преставувало билет за добар живот, туку обврска за голема одговорност на тој кој ја дава оваа власт, а тоа е народот“.
„Бидете свесни дека секое ваше потфрлање ќе биде разочарување на народот и луѓето чии дланки ги стиснавме во нашата повеќегодишна битка за ставање на крај на ова владеење“, вели Мицкоски.
Според Мицкоски секоја стисната дланка е рака на подадена надеж, секој разменет збор ново очекување.
„Добиената поддршка мора да се заслужи и одработи. Мора да се покаже задолжителна доблест и пример во владеењето и да се покаже одговорност. Работете беспоштедно од првиот ден, решавајте што е можно повеќе проблеми и бидете промената која може и мора да се види од првиот час. Секој ќе добие шанса, секој од вас, но таа шанса е обврска која морате да ја исполните. Знајте дека ја имате мојата доверба, но и ќе ја имате мојата апсолутна жестокост без пардон доколку било кој од вас влезе во коруптивни или заткулисни игри“, заклучи Мицкоски и дополни дека мораме да се обединиме под исто знаме, по исто небо и да работиме за заедничката иднина.