Македонија
Бузаку со ултиматум до Реџепи за 72 часа да ја напушти ИВЗ
Пред седиштето нa Исламската верска заедница (ИВЗ), Скендер Бузаку, кој е претендент за поглавар, му постави ултиматум на актуелниот поглавар Сулејман Реџепи до петок да го напушти седиштето на верската заедница, а доколку не го стори тоа, најави дека ќе објави страшни докази против него. Бузаку потенцира дека доказите ќе покажат оти Реџепи правел тешки кривични дела додека бил на чело на ИВЗ. Пред седиштето на ИВЗ беше присутна и полицијата.
„Му дадовме 72 часа на Реџепи да ја ослободи ИВЗ. Како што си дал оставка, така да ја ослободи зградата на ИВЗ, во спротивно ние ќе објавиме страшни докази, а во нив има тешки кривични дела сторени од него“, вели Бузаку.
Бузаку упати порака до Реџепи да ги врати на работа сите оџи, професори и свештеници што ги исфрлил изминативе години. На другите, кои сè уште се вработени, им порача дека нема да го изгубат работното место.
„Сите оџи, професори, свешетеници, кои Сулејман Реџепи ги исфрлил од работа и шетаат на улиците, да бидат повторно вклучени во ИВЗ. Тие останале без работа бидејќи мислеле поинаку. Оние што сè уште се вработени и се чисти нема да го изгубат работното место, туку ќе им се овозможат подобри работни услови“, додава Бузаку.
Запрашан зошто доказите против Реџепи не ги објавил досега, Бузаку вели дека тоа се должело на општата ситуација во државата, односно заложбите за влез во ЕУ и НАТО.
Спрегите во ИВЗ доаѓаат кога во април годинава Граѓанскиот суд констатирал дека актуелниот реис Сулејман Реџепи во март годинава поднел неотповиклива оставка по што Ријасетот на ИВЗ одржал вонредна седница, на која е прифатена поднесената оставка. Според судот, на оваа седница, одржана на крајот од март, за нов реис бил назначен Скендер Бузаку.
Oд ИВЗ тврдеа дека потписот на актуелниот реис Сулејман Реџепи е фалсификуван на оставката. Велат дека меморандумот на оставката е стар, а фалсификуван е и печатот. Според нив, реисот не поднесува остаквка во документ со меморандум и во неа не се користи печат на ИВЗ, а во оставката доставена до судот има.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК: ВМРО-ДПМНЕ освои 59 мандати, СДСМ 19, Европски фронт 18, ВЛЕН 13, Левица 6 и ЗНАМ 5 мандати
Државната изборна комисија ги објави првичните резултати за парламентарните избори, а бројките ги потврдија пресметките на партиските штабови.
„На ниво на држава по мандати коалицијата ’Твоја Македонија’ со ВМРО-ДПМНЕ освои 59 мандати, коалиција ’За европска иднина’ со СДСМ 19 мандати. Коалицијата ’Европски фронт’ има 18 мандати, коалиција ВЛЕН 13 мандати, политичка партија Левица 6 мандати и ЗНАМ 5 мандати. Може да се случат некои мали промени да претрпат овие бројки. 94,05 е голем процент на обработени податоци, не верувам дека ќе има некои сериозни промени. Тоа ќе го знаеме веќе утре“, рече претседателот на Државната изборна комисија, Александар Даштевски.
Вечерва почнаа да течат и рокови за приговори за парламентарните избори. Приговори за текот на гласањето може да се поднесат до 19 часот на десетти мај, а приговори за сумирање и утврдување резултати до 23.30 часот исто така на десетти мај.
Македонија
ВМРО-ДПМНЕ ја слави двојната победа, Мицкоски порача: Сите кои што мислеа дека можат да ја уништат Македонија, завршија на буниште
Членовите на партијата ВМРО-ДПМНЕ, заедно со своите симпатизери ја слават победата на претседателските и парламентарните избори на плоштадот во Скопје.
На насобраните луѓе им се обрати лидерот на ВМРО-ДПМНЕ, Христијан Мицкоски.
„Ја ослободивме Македонија. Сите тие кои што мислеа дека можат да ја ограбат Македонија, да ја понижат, да ја уништат, денеска завршија на буниште, а набргу ќе одговараат“, порача тој.
Мицкоски претходно ги повика граѓаните да дојдат на плоштадите низ сите градови на Македонија заедно да ја прослават победата.
Македонија
Ахмети: ДУИ е втора сила во државата
ДУИ е втора сила во државата, изјави вечерва лидерот на интегративците, Али Ахмети.
„Ние Европскиот фронт сме втора сила во државата. Ние всушност го имавме ВМРО-ДПМНЕ како главен противник, затоа што ВМРО многу му помогна на Влен, но разликата помеѓу Европскиот фронт и Влен е преку 30.000 гласови“, рече Ахмети.
Според официјалните податоци на ДИК, ДУИ освои 18 мандати, коалицијата Влен освои 13 мандати.
ВМРО-ДПМНЕ која извои убедлива победа со 59 пратеници и ќе го добие мандатот за формирање Влада, најави дека ќе почне преговори со Влен за коалицирање. Партискиот лидер, Христијан Мицкоски и вечерва повтори дека е време ДУИ да замине во опозиција.