Македонија
Ѓорчев во Обединатото Кралство: Членството во НАТО и ЕУ се меѓу клучните приоритети на надворешната политика на ВМРО-ДПМНЕ
Пратеникот и меѓународен секретар на ВМРО-ДПМНЕ, Влатко Ѓорчев е во неколкудневна посета на Обединетото Кралство. Во Форин офисот во Лондон, се сретна со Ленс Дом, заменик шеф на одделот за Западниот Балкан во директоратот за Европа и Кетрин Барнс, тим лидер за Македонија и регионот во Форин офисот.
Ѓорчев посочи дека Македонија и Велика Британија се пријателски земји, со силно партнерство. Тој истакна дека имаме одлични билатерални односи во делот на политиката, економијата, одбраната и културата.
Ѓорчев ги информираше соговорниците за актуелните состојби во Македонија, како и за зголемената поддршка за ВМРО-ДПМНЕ во анкетите во пресрет на претстојните парламентарни избори следната година. Членството во НАТО и ЕУ се меѓу клучните приоритети на надворешната политика на ВМРО-ДПМНЕ, кажал Ѓорчев.
На средбите било истакнато и дека ВМРО-ДПМНЕ е првата политичка партија во Македонија која јасно порачала дека државата припаѓа во евро-атлантските структури и интеграции.
На средбата беше констатирано дека компаниите од Велика Британија, САД, Германија, Италија, Франција, Австрија и другите НАТО и ЕУ земји се најголемите инвеститори во Македонија, кои вработуваат десетици илјади луѓе во нашата држава.
Британската компанија Џонсон Мети е најголемиот извозник од Македонија, со 900 вработени и годишен извоз од околу 1,5 милијарди евра. Затоа, ќе продолжиме да ги развиваме нашите политички и економски односи со Велика Британија, како и нашите сојузници од ЕУ и НАТО земјите, истакнал Ѓорчев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.