Црна хроника
Албански државјани фатени со 50 килограми марихуана, дрогата ја криеле во бункер под седиштата на автомобилот
Албански државјани се обиделе да шверцуваат околу 45 килограми марихуана преку граничниот премин Богородица. Дрогата ја скриле во специјално направен бункер под седиштата, а нејзината вредност на турскиот наркопазар би достигнала од 140.000 до 180.000 евра.
Вчера околу 11 часот, на излез од државата на граничниот премин Богородица, се пријавил А. М.(44), државјанин на Република Албанија, а со него во автомобилот бил неговиот осумнаесетгодишен син. Возилото од страна на царинските службеници било селектирано за детална контрола, при што под седиштата од возилото биле пронајдени три специјално изработени бункери, во кои биле пронајдени 45 пакувања завиткани со ПВЦ-фолија наполнети со марихуана со тежина од околу 45 килограми.
Осомничениот изјавил дека дрогата ја набавил во Албанија, а нејзината вредност на турскиот наркопазар би достигнала од 140.000 до 180.000 евра.
Осомничените се приведени и ќе бидат предадени во Основниот суд Велес, а Царинската управа ќе поднесе кривична пријава за неовластено производство и пуштање во промет на наркотични дроги, психотропни супстанции и прекурсори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.