Македонија
(Видео) Филипче: Гевгелија добива апарат за рендген и компјутерски томограф
Претседателот на Комисијата за здравство на СДСМ, Венко Филипче, синоќа учествуваше на граѓанската трибина ,,На прав пат” во Гевгелија. Пред присутните Филипче истакна дека и покрај руинираниот здравствен систем што зад себе го остави ВМРО-ДПМНЕ, денес здравството е на прав пат.
„Во изминативе две години решивме да инвестираме во медицинскиот кадар. Ги покачивме платите за 15 отсто за лекарите специјалисти и за 10 отсто за медицинскиот персонал. Нашата заложници е веќе следната лекарите специјалисти да добиваат месечен приход од 100.000 денари. А следниот месец по 10 години конечно ќе го зголемиме бодот за капитација за матичните лекари“, истакна Филипче.
Тој најави капитални инвестиции во здравството кои се од клучно значење за Гевгелија и регионот. Во следната година болницата во Гевгелија ќе добие нов апарат за рендген и компјутерски томограф за вие граѓаните да не мора веќе да патувате до Скопје или до Струмица, најави Филипче.
Преку одговорни политики, порача Филипче, решивме да го ставиме пациентот во центарот на здравствениот систем.
„Драго ми е што Гевгелија беше меѓу првите општини каде што беа укинати квотите за лекови во аптеките. Со тоа ставаме крај на редиците и турканиците на почетокот на месецот. Сега секој може да го добие својот лек во кој било ден од месецот, а истовремено градиме механизми против евентуални злоупотреби со лековите. Сигурен сум дека преку одговорните политики на прав пат сме да го зајакнеме здравствениот систем“ , порача Филипче.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Сервисни информации
АМСМ: Сообраќајот се одвива непречено, на граничните премини нема подолги задржувања
Сообраќајот на државните патишта се одвива непречено, по претежно суви коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Ахмети: Да работиме заедно за правилно образование на генерациите, во духот на меѓусебното почитување
Претседателот на ДУИ, Али Ахмети со објава на својата Фејсбук страница го честиташе 24 мај – Денот на светите браќа Кирил и Методиј.
„Секој народ ги постави темелите на својот мајчин пишан јазик со неуморната работа на многу мисионери кои го запечатија неговото вечно постоење.
Универзалниот јазик на народите е знаењето, единствениот пат кон напредокот, затоа на сите мои сограѓани од македонската заедница им го честитам 24 мај – денот на сесловенските просветители Св. Кирил и Методиј.
Секој ден да размислуваме за пожртвуваноста на сите образовни мисионери и да работиме заедно за правилно образование на генерациите во духот на меѓусебното почитување на сите идентитетски вредности“, пишува Ахмети.
Македонија
Мицкоски: За скоро време ќе имаме нова влада, следува ново поглавје со работа, одговорност и резултати
Првенствено ќе се посветам на она што најмногу го засега секој еден човек, а тоа е потребата за подобар живот и изградба на заедничка иднина. Големата поддршка која ја добивме од граѓаните, значи огромна одговорност да излеземе со чист образ пред граѓаните и да кажеме како стојат работите реално, и без разубавувања, но и да направиме брзи резултати, рече Христијан Мицкоски, претседател на ВМРО-ДПМНЕ денеска во Струга во црквата Св. Богородица – Калишта, каде се одржа свеченост по повод одбележувањето на празникот на Св. Кирил и Методиј.
„Следува ново поглавје, каде државата се враќа на народот, и Македонија мора да има резултати и сила за големи победи. Новото поглавје се темели на одговорност, на морал и вредности кои се обврзувачкото кредо кое мора да се почитува. За брзо од сега ќе имаме нова влада. Тоа го посакувавме од првиот ден на оваа наша напорна и голема битка. Но, формирањето на владата е лесниот чекор, затоа што крупните чекори мора да бидат резултатите кои мораме да ги испорачаме“, кажа Мицкоски.
Мицкоски укажа дека многумина се гледаат на различни позиции, функции и места, и додаде „никогаш тоа за мене не преставувало билет за добар живот, туку обврска за голема одговорност на тој кој ја дава оваа власт, а тоа е народот“.
„Бидете свесни дека секое ваше потфрлање ќе биде разочарување на народот и луѓето чии дланки ги стиснавме во нашата повеќегодишна битка за ставање на крај на ова владеење“, вели Мицкоски.
Според Мицкоски секоја стисната дланка е рака на подадена надеж, секој разменет збор ново очекување.
„Добиената поддршка мора да се заслужи и одработи. Мора да се покаже задолжителна доблест и пример во владеењето и да се покаже одговорност. Работете беспоштедно од првиот ден, решавајте што е можно повеќе проблеми и бидете промената која може и мора да се види од првиот час. Секој ќе добие шанса, секој од вас, но таа шанса е обврска која морате да ја исполните. Знајте дека ја имате мојата доверба, но и ќе ја имате мојата апсолутна жестокост без пардон доколку било кој од вас влезе во коруптивни или заткулисни игри“, заклучи Мицкоски и дополни дека мораме да се обединиме под исто знаме, по исто небо и да работиме за заедничката иднина.