Европа
Германија усвои мерки за заштита на климата
Германската влада ги усвои мерките за заштита на климата со цел драстично да се намалат емисиите на стакленички гасови.
Според „Ројтерс“, со тоа се останува на реализацијата на плановите на германската канцеларка Ангела Меркел за усвојување пакет-мерки за заштита на климата оваа година.
Германската министерка за животна средина Свена Шулце ја објави на „Твитер“ одлуката за усвојување на мерките, кои ќе бидат внесени во Законот за заштита на климата.
„Конечно, постојат обврзувачки правила за заштита на климата – и тоа е добра работа. Долго време се борам за тоа и јас сум среќна што беше одобрено денес“, напиша Шулц на „Твитер“.
Додека Меркел и нејзините министри беа на седница на владата, стотици активисти за заштита на климата и членови на „Екстинкшен ребелион“ блокираа мост во близина, на третиот ден од глобалните протести со цел да извршат притисок врз владите да преземат повеќе драстични активности за борба против глобалното загревање.
Во извештајот минатиот месец научниците на Обединетите нации предупредуваа дека ако светот не ги намали емисиите на стакленички гасови, градовите ќе исчезнат заради зголемувањето на нивото на морето, сушењето на реките и уништувањето на морскиот живот.
Меркел, соочена со критики дека нејзините мерки се неамбициозни, вети оваа недела дека климатскиот пакет ќе вклучува механизам со кој ќе се следи почитувањето на ограничувањето на емисиите за одделни сектори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.