Свет
Сириските сили влегоа во градови во близина на границата со Турција
Сириските владини сили влегоа во северниот сириски град Табкa, јави сириската државна новинска агенција „Сана“, а сириската опсерваторија за човекови права објави дека сириските владини сили влегле во Аин Иса во северна Сирија.
„Сана“ објави дека, покрај Табка и воздушната база со исто име, сириските трупи влегле и во неколку други села во јужните делови на провинцијата Рака.
Табка претходно беше упориште на екстремистичката Исламска држава, пренесува агенцијата АП.
Сириските владини сили исто така претходно влегоа во Тал Тамр, северен град во близина на границата со Турција, за да се спротивстават на турската агресија, како што утрово соопшти сириската новинска агенција.
„Сана“ ова го пренесе во кус извештај, без да наведува повеќе детали.
Жителите на Тал Тамр, кои се наоѓа на 20-ина километри од границата со Турција, го поздравиле доаѓањето на сириските сили, објави агенцијата АП.
Во извештајот не се наведува во која област од градот дошла сириската армија.
Овие извештаи доаѓаат по најавата на сириските Курди дека ќе соработуваат со централната власт во Дамаск за да ја одвратат турската офанзива на северот од Сирија.
Во оваа голема промена на сојузниците, пренесува АП, курдските сили ќе се распоредат рамо до рамо со владините трупи по должината на сириската граница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.
Европа
(Видео) Полицијата го бркаше убиецот со меч низ Лондон, објавена е снимка
Би-би-си објави снимка на која се гледа лондонската полиција која го брка напаѓачот со нож, кој денеска уби 13-годишно момче и повреди неколку други.
На снимката се слушаат полицајците како им викаат на граѓаните: „Заклучете ги вратите“.
Полицијата смета дека не се работи за терористички напад.
Полицајците уапсија маж вооружен со меч по извештаите за сериозен инцидент со прободување во североисточен Лондон.
Со електрошокер бил совладан 36-годишниот маж кој мавтал со меч.
„Со голема тага можам да потврдам дека 13-годишното момче кое беше избодено, почина во болница набргу откако му биле нанесени убодите“, изјави началникот на лондонската полиција Стјуарт Бел.
Уште две лица и двајца полицајци се во болница поради убодни рани и се надвор од животна опасност.
„Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел.
Свет
Зеленски: Украина ќе влезе во НАТО кога ќе ја победи Русија во војната
Претседателот на Украина, Володимир Зеленски, е убеден дека Украина ќе се приклучи на Северноатлантскиот договор по победата во војната со Русија.
Зеленски ова го изјави за време на заедничката средба со офицери кои минуваат курсеви за професионално воено образование според стандардите на НАТО, со учество на генералниот секретар на Алијансата, Јенс Столтенберг, пренесе Униан.
Според мое лично мислење, во НАТО ќе бидеме само кога ќе победиме“, нагласи Зеленски. Претседателот на Украина додаде дека одлуката за пристапување на Украина во Алијансата е донесена со едногласен консензус на сите земји членки на Алијансата.
„А мнозинството е политичко прашање, за да може Украина политички да биде прифатена во Алијансата, потребна е победа“, додаде Зеленски. Тој изјави дека една од причините за војната на Русија против Украина е фактот што Украина порано не била примена во НАТО.
„Пред многу години имаше и соодветен скептицизам кај некои членки, а Русија работеше многу напорно со нашите сегашни партнери, тие водеа дијалог. Таа направи се за да ја спречи Украина да биде примена не само во НАТО, туку и во Европската унија, така што Украина едноставно не се развиваше и не беше отсечена од влијанието на Руската Федерација. Затоа, за да се оттргне од ова влијание, неопходно е да се заштити нејзината независност со победа“, нагласи Зеленски.