Регион
Вучиќ: Референдумот во Република Српска ќе се одржи
Референдумот за одбележувањето на Денот на Република Српска, 9-ти јануари, ќе се одржи, и ние сме секогаш со Република Српска, порачал српскиот премиер Александар Вучиќ во четвртокот по средбата со претставниците на босанските Срби, пренесуваат српските медиуми.
„Ние секогаш сме со Република Српска, одлучено беше да не се мешаме и да не им наредуваме, како и да не влијаеме врз нивната одлука. Изнесов нешто поинакви идеи, не ги наметнав, разговаравме и мислам дека претседателот Томислав Николиќ мудро раководеше со состанокот, а јас се раководев од интересите на српскиот народ од двете страни на Дрина“, изјавил Вучиќ по средбата со членот на Претседателството на БиХ, Драган Човиќ во Белград, пренесува N1.
„За да не се шири паника, луѓето од РС ќе бидат тука неколку дена. Се однесуваме одговнро и сериозно, и тоа не значи дека морате да го лажете сопствениот народ. На Република Српска нема да и недостасува помош од Србија“, додал Вучиќ.
Според него, Србија не била прашана за ова и таа не се мешала, но истовремено им порачал на сите оние кои играат на картата на српското неединство, дека „можат да заборават на тоа“.
„Не е ова времето кога Милошевиќ му воведуваше санкции на Караџиќ, нити пак кога Тадиќ пишуваше негативно за Додик. Ние редовно ќе имаме средби, Србија беше и ќе биде со Република Српска, и секој кој ќе помисли дека ова ќе биде погазено мора да знае дека тоа е невозможено, но не мора да се согласуваме за секој политички потег“, рекол српскиот премиер.
Николиќ и Вучиќ во четвртокот не дале конкретна поддршка за најавениот референдум во Република Српска, „но на никаков начин не сакале да влијаат на промена на политичките ставови“ по повод неговото одржување, било соопштено по состанокот со политичките претставници на Република Српска во Белград./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.