Македонија
Заев на седницата во Битола: Вложувањето во Пелагонискиот Регион ќе продолжи со уште поголем интензитет
Вложувањето во Пелагонискиот Регион ќе продолжи со уште поголем интензитет, во проекти од интерес за граѓаните и младите, изјави претседателот на Владата, Зоран Заев, кој денеска претседаваше со 159-тата владина седница којашто се одржа во Битола, како прва седница во низата што во наредниот период ќе се одржуваат во различните региони во државата.
На седницата присуствуваа и во нејзината работа учествуваа и градоначалниците од Пелагонискиот Регион, од општините Битола, Прилеп, Крушево, Кривогаштани, Долнени, Новаци, Могила и Демир Хисар.
„Вечерва министрите ќе реферираат за активностите на секој од ресорите во Пелагонискиот Регион. Знам дека има што да се реферира. И тука, како и во целата држава се случува градежна офанзива во патната, водоводната и канализациската инфраструктура. За ова воведно излагање ќе ги издвојам објектите за отпадни води и фекални води во Битола, како и канализациските мрежи во Долнени, Могила, Големо Коњати, Крушеани. Во Пелагонија имаме завршена и тековна рехабилитација и на патната инфраструктура – тука е патот до Прилепското Езеро, патот Битола – Новаци, патот Битола – Демир Хисар, патот Макази – Ресен, како и железничката пруга Битола – Кременица. Сериозно напредуваме и со гасоводот Неготино-Прилеп- Битола, со процент на реализација до 70 отсто“, рече Заев.
Тој истакна дека во Битола има и сериозни инвестиции во здравството. Посочи дека е реновирана итната медицинска помош, реализирани се повеќе вработувања на медицински кадар, вложено е во реконструкции и во нови апарати, а ја спомена и мерката за укинување на квотите за лекови.
„Кога сме кај здравјето на граѓаните,токму Битола е еден од четирите големи градови за чие население стојат на располагање бесплатни екоинвертери за греење во домаќинствата. До 1.000 евра ваучер за секое семејство кое ќе се одлучи да се грее на клима-инвертер, а во исто време ќе се откаже од загревање на тврдо или фосилно гориво што загадува. Изразувам уште еднаш благодарност за Електрани на Северна Македонија за поддршката во реализација на оваа мерка, со која влијаеме врз изворите на загадување и со која го штитиме здравјето на граѓаните“, додаде Заев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Град Скопје за градоначалникот Курто Дудуш: Само во Македонија кога функционер е фатен во криминал, организира протести за да го покрие сопствениот срам
Само во Македонија кога функционер е фатен во криминал, организира протести за да го покрие сопствениот срам. За жал, таков е и случајот со градоначалникот на општина Шуто Оризари, Курто Дудуш кој е доволно храбар ем да им наплаќа на сопствените сограѓани противправно „услуга“ за собирање на смет, истиот тој смет да го собира со општински возила и нелегално да го фрла на дива депонија формирана на приватен плац сопственост на Курто Дудуш, реагираат преку соопштение од Град Скопје:
Срамота е додаваат од оваа институција, во 21 век, во 2024 година вакви луѓе да зборуваат и да обвинуваат други за наводен расизам. Во време кога здравата животна средина е императив , да ги труеш своите сограѓани креирајќи диви депонии не е расизам туку екоцид врз сопствениот народ.
Ги повикуваме надлежните органи, МВР и Јавното Обвинителство сериозно да ги разгледаат доказите кои се состојат од видео и фото материјали, записници, документации и изјави, а кои ќе бидат доставени од градот Скопје.
Следниот пат кога Дудуш ќе ги повика жителите на својата општина на протести, нека им објасни што всушност крие и дека градот Скопје нема намера да ги чисти депониите кои тој лично ги прави.
Македонија
Маж зема огнено оружје и пукаше кон улични кучиња во Драчево: скопјанка со повик до ЈП „Лајка“ да реагираат
Преку социјалните мрежи скопјанката Амела Мемиш Апостоловска, алармираше за појава во една од скопските населби.
– Ги повикувам од ЈП ЛАЈКА – Скопје да реагираат за постов, знам дека во пријатели имам личности кои се таму вработени и менаџери. Денеска сведочев за човек кој живее кај моите родители. Негледајќи дека јас сум во возилото, зема огнено оружје и го упати со истрел кон 5 кучиња кои само јадеа на самиот тротоар и ништо на никого не правеа, откако виде дека го гледам се повлече, а оружјето го наполни повторно на самата тераса и го остави позади врата’, напиша таа.
– Првенствено имам деца кои на таков начин кога би го виделе би створиле траума, второ добив информација дека и птиците ги стрелал, жал ми е што не бев во состојба да направам слики прибидејќи веќе имав еден телефонски разговор и самиот телефон не подржуваше камера да се вклучи. Човекот е жител во населба Драчево, дали има дозвола за тоа оружје да го има дома, дали е во психичка здравствена состојба добар не верувам. Ова веќе го допре дното“, сподели Амела во фејсбук објавата.
Македонија
Кирков: ЈП Лајка не ги исполни очекувањата на скопјани, кога ќе се смени Арсовска сите претпријатија ќе профункционираат
„Внимателно го разгледав 9 месечниот финансиски извештај на ова Јавно претпријатие. Како советник и како активист, како љубител на животни некој кој најмногу се радуваше за отворање на ваков тип на претпријатие имам неколку забелешки за недомаќинското работење на ова Јавно претпријатие“, истакна советникот на ВМРО-ДПМНЕ Стефан Кирков во своето воведно обраќање на денешната седница за советнички прашања на Град Скопје, по однос на разгледување на финансискиот извештај и за целокупното работење на ЈП Лајка заклучно септември оваа година.
Кирков напомена дека претпријатието Лајка нема видливи резултати, исто така посочи дека единствено што може да се забележи се исполнети билтени на МВР од луѓе кои се нападнати од кучиња и незадоволни туристи.
„Функционира повеќе од 8 години и ние не можеме да се пофалиме дека гледаме видливи резултати. Напротив гледаме дека билтените на МВР се полни од луѓе кои се нападнати од кучињата скитници кои се во Скопје. Разговараме за град на култура, град на туризмот, сакаме да привлечеме туристи. А во сите оние портали каде се рекламира Скопје како град кој што треба да се посети стои забелешка “Внимавајте Скопје е преполно од кучиња бездомни“ и тоа е навистина жално“, дециден беше Кирков.
Според Кирков доколку се разгледа детално финансискиот извештај она што јасно се забележува е одлевање на огромна сума на пари од касата на Град Скопје. Јавно побара да добие одговори од надлежните на ова претпријатие се со цел да може да биде известена македонската јавност.
„Доколку го разгледате детално финансискиот извештај, ќе забележите дека има стотици илјади евра кои се одлеваат од касата на Град Скопје, пари на граѓаните. Ние како советници треба да знаеме каде завршуваат нашите пари. ЈП Лајка не ги исполни очекувањата на скопјани, ситуацијата во Скопје е алармантна, очекувам целосна ревизија во ова претпријатие и ќе побараме одговорност“, заклучи Кирков.
Според него кога ќе се смени градоначалничката Арсовска сите претпријатија ќе профункционираат, не само ЈП Лајка.