Германија заедно со САД и другите меѓународни партнери разгледува можни воени акции против сунитските џихадисти од Исламската дражва во Сирија, но нема намера да учествува во нив, изјави во средата навечер портпаролот на германското министерство за надворешни работи, а истовремено во Дамаск алавитскиот претседател Башар ал-Асад именуваше нова влада.

„Ние, секако, дискутираме за тоа прашање (воени операции против џихдистите на сириска територија) со нашите сојузници, вклучително и со Вашингтон…, но Германија не размислува за учество во каква и да е воена акција во Сирија“, изјави портпаролот Аусваертигес Амта, запрашан за можните операции против Исламската држава којашто контролира поголемо области во Сирија.„Ќе ги продолжиме напорите со цел да се зајакне демократската опозиција во Сирија“, заклучи портпаролот.САД и западот повеќе од три години ги поддржуваат сунитските опозициски вооружени востаници кои од март 2011 година по инерцијата на ткн Арапска пролет се обидуваат да го соборат алавитот (шиитот) Башар ал-Асад, кој ја има поддршката од алавитите, друзите, христијаните и умерените сунити, додека курдското малцинство во овој конфликт се држи резервирано и успеа да воспостави своја власт на териториите на кои доминира. Во почетокот опозициската Слободна сириска армија (FSA) која прима западна помош и од другите сунитски и арапски земји, против владините сили на Асад чие семејство четири децении управува со Сирија, се бореше заедно со групациите на радикалните исламисти како Фронтот ан-Нусра и Исламската држава, но дојде до конфронтации поради стремежите на радикалите да создадат калифат.Белата куќа којашто потврди дека ја разгледува можноста за воздушни удари врз припадниците на сунитската џихадистичка групација Исламска држава (IS) во области во Сирија коишто ги контролираат, исклучи во вторникот каква и да е можност за координација и соработка со владата на Сирија на претседателот Башар ал-Асад. Претходно во понеделникот официјален Дамаск изрази подготвеност за соработка со меѓународната заедница, вклучително и со САД, во борбата против џихадистите, но истакна дека секој напад изведен на негова територија мора да биде во согласност и соработка со Дамаск, бидејќи во спротивност ќе се смета за агресија.Сирискиот претседател Башар ал-Асад чии најголеми поддржувачи на воен план се шиитски Иран, и либанското шиитско движење Хазболах, како и на дипломатски план Русија и Кина, во средата со уредба именуваше нова влада, задржувајќи ги повеќето министри на нивните места.Асад на 16-ти јули по претседателските избори кои првпат во историјата се одржаа со повеќе кандидати на избирачките места наместо со избор на парламентот, ја положи свечената обврска за новиот седумгодишен мандат, мораше според уставот да именува нова влада.На премиерската должност и натаму ќе биде Ваел ал-Халики, кој на фунцкијата беше именуван во 2012 година, откако неговиот претходни Риад Хиџаб побегна од Сирија и се придружи на вооружената сунитска опозиција. Халики, кој нема голема мож во системот во кој доминира шефот на државата, минатата година преживеа бомбашки атентат на неговиот конвој во главниот град Дамаск. Западните критичари сметаат дека владата и натаму ќе има симболична важност, имајќи предвид дека вистинската моќ е концентрирана во претседателската функција којашто со децении е во рацете на семејството Асад, како и челниците на елитните безбедносни сили./крај/мф/сн

Извор: Макфакс