Регион
(Видео) Градоначaлникот на Вуковар збеснал на седница и го фрлил статутот отпечатен на кирилица
Градоначалникот на Вуковар, Иван Пенава предизвикал инцидент и скандал на седницата во Градскиот совет, која од самиот почеток била напната, пренесува хрватски „Индекс“.
Една од точките на дневен ред на денешната седница било донесување предлог-заклучок за постигнатиот степен на разбирање, солидарност и дијалог меѓу граѓаните на градот Вуковар, но Пенава во еден момент збеснал. Тој го зел предлог-статутот на Вуковар, кој е печатен на кирилица и го фрлил на земја пред српските советници.
Burna sjednica vukovarskog Gradskog vijeća
Opširnije: https://t.co/D7JvaIn3C9 pic.twitter.com/ZaWd7bD5gs— HRT vijesti (@hrtvijesti) October 18, 2019
„Ова го сметам за чин на демнечка великосрпска агресија на Милорад Пуповац и СДСС. Вуковар нема да клекне и да падне во великосрпска реторика и агресија“, рекол тој.
Статутот на кирилица на Пенава се обидел да му го даде претседателот на Градскиот одбор на СДСС и гратски советник, Срѓан Колар, по што рекол дека расправата тргнала во погрешна насока и повикал на дијалог.
Пенава не запрел ни по фрлањето на статутот на подот и продолжил со тирадата.
„Ваши примери се четничките шубари и споменици што го опкружуваат овој град. Ве интересира она што не успеавте во 1991 година, да воведете кирилица во овој град. Не ве интересираат силуваните жени, мртвите деца! Ако е потребно, со сите средства против великосрпската агресија и вчера, и денес и утре“, нагласил Пенава со повишен тон.
Дел од советниците почнале да му аплаудираат. Заменик- градоначалникот на Вуковар од редовите на српското малцинство, Срѓан Милаковиќ, се обидел да му одговори на Пенава, но и нему почнале да му викаат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Маж во Тузла ги убил сопругата и двете деца
М.Ч. синоќа во Тузла ги убил сопругата и двете малолетни деца, а потоа си го одзел животот скокајќи од 14 кат од зграда.
Маж се самоуби синоќа околу 21 часот и 15 минути, а денеска полицијата во станот го пронашла телото на неговата 34-годишна сопруга и децата на возраст од две и девет години.
Според неофицијалните информации кои ги објавија сараевските медиуми, мажот работел како медицински техничар во Германија, а во Тузла пристигнал пред неколку дена.
Истражните екипи денеска пронајдоа секира во станот во населбата Ступине во Тузла, со која наводно ги убил сопругата и децата.
Портпаролот на обвинителството во Тузла, Адмир Арнаутовиќ изјави дека ќе бидат издадени наредби за обдукција на телата на загинатите за да се утврдат точните причини за смртта.
Ќе биде издадена наредба за биолошко вештачење, ДНК анализа, како и други истражни дејствија и вештачења, со цел да се утврдат сите околности поврзани со овој настан, вклучително и начинот и начинот на трите убиства“, рече Арнаутовиќ.
Регион
Вучиќ изрази сочувство за смртта на Раиси
Претседателот на Србија, Александар Вучиќ, изрази сочувство до народот и владата на Иран во врска со смртта на претседателот на таа земја, Ебрахим Раиси.
„Изразувам сочувство до народот и владата на Исламската Република Иран за смртта на претседателот Ебрахим Раиси, искрен и доследен пријател на Србија“, напиша Вучиќ на својот профил на мрежата Х.
Хеликоптерот со Раиси и министерот за надворешни работи Хосеин Амир-Абдолахиан се урна во неделата во северозападниот дел на Иран, во областа Верзеган, а покрај двајцата загинаа уште шест лица.
Регион
18-годишник е уапсен бидејќи го запалил хрватското знаме и го споделил на социјалните мрежи
Осумнаесетгодишник е уапсен во Славонија бидејќи на 1 мај го запалил хрватското знаме во шумата кај Трпија.
Како што дознала полицијата, тој тоа го снимил и го објавил на социјалните мрежи.
„На овој начин тој јавно го подложи знамето на Република Хрватска на потсмев и грубо омаловажување и на јавноста и стави на располагање видео од тој чин преку компјутерска мрежа, во кое повикува на насилство или омраза насочена кон група луѓе поради нивната национална или етничка припадност“, наведува полицијата во кривичната пријава.
Пријавата го товари младиот човек за јавно поттикнување насилство и омраза и нарушување на угледот на Република Хрватска. За овие злосторства му се заканува затворска казна до три години.
Од полицијата потврдија дека со решение на Жупанискиот суд во Вуковар, на 18-годишникот му е одредена мерка притвор.