Свет
Парламентарни избори во Канада – ќе остане ли Трудо на власт по два големи скандала?

Во Канада денеска се одржуваат парламентарни избори на кои ќе се одлучи дали премиерот Џастин Трудо, кој ја презеде функцијата пред четири години, ќе остане на власт по два големи скандала.
Трудо (47), кој во финалето на кампањата беше поддржан и од поранешниот демократски американски претседател Барак Обама, се смета за еден од последните прогресивни лидери во најголемите светски демократии.
Неговата кампања, сепак, беше потресена од скандал кога се откри дека тој во минатото на два маскенбала се појавил со црно обоено лице, а беше критикуван и за тоа како се бореше против корупциската афера со најголемата градежна компанија во Канада.
Тудо, син на поранешниот канадски премиер Пјер Трудо, исто така, мора да се справи и со заморот на граѓаните со неговата влада.
Неговите либерали и опозициските конзервативци, предводени од Ендрју Шир, според анкетите, водат тесна борба за гласови, пренесува агенцијата „Ројтерс“.
Пред само една година никој не би помислил дека Трудо ќе биде во опасност да стане првиот канадски премиер од 1930 година кој не би обезбедил втор мандат.
Најновите анкети покажуваат дека тој би можел да обезбеди тенко мнозинство во Долниот дом на парламентот, кој има 338 места.
Во тој случај, Трудо ќе треба да бара поддршка од левичарските партии.
Вкупно пет партии се натпреваруваат на парламентарните избори во Канада.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Се шират снимки од иранскиот напад врз Израел

На социјалните мрежи се шират снимки од иранскиот напад врз Тел Авив.
Иран истрела стотици различни балистички ракети кон Израел, што Техеран го опишува како почеток на неговата разорна одмазда за израелските напади.
NOW: Iranian ballistic missiles hit targets in Israel. pic.twitter.com/RnYKqaWRVB
— Clash Report (@clashreport) June 13, 2025
Iranian missile's direct hit on Tel Aviv. pic.twitter.com/hHd93j95Ee
— Clash Report (@clashreport) June 13, 2025
https://x.com/i/status/1933592180184006762
Israel is under attack right now.!
Dozens of ballistic missiles are being launched from Iran toward Israel at this very moment. This footage was just taken, showing missiles fired toward Tel Aviv—a major population center in the Jewish homeland. Jerusalem may also be targeted.… pic.twitter.com/Ts3JChPwj1
— Greg Laurie (@greglaurie) June 13, 2025
Свет
Путин го осуди израелскиот напад врз Иран

Рускиот претседател, Владимир Путин, во одвоени телефонски разговори му рекол на иранскиот претседател дека Москва ги осудува акциите на Израел против Техеран и му рекол на израелскиот премиер дека прашањата поврзани со иранската нуклеарна програма може да се решат само дипломатски.
Во соопштението за печатот на Кремљ се наведува дека Путин му рекол на иранскиот претседател Масуд Пезешкијан дека Русија „ги осудува акциите на Израел кои ја прекршуваат Повелбата на Обединетите нации“ и изразил сочувство за загинатите.
Се известува дека Путин во разговор со израелскиот премиер Бенјамин Нетанјаху „ја истакнал важноста од враќање на преговарачкиот процес и решавање на сите прашања поврзани со иранската нуклеарна програма преку политички и дипломатски средства“.
Во соопштението на Кремљ се наведува дека Русија останува во близок контакт со Иран и Израел.
Свет
Иран: Одмаздата против Израел почна

Иран потврди дека почнал да се одмаздува против Израел, јавува државната новинска агенција ИРНА.
Иран истрела стотици различни балистички ракети кон Израел, што Техеран го опишува како почеток на својата разорна одмазда за израелските напади.
„Пред неколку моменти, со лансирање на стотици различни балистички ракети кон окупираните територии, започна операцијата на решителен одговор на варварскиот напад на ционистичкиот режим“, објави официјалната иранска новинска агенција ИРНА.
Како што јави Хаарец, израелската армија најави дека ќе се огласат сирени за воздушен напад низ целата земја и ги повика граѓаните веднаш да одат во засолништата. Тие додаваат дека повеќе од 100 ракети биле лансирани од Иран, а сирените се огласиле низ Израел.
Главниот дописник на Гардијан за Блискиот Исток, Ема Греам-Харисон, известува од Тел Авив дека над градот се слушаат бројни пресретнувања на ракети. Eксплозии одекнаа во Ерусалим, јавува „Си-ен-ен“.
Огромни облаци од чад се издигнуваат над Тел Авив, видливи над облакодерите во центарот на градот.
Чадот е толку густ што целосно се надвива над високите згради околу него.
Израелските одбранбени сили (ИДФ) потврдија дека бран ракети бил лансиран кон Израел.
„Нападот е во тек“, се вели во објавата.
Телевизијата Канал 13 известува за пожар во близина на седиштето на израелското Министерство за одбрана во Тел Авив, додека Израел Хајом јавува дека ракети паднале на седум различни локации во централниот дел на земјата.