Регион
Косовски имам добил отказ зошто ја прифатил теоријата за еволуција
Кога не водел молитва во неговата селска џамија, имамот Дрилон Гаши пишувал некои „неправоверни“ статуси на социјалните мрежи – како тој дека верува во теоријата за еволуција.
На крајот, поради истовременото прифаќање на исламот и дарвинизмот ја загубил својата работа, пишува хрватски „Индекс“.
Гаши (31) бил отстранет од функцијата минатиот месец од страна на Исламската заедница на Косово (БИК), највисокото верско тело во земјата.
Според него, тоа е доказ дека традиционално умерениот ислам на Косово е во опасност.
„Живите суштества се создадени по пат на еволуција, која е креација на Бог“, објаснил имамот за својата теорија дека исламот и науката можат да одат во тандем.
„Науката ги открива природните појави така како што ги созадал Бог“, додава тој.
Гаши на Косово, каде што исламот пристигнал со ширењето на Османлиската Империја, имал функција во џамијата во Витомирица, изградена со арапски пари. Таму живеат околу 5 илјади жители.
Неговите ставови оценети како контроверзни од страна на Исламската заедница ги промовирал на социјалните мрежи и во разговори со локалните новинари.
„Неговите ставови се спротивни на принципите на исламот и нашите внатрешни правила“, рече портпаролот на БИК, Ахмет Садриу, откако Гаши беше разрешен од функцијата.
Прифаќањето на теоријата за еволуција не е невообичаено за Косово, бидејќи верниците таму се познати по умерениот ислам.
Според пописот во 201. година, повеќе од 90 проценти од Косовците се декларираат себеси како муслимани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Кси слета во Србија: Претседателот на Кина пречекан од Вучиќ и државниот врв
Заедно со претседателот на Србија Александар Вучиќ и првата дама, кинескиот претседател Кси Џинпинг беше пречекан на црвениот тепих од српската делегација составена од премиерот Милош Вучевиќ, претседателката на Собранието Ана Брнабиќ, министерот за надворешни работи Марко Ѓуриќ, српската амбасадорка во Кина Маја Стефановиќ и кинескиот амбасадор во Белград Ли Минг со сопругата.
Свечениот пречек на кинеската делегација која брои 400 лица е закажан за в среда пред палатата „Србија“.
Домаќин на претседателот Кси Џинпинг ќе биде српскиот претседател Александар Вучиќ, а двајцата лидери ќе разговараат за широк спектар на теми – од политички, економски и технолошки до соработка во областа на културата.
За време на дводневната посета на Кси Џинпинг на Србија, планирано е да се потпишат над 30 договори.
Беше организиран и свечен ручек на кој кинескиот претседател ќе има можност да дегустира српски јадења и вина, а ќе има и музичка програма на српски и кинески јазик, која ќе заврши со песната „Ова е Србија“.
Поради доаѓањето на кинескиот претседател преземени се големи безбедносни мерки, па неговата делегација ќе ја обезбедуваат 3.400 полицајци.
Регион
Руски хакери ги нападнаа веб-страниците на косовските институции
Руски хакери ги нападнаа веб-страниците на косовските институции, изјави министерот за одбрана Ејуп Македончи.
„Група руски хакери извршија сајбер-напад на Косово како одмазда за мојата изјава за поддршка на Украина“, изјави Македончи.
Во текстот на руските хакери се споменува говорот на тој косовски министер кој, според нив, рекол дека „Косово е подготвено да и понуди воена помош на Украина“.
„Косово е подготвено да ги здружи колективните напори за поддршка на одбраната на Украина. Треба повеќе да размислат за ова“ – напишаа хакерите на руски, спомнувајќи го министерот Македончи.
Министерката за надворешни работи и дијаспора Доника Гервала објави дека „Русија врши хибриден напад на Косово“.
Гервала на мрежата „Х“ изјави дека „рускиот хибриден напад на Косово“ доаѓа по најавата за поддршка на Косово за Украина со воена опрема.
Регион
Александар Вулин: Пријателството меѓу Србија и Кина е челик затоа што го ковавме во оган
Вицепремиерот на Србија, Александар Вулин, на промоцијата на културната размена меѓу Кина и Србија на тема „Што ги делат планините и реките, пријателството обединува“, изјави дека пријателството меѓу двете земји е челик бидејќи е ковано во оган и дека Србија и Кина се разделени за многу работи, но најважното ги обединува, а тоа е одлуката на две држави да бидат слободни.
„Пријателството на нашите лидери, претседателот Вучиќ и претседателот Си Џинпинг, не обврзува да сториме сè, исто како нив, за нашите народи да бидат поблиски отколку што нè прави блиски географијата или историјата. Србите и Кинезите ги дели сè, ние сме различни во сè, но нас нè обединува она најважното – нашата одлука да бидеме слободни, нашата посветеност на најважната карактеристика на народите и луѓето – слободата“, рече Вулин на настан организиран од China Media Group.