Поранешната главна обвинителка за воени злосторства Карла Дел Понте која моментално за Обединетите нации води истрага во Сирија, во понеделникот изрази задоволство поради руските воздушни удари врз терористичките групи во оваа земја, откако претходно изјави дека барањата за отстапување на сирискиот претседател Башар ал-Асад до почетокот на преговорите ја попречуваат борбата против тероризмот.

„Воопшто мислам дека руската интервенција е добра, бидејќи конечно некој ги напаѓа тие терористички групи Даеш (арапскиот акронима за екстремната сунитска група Исламска држава), Џебхат ан-Нусра (сириското крило на Аал Каеда) и сите нив“, изјави Карла Дел Понте за швајцарската јавна телевизија RTS.

Дел Понте, којашто е членка на истражната комисија на ОН за Сирија, заедно со Паулу Сержу Пињеиро, Карен Абузејд и Витит Мунтарбхорн, додаде „Секако, по она што го знаеме, тие (Русите) не ги разликуваат премногу терористите од оние другите и тоа веќе не е толку добро“.

Нејзините изјави доаѓаат во моментот кога многумина на Западот, кој ја поддржува вооружената опозиција во Сирија, ја обвинуваат Русија дека е делумно одговорна за неуспехот на преговорите кои минатата седмица требаше да започнат за пронаоѓање на петгодишната војна во Сирија, која од бунт во март 2011 година се претвори во меѓуконфесионална војна во која најголема полза за сопствено етаблирање имаа екстремните џихадистички групи.

Русија, од 30-ти септември на барањето на сирискиот претседател Башар ал-Асад, започна кампања на воздушните удари врз цели на организацијата Исламска држава и другите џихадистички групи. Но Западот, кој ваква воздушна кампања во Сирија изведува повеќе од 18 месеци без никаква координација со владата во Дамаск, ја обвинува Москва дека ги напаѓа и „умерените“ групи кои сакаат да го соборат Асад кои ги помага и дека во нејзините напади наводно гинеле цивил. Тоа Русија го оценува како „апсурдно“ и бара докази, а потсетува и дека бараа од САД, кои ја предводат меѓународната коалиција која изведува воздушни удари, да се координираат за позициите кои ги сметаат за опозициски, но дека таквиот договор изостанал.

Карла Дел Понте, којашто беше главна обвинителка на Меѓународниот кривичен суд за воени злосторства во поранешна Југославија во Хаг, а претходно работеше на злосторствата сторени во Руанда, претходно во неделата во интервју за швајцарскиот весник La Liberté исто така оцени дека „Победата над тероризмот во Сирија бара заеднички напори на меѓународната заедница и на официјален Дамаск“, и истовремено дека „барањата за повлекување на актуелниот претседател Асад уште пред почетокот на какви и да се преговори ја блокираа таквата можност“.

„Би било идеално доколку државите (од коалицијата) би ги уништиле терористичките групи заедно со сириската влада. Но тоа е невозможни, бидејќи повеќето дражви инсистираат на повлекување на Асад до почеток на какви и да се преговори. Меѓутоа, луѓето умираат, и се случува целосно разурнување на земјата“, рече за La Liberté Дел Понте, која ја претставува организацијата која е формирана во 2011 година од Советот за човекови права на ОН.

Додава дека е подготвена да соработува со сириската влада во истрагата за можните нарушувања на човековите права. „Бев повикана таму (во Сирија) лично, на што комисијата (за разгледување на можните злосторства и кршење на човековите права) првично даде негативен одговор. Кон крајот на 2015-та комисијата даде зелено светло. Сега чекам одговор од Дамаск. Од своја страна јас сум подготвена да заминам“, вели Дел Понте за списанието.

„Доколку сакаме примирје, доколку сакаме мир, во прв ред мораме да преговараме со владата“, појасни во понеделникот вечерта Дел Понте за RTS, наведувајќи го примерот на поранешниот српски челник Слободан Милошевиќ, кој почина во текот на судењето во Хаг во 2006 година, „Милошевиќ веќе беше под истрага кога Американците во Дејтон преговараа со него и посригнаа мир“ во 1995 година, потсети./крај/мф/сн

Извор: Макфакс