Спорт
Доминантни партии на Дончиќ и Јокиќ (Видео)
Единаесет натпревари се одиграа во НБА лигата изминатата ноќ. Нив ги обележа новиот играч на Бруклин Нетс, Кајри Ирвинг, кој постигна 50 поени против Минесота. И покрај блескавото издание на Ирвинг Бруклин загубија по едно продолжение 126:127.
На стартот на новата сезона блесна европскиот тандем на Далас, Лука Дончиќ и Кристапс Прозингинс.
Словенецот и Латвиецот го предводеа Далас до победата над Вашингтон 108:100. Дончиќ забележа 34 поени, 9 скока и 4 асистенции, а Прозингинс запиша 23 поени, 4 скока и 2 асистенции.
Успешна сезона најави и Никола Јокиќ од Денвер. Нагетс во реприза на минато сезонското полу-финале на западот победија во Портланд 100:108. Јокиќ забележа двоен ефект од 20 поени и 13 скока.
Монструозна партија во Индијанаполис пружи центарот на Детроит Пистонс Андре Драмонд. Во победата на својот тим над Индијана тој забележа 32 поени и 23 скока. Рекорд на кариерата оствари на овој меч 12 пик на драфтот во 2017 година Лук Кенард кој постигна 30 поени.
Резултати:
Шарлот Хорнетс-Чикаго Булс 126:125
Индијана Пејсерс-Детроит Пистонс 110:119
Орландо Меџик-Кливленд Кавалирс 94:85
Бруклин Нетс-Минесота Томбервулфс 126:127
Мајами Хит-Мемфис Гризлис 120:101
Филалдлефија ’76-Бостон Селтикс 107:93
Далас Маверикс-Вашингтон Визардс 108:100
Сан Антонио Спарс-Њујорк Никс 120:111
Јута Џез-Оклахома сити Тандер 100:95
Финикс Санс-Сакраменто Кингс 124:95
Портланд Трејлблејзерс-Денвер Нагетс 100:108
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.
Спорт
Јунајтед три недели ќе биде без Мегваер
Фудбалерот на Манчестер Јунајтед, Хари Мегваер ќе отсуствува три недели поради повреда на мускулот.
Мегваер се повреди на тренинг, има шанса да игра во финалето на ФА Купот, а како што денеска објави „Скај Спортс“, се очекува да биде подготвен за Европското првенство.
Финалето на ФА Купот меѓу бранителот на титулата Манчестер Сити и Манчестер Јунајтед ќе се одигра на 25 мај во Лондон.
Европското првенство е закажано од 14 јуни до 14 јули во Германија.
Тренерот на Јунајтед, Ерик тен Хаг има големи проблеми во последната линија на тимот, бидејќи се повредени Рафаел Варан, Лисандро Мартинес и Виктор Линделоф.
Дефанзивецот Џони Еванс се врати на тренинзите но неизвесно е дали ќе биде во составот за натпреварот вечерашниот напревар Кристал Палас.
Спорт
Тони Надал: Рафа живеe нормално, а Ѓоковиќ е најдобар во историјата затоа што не живее нормален живот
Тони Надал, поранешниот тренер на Рафаел Надал, крена голема прашина со изјави за трката за најдобриот тенисер на сите времиња. Најчесто вујкото на Надал ги омаловажува успесите на Новак Ѓоковиќ.
Искусниот стручњак, кој ја прекина соработката со Надал во 2017 година, изјави дека Новак Ѓоковиќ постигнал се што имал, пред се затоа што за разлика од неговите ривали „не живее нормален живот“.
„Мислам дека Новак Ѓоковиќ беше мотивиран од желбата да напише приказна, да стане најдобар играч во историјата, додека Рафа, од друга страна, секогаш живеел сосема нормален живот. Рафа игра тенис, но живее нормално, јаде, игра фудбал и се занимава со други активности Се сеќавам на еден тренинг кога неговиот менаџер ни кажа дека Рафа не е професионален, а мојот одговор беше дека не ни сакам да биде, туку дека е доволно што дава се од себе кога е на теренот и дека во слободното време може да живее како и секој друг маж“, вели Тони.
Според него, Новак бил далеку повеќе фокусиран на деталите, поради што толку долго е во самиот врв на светскиот тенис.
„За разлика од Рафа, Новак е многу внимателен што јаде, како го поминува слободното време и има сосема поинаква визија од Рафа и Роџер. На крајот, сите тројца сакаа да бидат најдобри досега, а најважното нешто во тоа приказната беше колку се спремни да се жртвуваат“, заклучи искусниот тренер.