Израелскиот премиер Бенјамин Нетанјаху во разговор за американскиот национално радио во петокот повторно потврди дека не го променил ставот во поглед на основањето палестинска држава, но и додаде дека за тоа сé не се исполнети условите.

„Кога зборуваме за две држави, тоа подразбира демилитаризирана палестинска држава којашто ја признава еврејската држава. Не го променив ставот“, изјави за радиото NPR, израелскиот премиер Бенјамин Нетанјаху.

Во текот на предизборната кампања за парламентарните избори на коишто победи, Нетанјаху, меѓутоа, изјавуваше дека се противи на формирањето палестинска држава. Во разговорот за NPR, како и во четвртокот за американските телевизиски мрежи, израелскиот премиер тврдеше дека неговата изјава се однесувала на моменталните околности, коишто, како што тој смета, ги спречуваат формирањето палестинска држава.

Потоа ги наброи и препреките за тоа, споменувајќи ја „одлуката на Палестинската самоуправа од минатата година да го потпише договорот за соработка со исламистичкото движење Хамас“, и, како второ, „радикалните промени последните години во регионот и издигнувањето на милитантниот ислам на областите кои се напуштени“, мислејќи на палестинската енклава Појасот Газа, од каде се повлече за разлика од Западниот брег (на реката Јордан) и источен Ерусалим, кои меѓународната заедница ги смета за окупирани палестински територии.

Нетанјаху, исто така, изјави дека колонизираните населби на Западниот брег не ги смета да поголема пречка за надминување на конфликтот, спротивно од ставот на американските сојузници и самите Палестинци, коишто продолжувањето на мировните изралеско-палестински преговори го условуваат и со запирање на подигнувањето на доселеничките населби на окупираните територии.

Кога последниот ден од кампањата за парламентарните избори, во напорите да ги обезбеди гласовите на крајната десница Нетанјаху го исклучи основањето на палестинска држава, за многумина изгледаше дека израелскиот премиер го закопа мировниот процес. Меѓутоа, западните израелски сојузници се истрајни на обновувањето на мировните преговори за да се постигне договор врз основа на решението со две држави.

„Реков дека условите мора да се променат. Не сакам решение со една држава, но не сакам ниту решението со нула држава, решение без ниедна држава во кој би била загрозена опасноста за Израел“, појасни Нетанјаху.

Генералниот секретар на ОН, Бан Ки-мун во петокот од Нетанјаху побара потврда за неговата определеноста за формирање на палестинска држава. Бан од израелскиот челник тоа го побарал во телефонскиот разговор во кон му „честиташе на неодамнешната победа“ на изборите, соопштија од светската организација.

Францускиот претседател Франсоа Оланд, откако исто така телефонски му честиташе на Нетанјаху, во петокот повтори дека Франција и натаму сака решение на изралеско-палестинското прашање со воспоставување палестинска држава и мирољубив соживот со Израел. „Францускиот став беше, е и секогаш ќе биде решени со две држави со незаобиколивиот принцип за сигурноста на Израел“, рече Оланд по завршувањето на самитот на ЕУ во Брисел./крај/мф/сн

Извор: AFP