Свет
(Видео) Кога политиката ќе вмеша прсти – убиец пуштен на слобода иако го признал злосторството
Жител на Хонгконг ја убил својата девојка на Тајван и признал вина. Но, тој е на слобода затоа што ако Хонгконг го екстрадира на Тајван, тоа ќе значи дека го признава островот како независна држава која не е дел од Кина.
Вчера попладне Чан Тонг Каи го напуштил затворот „Клирвотер Беј Род“ во Хонгконг како слободен човек. Овој 29-годишник поминал 29 месеци во затвор за перење пари, пишува „Дојче веле“. Меѓутоа, тој признал поголемо злосторство – убиство. Но, имајќи предвид дека го извршил на Тајван, тој нема да одговара.
Причината се специјалните односи меѓу Хонгконг и Тајван. Хонгконг официјално ѝ припаѓа на Кина, но во правосудството ужива посебни права. Со тоа е исклучена можноста за ектрадиција на криминалци на Народна Република Кина, Макао или Тајван.
Тајван, која е прогласена за независна држава, иако фактички е независна од Кина, е изолирана на светската дипломатска сцена. Ако Тајван успее да се договори со Хонгконг за екстрадиција на Чан Тонг Каи, тоа би било дипломатски успех за владата во Тајпеј. Тоа би значело дека се работи за официјален договор меѓу две суверени држави – Кина и Тајван.
Чан со својата девојка Пун Хиу Винг во февруари лани бил на одмор на Тајван. Тие биле кратко време во врска. Кога Чан дознал дека Пун е бремена од нејзиното поранешно момче, ја задавил од љубомора. Тој го скрил нејзиното тело во куфер и го оставил во парк.
Чан се вратил во Хонгконг. Го издале трансакциите што ги вршел со картичката на Пун. Нејзините родители пријавиле дека е исчезната, а на сослушувањето Чен го признал убиството и кажал каде е скриено нејзиното тело.
Властите на Тајван трипати поднеле барање за екстрадиција, иако знаеле дека Хонгконг нема да одобри. Тамошниот закон забранува екстрадиција на жители на Хонгконг на кинеска територија надвор од Хонгконг.
Досега оваа поранешна британска колонија, која во 1997 година ѝ е вратена на Кина, има договор за екстрадиција со 20 држави.
На крајот Чен бил осуден на затвор за перење пари и за злоупотреба на туѓа картичка. За убиството не му е судено затоа што не е извршено на територијата на Хонгконг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Мапа) Украина мора да се повлече 15 километри на Запад, Бердичи е опколен
Украина се подготвува да ги повлече војниците од Бердичи, јавуваат српските медиуми.
На вооружените сили на Украина во Бердичи им се заканува опкружување по неодамнешната загуба на Новобахмутовка и Соловјов, а според некои воени блогери се очекува повлекување до 15 километри на запад.
Ним им се заканува загуба и на Нетајлов, Карловка, Умански, Новокалинов, Керамик, Архангелски…
По падот на Авдијивка во февруари, Украина одржа линија на одбрана во близина на Бердичи. За време на безмилосните борби во претходните два и пол месеци на тој дел од линијата на фронтот, беа изгубени и неколку американски тенкови Абрамс, обидувајќи се да го запрат напредувањето на руските трупи.
Воениот блогер Рибар наведува дека руските војници напредуваат и кај Новокалинов.
– Напаѓачките групи ја пробија одбраната на украинските формации во центарот на селото во правец на Керамик. Моментално се консолидираат позициите во центарот на селото. Имајќи го предвид налетот од Очеретин во правец на Архангелск, не може да се исклучи дека во блиска иднина вооружените сили на Русија ќе можат целосно да го окупираат Керамик – вели Рибар.
Според него, Русите успеале да ги истуркаат противниците од Семјеновка.
– Остатоците од пешадијата на вооружените сили на Украина под оган на артилерија и беспилотни летала се повлекоа од северната периферија на селото на запад кон Новопокровски. Под контрола на вооружените сили на Русија делумно беа и шумските појаси кај Семјоновка. Борбите во моментов се водат на најзападната периферија на Бердици. Малку е веројатно дека непријателот ќе може долго да држи позиции поради неговото повлекување од Семјеновка. Следната линија на напад на Вооружените сили на Русија најверојатно ќе бидат шумските појаси на делницата Новопокровско – Новоселовка Перваја каде што сега украинските формации динамично градат одбрана – вели Рибар.
Украинскиот телеграмски канал DeepState потврди дека руските војници ги зазеле Семјоновка и Соловиев и дека се водат борби за Керамик.
Свет
Евакуација на аеродромот во Москва поради дојава за бомба
Еден од катовите на зградата на аеродромот Внуково во Москва е евакуиран поради закана за бомба, соопшти полицијата.
„Едниот кат е евакуиран. Во тек е проверка и контрола“, се наведува во соопштението и се додава дека евакуацијата не влијаела на функционирањето на аеродромот.
Евакуиран е седмиот кат од зградата на управата на аеродромот.
Неименуван извор изјавил за агенцијата ТАСС дека евакуацијата уследила по закана за бомба.
– Се проверуваат сите простории и канцеларии – изјавил овој извор.
Свет
Хутите истрелаа три проектили на два брода во Црвеното Море: оштетен британски танкер
Американската војска објави дека јеменските бунтовници Хути лансирале три противбродски балистички ракети врз два брода во Црвеното Море, при што лесно е оштетен британски танкер за нафта.
Американската централна команда (CENCOM) преку соопштение на платформата „Х“ соопшти дека е оштетен танкерот со нафта „МВ Андромеда Стар“, како и дека проектил паднал во близина на друг брод „МВ Маиша“, но не го оштетил.
Хутите од ноември минатата година напаѓаат комерцијални бродови во Црвеното Море и Аденскиот Залив со ракети и беспилотни летала како знак на, како што велат, поддршката на палестинската милитантна група Хамас во конфликтот со Израел во Појасот Газа.