Спорт
Маљковиќ: Да кажуваа кошаркарите, немаше да има војна во Југославија
Во Сплит денеска се промовираше книгата „Првопластика“, која беше искористена за одбележување на 30-годишнината од првиот европски трофеј на Југопластика со победата над Барселона во 1989 година.
Гости на прославата беа славниот член на генерацијата Дино Раѓа, но и српскиот тренер Божидар Маљковиќ, кој со три клуба ја освои Евролигата (Југопластика, Лимож и Панатинаикос).
„Тогаш губевме малку натпревари, а еден од нив беше во февруари таа година од Барселона. Направив грешка и ги однесов кошаркарите да ги видат трофеите на Барселона и тоа премногу ги импресионираше. Тогаш кошарката беше поинаква. Да имаше состаноци меѓу првите луѓе на тие клубови, Босна, Цибона, Партизан, Звезда, Скопје, Чачак, Љубљана, сигурно немаше да има војна. Се работеше за врвни луѓе кои водеа врвни клубови и имаа влијание на еден министер“, изјави Маљковиќ.
И Раѓа беше носталгично расположен.
„Имавме прав тим околу себе, не само Божо, туку и другите тренери. Никој не мислеше на парите и следните договори туку само сакаше да игра кошарка. Тоа им фали на сегашниве деца, да играат баскет. Кога тој ентузијазам го пренесовме на терен, тогаш немавме респект за никого. Барселона беше чудо од тим, но влеговме без страв“, вели Раѓа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.