Регион
Хрватска не сака да учествува во кофинансирањето на Грција
Хрватска е против идејата за привременото финансирање на Грција да се обезбеди од Механизмот за европска финансиска стабилизација (ЕФСМ), фондот кој беше воспоставен во 2010-та година и за кои гарантираат сите 28 земји членки, бидејќи смета оти финансирањето треба да биде извршено само од страна на членките на еврозоната, изјавил во вторникот во Брисел хрватскиот министер за финансии Борис Лаловац, пренесува Hina.
„Нашиот став е доста јасен и решавањето на привременото финансирање на Грција треба да се најде во членките на еврозоната. Ние не учествувавме нити во преговорите, нити пак во било какво одлучување. Комисијата рече дека тоа е само еден од предлозите и ќе видиме какви предлози ќе бидат ставени на маса, но ние сметаме дека еврозоната мора внатре во своите механизми да пронајде решение за привремено финансирање“, рекол Лаловац, кој во Брисел присуствувал на состанокот на министрите за финансии на земјите членки на ЕУ, на кој главна тема беше привременото финансирање на Грција.
На Грција итно и се потребни средства кои треба да се обезбедат пред да завршат преговорите за третата програма за финансиската стабилност, кој се уште не се започнати и кои во најдобар случај би можеле да завршат до средината на август.
На земјата во следните помалку од месец дена и се потребни 12 милијарди евра, и тоа 7 милијарди до 20-ти јули и дополнителни пет милијарди до 5-ти август. Поради ова на состанокот се споменале неколку идеи за од каде може да се најдат тие средства, а Комисијата ја споменала можноста повторно да се активира ЕФСМ, фондот кој беше формиран во мај 2010-та година и кој беше искористен за спасувањето на Ирска и Португалија. Според информациите, во тој фонд наводно има уште 13 милијарди евра, од кои две или три милијарди би можеле да бидат искористени за привремено финансирање на Грција./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Избрана е новата Влада на Србија
Собранието на Србија со 152 гласа ја изгласа новата Влада на премиерот Милош Вучевиќ. Два дена траеше расправата за составот на Владата и нејзиниот план за работа, при што опозицијата го оспори кредибилитетот на Вучевиќ, посочувајќи дека, како и досега, за секоја одлука ќе биде прашан претседателот на државата Александар Вучиќ.
Новата Влада на Србија брои 31 член, од кои една третина се нови имиња во споредба со претходната Влада на чело со Ана Брнабиќ.
Премиерот Вучевиќ претходно изјави дека длабоко верува во историскиот договор меѓу Србите и Бошњаците и рече дека сака добри односи и со Хрватите. Истовремено, тој рече дека нема да ги гради овие односи на штета на сопствените интереси и дека Србија нема да се откаже од традиционалните пријатели.
Посебно внимание предизвикаа двајцата министри кои се под санкции на САД: Александар Вулин ќе биде вицепремиер, а Ненад Поповиќ ќе биде министер без ресор.
Регион
Договорен текстoт на резолуцијата за Сребреница
Предлогот за резолуција за комеморација на геноцид врз Бошњаците од Сребреница, извршен во јули 1995 година, е договорен, а за него треба да се расправа на седницата на Генералното собрание на Обединетите нации, потврди амбасадорот на БиХ во ОН, Златко Лагумџија.
Лагумџија на социјалната мрежа „Икс“ објави дека процесот на усогласување на резолуцијата, чии формални предлагачи се Германија и Руанда, е завршен и испратен до претседателот на Генералното собрание на ОН, Денис Френсис, па нејзиниот текст ќе биде претставен до земјите членки. на светската организација, од која се очекува поддршка.
Резолуцијата повикува да се воспостави 11 јули како меѓународен ден на сеќавање на жртвите на геноцидот во Сребреница, уште еднаш се осудуваат сите дејствија со кои се величат сторителите на воени злосторства, злосторства против човештвото и геноцид утврдени со пресудите на меѓународните судови. Ја нагласува важноста од завршување на потрагата по останките на преостанатите жртви кои досега не се пронајдени и повикува на продолжување на гонењето на сторителите на геноцидот кои се уште се на слобода.
Резолуцијата има намера да ги повика сите држави целосно да ги почитуваат своите обврски од Конвенцијата за спречување и казнување на злосторството геноцид, да го почитуваат меѓународното обичајно право за спречување и казнување на геноцид и да ги почитуваат релевантните одлуки на Меѓународниот суд на Правдата (МСП).
Од генералниот секретар на ОН се бара да воспостави информативна програма наречена „Геноцид во Сребреница и Обединетите нации“, која треба да се спроведе пред следната година, кога се одбележува 30-годишнината од тоа злосторство.
Сите земји-членки на ОН, како и невладините организации и граѓанското општество, предлагачи на резолуцијата истовремено повикуваат на соодветни активности за комеморација и чест на жртвите на геноцидот во Сребреница во 1995 година.
Македонија е коспонзор на оваа резолуција.
Српскиот претседател Александар Вучиќ и лидерот на босанските Срби Милорад Додик инсистираат дека оваа резолуција е обид да се наметне колективна вина врз српскиот народ.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.