Спорт
Бејл на состанок со агентот, бара трансфер во јануари
Герет Бејл верува дека неговата ситуација во Реал Мадрид не може да се поправи и решил што е можно побргу да си замине со можност за трансфер веќе во јануари, тврди „ЕСПН“.
Поранешниот напаѓач на Тотенхем беше блиску до заминување од „Бернабеу“ во текот на летото, кога можниот трансфер во Кина беше сопрен во последен момент, а сега по состанокот со агентот Џонатан Барнет во понеделникот во Лондон, излезот од Мадрид е сè поизвесен.
Според „ЕСПН“ главната причина за незадоволството во „кралскиот клуб“ се лошите односи со менаџерот Зинедин Зидан и постојаните проблеми со повредите. „Распадот“ на односите со Зидан во текот на летото продолжил и оваа сезона и тој сака брз трансфер, иако неговата висока плата и недостастокот на клубови кои би ги дале тие пари ја прават ситуацијата многу тешка.
Бејл ја имал поддршката од соиграчите во Реал, но Зидан и неговиот тим веруваат дека Велшанецот „живее во свој свет“ и дека би било подобро за сите тој да замине. Ова е уште една „капка“ во бурата која последните денови се создаде околу Бејл, кој побара од Реал да не ги објавуваат неговите медицински картони според правото кое го има со шпанскиот закон за заштита на личните податоци.
Денеска, пак, Зидан изјави дека има добри односи со Бејл.
„Имаме добра врска, тој е силен фудбалер и тренира добро. Кога не е достапен, не е достапен бидејќи има проблем. Сите знаеме каков е тој фудбалер. Патувањето во Лондон е лична работа, и тој побара дозвола од клубот која ја доби. Нема позадинска приказна. Мене никогаш не ми зборел за заминување“, вели Зидан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кристал Палс го згази Манчестер јунајтед
Фудбалерите на Кристал Палас го декласираа Манчестер јунајтед со 4:0, во последниот натпревар од 36. коло на Премиер лигата. удбалерите на Кристал Палас ја забележаа четвртата победа на последните пет натпревари во Премиер лигата.
Од првата минута забележливо беше дека играчите на Манчестер јунајтед не се „во натпреварот“. Како изгледаа на теренот можат да бида задоволни со поразот од 4:0.
Дебаклот го најави Мајкл Олисе во 12.минута. .
Истиот играч десет минути подоцна имаше уште две убави шанси, а во 40. Жан Филип Матета ја удвои предноста на домашните.
На почетокот на вториот му беше поништен гол на Јунајтед, а потоа започнаа да се редат шансите пред голот на Андре Онана.
Еберечи Езе, Тајрик Мичел и Вил Хјуз, не успеаја да реализираат, но во 58. минута споменатиот Мичел зголеми на 3:0.
Точка поразот на Јунајтед стави играчот кој ја започна серијата, Мајкл Олисе во 66. минута. До крајот на мечот Одсон Едуард ја погоди стативата.
Палас е 14. на табелата со 43 бодови, додека Јунајтед е осми со 54 бодови, исто колку и седмопласираниот Челзи.
Јунајтед во следното коло ќе го пречека Арсенал, додека Палас ќе гостува кај Вулверхемптон.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.