Спорт
Далас победија во Денвер, Лејкерс го декласираа Мемфис (Видео)
Денвер Нагетс го забележаа првиот пораз во сезоната. На домашен терен Нагетс се порезени од Далас Маверикс 106:109. Двата тима од почетокот на сезоната имаат по три победи и еден пораз.
Неизвесниот дуел во Денвер гостите го решија во првата половина од последната четвртина кога со серија 20:6 ја создадоа клучната разлика која Нагетс не можеја да ја стигнат.
Нагетс можеа да изборат продолженија меѓутоа откако Лука Дончиќ не реализира две слободни фрлања, Џамал Мареј на три секунди до крајот не успеа да погоди за три поени.
Далас до победата дојдоа благодарение на тимската игра, девет играчи постигнаа двоцифрен број на поени. Макси Клебер и Тим Хардавеј постигнаа по 14 поени, Дончиќ 12, а Кристапс Прозингинс забележа 10 поени и 14 скока.
На спротивната страна Никола Јокиќ забележа нов трипл-дабл (10 поени, скокови и асистенции). Србинот го запиша вториот трипл-дабл во сезоната, а 30 во кариерата.
Најефикаен кај Денвер беше Пол Милсап со 23 поени, а по 16 поени постигнале Џамал Мареј и Гери Херис.
Лос Анџелес Лејкерс ја забележаа третата победа во сезоната. Лејкерс убедливо ги поразија Мемфис Грозлис 120:91.
Ентони Дејвис доминираше со 40 поени и 20 скока (26 поени тој постигнал од линијата за слободни фрлања). „Веѓата“ е првиот играч на Лејкерс во изминатите 16 години кој за три четвртини забележал 40 поени и 20 скока.
Леброн Џејмс мечот го завршил со 23 поени, два скока и осум асистенции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал Мадрид најде замена за Хезоња
Турскиот кошаркар Фуркан Коркмаз следното лето би можел да му се приклучи на Реал Мадрид.
Овој 26-годишен кошаркар треба да пристигне во редовите на европскиот шампион како замена за Марио Хезоња кој не го продолжи договорот.
Коркмаз е без клуб од февруари кога беше трејдуван од Филаделфија во Индијана, која веднаш му врачи отказ.
Тој беше член на Сиксерс од 2017 до 2024 година, во кариерата на 328 натпревари во НБА лигата има просек од од 6,8 поени и два скока.
Според турските медиуми, Коркмаз ги започнал преговорите со Реал. Од дуга страна Марио Хезоња ќе се пресели во Панатинаикос чиј член беше во 2021 година.
Спорт
Математиката на Челси, Лукаку+пари = Виктор Осимен
Ромелу Лукаку (30), по три сезони минати во Интер и една во Рома, во Серија А би можел да го облече дресот на Наполи.
Белгиецот изминатите две сезони настапува како позајмен, во Интер и Рома. Доколку се пресели во Наполи тој би бил дел од трансферот на Виктор Осимен.
Италијанските медиуми најавуваат дека 25-годишниот Нигериец следното лето би можел да го засили Челзи во трансфер вреден меѓу 80 и 90 милиони евра и дека Лукаку ќе послужи како своевидна „доплата“ во таа „зделка“.
За Осимен се заинтересирани и саудиските клубови, па Челзи ќе мора да му понуди голема плата доколку сака да го обезбеди потписот на нигерискиот репрезентативец.
Спорт
(Видео) Меси и Суарез го декласираа Њујорк Ред Бул
Аргентинскиот фудбалер Лионел Меси стана првиот играч во историјата на МЛС со пет асистенции на еден натпревар.
Меси го растури Њујорк Ред Бул со гол и пет асистенции. Интер славече победа 6:2.
Домашниот тим со пресврт дојде до седмата победа оваа сезона, откако Њујорк поведе во 30. минута преку Данте Ванзеир.
Матијас Рохас израмни во 48. минута, а Меси погоди две минути подоцна.
Рохас ја затресе мрежата на гостите во 62. минута, а Луис Суарез постигна хет трик во финишот.
Погоди во 69., 75. и 81. минута, а Њујорк Ред Бул постигна уште еден гол во седмата минута од судиското надополнување преку Емил Форсберг од белата точка.
Интер е прв во Источната конференција со 24 бодови, додека Њујорк Ред Булс е четврти со 17 бодови.