Американскиот потпретседател Џозеф Бајден ја изрази во саботата во Истанбул на средбата со турскиот премиер Ахмет Давутоглу, подготвеноста за воено решени на конфликтот во Сирија доколку не постои волја за политички договор, а истовремено американскиот државен секретар Џон Кери изјави во Ријад по разговорите со сунитските арапски партнери од Персискиот залив кои настојува да ги увери дека не треба да стравуваат од затоплувањата на односите меѓу САД и Иран, доти верува дека сириските мировни преговори ќе започнат следните денови и покрај разединетоста на сириската опозиција.

„Знаеме дека ќе биде подобро доколку успееме да постигнеме политичко решени, но подготвени сме, доколку тоа не биде возможно, да најдеме воено решение за таа операција во борбата со Исламската држава“, изјави американскиот потпретседател Џо Бајден на заедничката прес-конференција со турскиот премиер Ахмет Давутоглу.

Оваа агенциите ја надоврзуваат на изјавата на американскиот министер за одбрана Ештон Картер од петокот, дека коалицијата што ја предводат САД има намера да го прошират својот ангажман со копнена операција во Сирија и во Ирак.

„Уверени сме дека со добра иницијатива разговорите ќе започнат некаде следните денови и дека специјалниот пратеник на ОН ќе успее да ги собере преговарачите“, изјави, пак, американскиот државен секретар Џон Кери во Ријад.

Според најавите, меѓусириските преговори треба да започнат во швајцарска Женева на 25-ти јануари. До овој датум специјалниот претставник на ОН за Сирија, Стефан де Мистура треба да ги заврши консултациите со сите учесници во преговорите. Меѓутоа, овој датум уште не сосема сигурен, најмногу поради несогласувањата на разединетата опозиција,

Спорот, исто така, се јави и кога коалицијата на сириска сунитска опозиција го одреди за свој претставник просаудискиот исламистички бунтовник Мохамед Алуш, кој владата во Дамаск и нејзиниот сојузник Русија го сметаат за терористи.

Кери, кој во саботата телефонски разговарал со рускиот министер за надворешни работи Сергеј Лавров за сириските преговори, најави дека големите сили ќе се сретнат по првиот круг од преговорите во Женева. „Нема да најавам датум, но се договоривме дека веднаш по првиот круг од сириските преговори, Меѓународната група за поддршка на Сирија ќе одржи состанок и дека тоа ќе биде многу брзо, бидејќи сакаме тој процес да продолжи“, рече Кери, пренeсува Reuters.

Една до големите пречки е и тоа што сунитските арапски земји инсистираат алавитскиот (шиитски) претседател Башар ал-Асад да биде исклучен од политичката иднина на земјата, со што не се согласуваат Русија и Иран, кои бараат за тоа да одлучува сирискиот народ, а и Западот го омекна својот став по ова прашање и се согласи со организирање на избори за 18 месеци кои треба да ги подготви влада со извршни овластувања составена од претставници на актуелната влада и на сириската опозиција.

Друга голема пречка се односите меѓу Саудиска Арабија, во која преовладува вахабистичкиот ислам, а истокот од земјата е населен со шиити, ишииткиот Иран, чии нетрпеливости кулминираа на почетокот од јануари кога во Риајд беше егзекутиран шиитскиот проповедник Нимр ал-Нимр, по што двете земји ги прекинаа дипломатските односи.

„Никој од нас не верува во илузијата дека нема пречки во барањето политичко решение за Сирија. Знаеме дека тоа е тешко, бидејќи доколку беше лесно досега тој процес одамна ќе беше завршен“, реле Кери.

Саудискиот министер за надворешни работи Адел ал-Џубеир изјави дека неговата земја работи со САД за да најде начин за повлекување на Асад, Изрази притоа загриженост од приближувањето на САД и Иран. „Не гледам дека САД и Иран можат заедно. Иран и натаму е светскиот спонзор на тероризмот“, според AFP тврди ал-Џубеир, иако Техеран ја обвинува токму Саудиска Арабија дека финансиски и воено ги помага џихадистичките групи на сириското боиште.

Кери, кој во Ријад разговараше со претставниците на Советот за соработка на земјите од Персискиот залив (GCC), изјави дека укинувањето на санкциите за Иран се можност да се отстрани загриженоста. „САД и натаму се загрижени од некои активности на Иран“ во регионот, рече Кери наведувајќи ја поддршката за либанското шиитско движење Хезболах, кое САД и Израел го сметаат за терористичко, иранската програма за балистички ракети поради што Вашингтон му наметна нови санкции на Техеран.

Шесте земји на GCC, покрај Саудиска Арабија, се и Бахреин, Кувајт, Катар, Оман и Обединетите Арапски Емирати. Овие арапски монархии кои го практикуваат сунитскиот ислам не се согласуваат со враќањето на шиитски Иран на меѓународната сцена, откако по договорот на Техеран со шесте светски сили за неговата нуклеарна програма му се укинати децениските меѓународни санкции и станува многу атрактивна земја за инвестирање на меѓународните компании. /крај/мф/сн

Извор: Макфакс