Спорт
Ферстапен ја продолжи „војната“ со Хамилтон: Овојпат беше негова е.ана грешка! (видео)
Макс Ферстапен го обвини светскиот шампион Луис Хамилтон за невнимателно тркање, по нов инцидент меѓу двајцата во квалификациите за Американското ГП.
Додека Валтери Ботас освои неочекувана пол-позиција, Хамилтон беше само петти најдобар во Остин, на патека на која има пет победи, но може да ја освои титулата со осмо место вечерва.
Меѓутоа, најинтересниот дел од квалификациите беше во моментите кога Хамилтон и Ферстапен се најдоа во 19-тиот круг во моменти кога Хамилтон се обидуваше да го помине Данил Квјат во Торо росо и го истурка Ферстапен до крајот на патеката. Холанѓанецот врескаше на радиото: „Па, сега е негова е.ана грешка, нели?“.
Ова беше само продолжување на расправијата од минатаа недела, кога двајцата имаа тесен дуел на Мексиканското ГП, и Хамилтон изјави дека се плашел дека ќе биде „торпедиран“ од Ферстапен и го нарече неговото возење „смешно“.
Сега, Ферстапен беше лут.
„Сите се обидовме да имаме летечки кругови и успорувавме да направиме место за другите, а Луис возеше како да нема никој таму и не му беше грижа. Си помислив, ако нему не му е грижа и јас ќе го правам истото. Другите возачи се почитуваат меѓу себе“, вели Ферстапен.
Стјуардите на трката решија дека нема потреба за казни. Макс ќе ја стартува трката на третото место, а Луис на петтото место, така што може да не очекува интересен тексашки дуел.
Oh hi guys, the race is tomorrow #F1 #USGP #Verstappen #Hamilton pic.twitter.com/OU9Y98wlch
— Mattzel89 (@Mattzel89) November 2, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.