Спорт
Џабе „мајсторијата“ на Пандев – Несторовски со асистенција, Удинезе до победа (видео)
Македонските репрезентативци беа во главна улога во дуелот на двата тима од Серија А кои се под притисок, Џенова и Удинезе, за 3:1 победа на гостите на „Луиџи Ферарис“.
Џенова, под новиот тренер Тијаго Мота, повторно покажа добра игра, како и при 2:1 поразот од Јувентус, но на крајот немаше поени за да останат на 17. место со 8 поени, додека Удинезе, под новиот преоден тренер Лука Готи, се на 12. место со 13 поени.
Горан Пандев, како капитен на Грифоне во 22. минута од мечот го отвори резултатот по прекрасна двојна акција со Кристијан Куаме, покажувајќи дека довербата на неговиот поранешен соиграч од Интер, Мота е оправдана. Ова е втор гол во два меча во кои Мота му дава шанса на ветеранот.
Меѓутоа, радоста на домашните навивачи траеше само 10 минути, откако Родриго де Паул, на асистенција на Илија Несторовски, постигна прекрасен гол за израмнување. Кога се мислеше дека мечот ќе заврши така, во 87. минута, Кен Сема доби топка по лошата интервенција на одбраната на домашниот тим за да освои драгоцени три поени за гостите, и на крајот Кевин Лазања, кој влезе како замена за Несторовски во 95. минута да постигне уште еден гол за „бјанконерите“.
СЕРИЈА А, 11.КОЛО
Џенова – Удинезе 1:3
Лече – Сасуоло 2:2
Верона – Бреша 2:1
Пандев ја оправда довербата на Мота, нов гол за Џенова (видео)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Новицки откри зошто го носеше дресот со број 41
Еден од најдобрите европски кошаркари на сите времиња, Дирк Новицки откри зошто во кариерата го носел бројот 41 на својот дрес.
Легендарноот Германец бројот 41 го носеше во Далас Маверикс, додека во националниот тим за него беше резервиран бројот 14.
„Почнав да играм кошарка со број 11 бидејќи татко ми го носеше бројот 11 кога играше ракомет. Потоа Чарлс Баркли го носеше бројот 14 на Олимписките игри во Барселона, а јас го сакав Чарлс. Искрено, кој не го сакаше Чарлс во тоа време? Почнав да го носам бројот 14. В репрезентацијата играв со тој број“, изјави Новицки, а потоа додаде:
„Кога дојдов во Далас, го сакав бројот 14, но тој број го носеше Роберт Пек. Тој ми рече: „По ѓаволите, не, нема да го добиеш мојот број“.На крајот само направив рокада на бројките и 14 стана 41“.
Спорт
ПСВ шампион на Холандија по шест години
Фудбалерите на ПСВ Ајндховен ја освоија титулата во холандскиот шампионат, откако на домашен терен ја совладаа Спарта од Ротердам со резултат 4:2 во 32. коло од Ередивизија.
Головите за клубот од Ајндховен ги постигнаа Саид Бакари (автогол) во 19. минута, Јоан Бакајоко во 26. минута, Оливие Боскаљи во 67. минута и Џордан Тесе во 78. минута.
Метињо погодија за Спарта во осмата минута и Боскаља (автогол) во 29 минута.
ПСВ е прв на табелата во холандскиот шампионат со 87 бодови. Второпласираниот Феенорд има 75 бодови и меч помалку.
Спарта е на деветтата позиција со 43 бодови.
До крајот на холандскиот шампионат ќе се одиграат уште две кола.
Клубот од Ајндховен стигна до 25. титула во клупската историја, а прва по 2018 година.
Спорт
Реал Мадрид најде замена за Хезоња
Турскиот кошаркар Фуркан Коркмаз следното лето би можел да му се приклучи на Реал Мадрид.
Овој 26-годишен кошаркар треба да пристигне во редовите на европскиот шампион како замена за Марио Хезоња кој не го продолжи договорот.
Коркмаз е без клуб од февруари кога беше трејдуван од Филаделфија во Индијана, која веднаш му врачи отказ.
Тој беше член на Сиксерс од 2017 до 2024 година, во кариерата на 328 натпревари во НБА лигата има просек од од 6,8 поени и два скока.
Според турските медиуми, Коркмаз ги започнал преговорите со Реал. Од дуга страна Марио Хезоња ќе се пресели во Панатинаикос чиј член беше во 2021 година.