Македонија
Шекеринска: Законот првпат го решава станбеното обезбедување на припадниците на Армијата

Министерката за одбрана, Радмила Шекеринска, денеска, на брифинг со новинарите што го следат секторот одбрана информира за измените во Законот за служба во Армијата за кои рече дека се со цел да покажеме дека ги цениме припадниците на Армијата, кои ја уживаат најголемата доверба од граѓаните и дека ги цениме нивните залагања и сето она што тие го направија за да ја достигнеме нашата стратегиска цел – членството во НАТО.
Министерката се осврна на неколку крупни промени, кои, како што истакна, решаваат проблеми што изминатите години биле видени, биле препознаени, но останале нерешени.
„Законот првпат го решава проблемот со станбеното обезбедување на припадниците на Армијата и со овој месечен паушал, месечни надоместоци од 7.000 денари, со кои ќе бидат покриени околу 6.000 припадници на Армијата, едно крупно прашање го оставаме зад нас“, рече министерката.
Шекеринска се осврна и на промените со кои се воведува попрофесионално и многу попредвидливо водење во кариерата, со што, како што посочи, ќе се поправи впечатокот на припадниците на Армијата дека напредувањето, школувањето и шансите за развој зависеле од лични релации, партии и политика.
„Во законот предвидуваме процесот на водење во кариерата навистина да зависи од личните квалитети, од личниот придонес, од трудот и од знаењето. Првпат ги воведуваме и јазичните знаења како еден дел од условите, особено за повисоките офицерски чинови“, истакна министерката и додаде дека законските измени отвораат можност за стипендирање млади луѓе од дефицитарните кадри за Армијата, кои по стипендирањето, својата кариера ќе ја продолжат во армиските редови.
Со новите измени се покачуваат платите и кај цивилните лица вработени во Армијата, со што примањата на овие лица се доближуваат до примањата на воените лица, а се прават и сериозни позитивни измени во пензионирањето на воениот персонал.
„Во Законот за служба во Армијата предвидуваме можности за пензионирање, сега веќе со 55 години возраст и 40 години стаж, во кој влегува и бенефицираниот стаж. Навистина предвидуваме можност припадниците на Армијата практично на овој начин да заминат порано во пензија, но притоа да добиваат 80 проценти од десетте најдобри години“, рече министерката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Свадба во струмичкиот затвор – осуденик го кажа судбоносното „да“

Во струмичкиот затвор денес се одржа невообичаен, но длабоко хуман чин – законска регистрација на брак на осудено лице кое моментално ја издржува затворската казна.
Настанот се реализира под покровителство на директорот на установата, Зоран Ристов, и заменик-директорката, Наташа Лазарова Донева, како дел од заложбите за почитување на човековите права и обезбедување правна сигурност за сите, без исклучок, соопшти Управата за извршување санкции.
Со оваа регистрација, лицето се стекна со правен идентитет – важен предуслов за пристап до здравствена, образовна и социјална заштита, но и чекор напред кон успешна ресоцијализација.
Од Управата додаваат дека ваквиот чин е резултат на добра координација меѓу затворската управа, стручните служби и релевантните институции, и покажува дека и во пенитенцијарниот систем постои волја за хуманост, инклузивност и правичност.
Македонија
Нов ЕХО апарат на гинекологија во Чаир за побрза и попрецизна дијагностика

Специјалната болница за гинекологија „Мајка Треза“ во Чаир доби нов ЕХО апарат, со кој значително се подобрува дијагностиката кај бремените жени и пациентките со гинеколошки проблеми.
Апаратот, вреден над 3,5 милиони денари, е обезбеден со поддршка од АД МЕПСО, која донираше над 2,7 милиони денари, како и со сопствени средства на болницата во износ од 800 илјади денари.
„Со новата апаратура ја зајакнуваме грижата за здравјето на жените, токму таму каде што е најпотребно. Зад секој апарат стои грижата за секоја жена, за секоја бремена мајка, за секој нов живот“, изјави министерот Азир Алиу за време на денешната посета на установата, придружуван од директорот на МЕПСО, Бурим Љатифи.
Оваа инвестиција претставува чекор кон унапредување на квалитетот на здравствените услуги и грижата за женското здравје.
Македонија
Со метален предмет го убил брата си, па го закопал во дворот од заедничката куќа: расчистено убиство во Кавадарци

Денеска (06.08.2025), ОВР Кавадарци до Основното јавно обвинителство Кавадарци, поднесе кривична пријава против С.И.(43) од Кавадарци поради постоење основи на сомнение дека сторил кривичнo делo „убиство“ по член 123 од Кривичниот законик.
Тој се сомничи дека на 27.07.2025 во семејниот дом во Кавадарци со метален предмет нанел повреди на неговиот брат И.И.(42) од Кавадарци, од кои тој починал, по што телото го закопал во помошен објект во дворот од заедничката куќа.
Имено, вчера (05.08.2025), нивната сестра В.О.(44) во 11:00 часот во ОВР Кавадарци го пријавила за исчезнат нејзиниот брат И.И.. Додека, во 13:00 часот пријавила дека во помошниот објект во дворот од куќата на нејзините браќа, каде што отишла со сопругот, забележале дека има ископ покриен со ровка земја, по што се посомневале дека е можно нејзиниот исчезнат брат да е закопан внатре.
Веднаш по пријавата, на местото излегле јавен обвинител, полициски службеници и претставници од Институт за судска медицина Скопје, а од погребално претпријатие откопана е дупката и било пронајдено телото на И.И..
По наредба на јавен обвинител, телото на починатиот било дадено на обдукција и вештачење. Истиот ден во 14:40 часот, по извршени оперативни проверки и добиени сознанија и во координација со јавен обвинител, полициски службеници го лишиле од слобода С.И., по што го спровеле во јавното обвинителство, каде во службен разговор го признал делото.