Свет
Нови проблеми за „боинг“, во авионите не работи системот за кислород
![](https://makfax.com.mk/wp-content/uploads/2018/09/boing-7771.jpg)
По скандалот со боингот „737 Макс“, се појави нов проблем за оваа американска авиокомпанија. Поранешен вработен тврди дека не работи системот за кислород во авионот „787 дримлајнер“. Џон Барнет, кој 32 години работел во една од фабриките за авионите „боинг“, вели дека секој од патниците во авионот „787 дримлајнер“ може да остане без кислород доколку дојде до нагли промени на висината за време на летот.
Како што пренесе Би-би-си, до ненадејна декомпресија доаѓа многу ретко, но сепак се случува. Тогаш од покривот на авионот се спуштаат маските со кислород, кои на патниците би требало да им обезбедат кислород, за да нема фатални последици.
Барнет тврди дека дури една четвртина од системот за кислород во боингот „787 дримлајнер“ има грешка и најверојатно не би работел кога тоа би било неопходно. Тој тврди и дека неисправните делови намерно се вградени во авионот на производната лента во една фабрика.
Работата на Барнет во фабриката за „боинг“ била контрола на квалитет. Работел во една од најголемите фабрики, компанијата во Норт Чарлстоун во Јужна Каролина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Судири меѓу екстремните левичари и полицијата по изборите во Франција
![](https://makfax.com.mk/wp-content/uploads/2024/07/677z381_14-668b875ca9cfb-1.jpg)
Полицијата го „исчисти“ Плоштадот на Републиката во Париз од демонстрантите, додека ѓубрето останаа на местото на демонстрациите, а скршените стакла на автобуските постојки беа оставени на асфалтот, пренесува „РИА Новости“.
Повеќе од илјада луѓе, кои ги поддржуваат левичарските сили во Франција, се собраа во неделата вечерта на Плоштадот на Републиката во Париз, чекајќи ги резултатите од вториот круг од парламентарните избори во Франција.
Граѓаните со ентузијазам го дочекаа објавувањето на првите резултати. Демонстрациите беа мирни, но подоцна им се придружија приврзаниците на фашистичките групи.
На плоштадот беа распоредени силни полициски сили и водени топови.
Демонстрантите со црни маски почнаа да фрлаат огномети и шишиња кон полицијата, која употреби солзавец.
Се слушнале детонации на рачно изработени експлозиви, но засега нема информации за повредени. Голем број демонстранти се собраа и во Марсеј, пренесува медиумот.
И покрај забраната за демонстрации, луѓето излегоа на улиците во Рено. Откако безбедносните сили им наредиле да се разотидат, демонстрантите почнале да извикуваат „Сите ја мразат полицијата“, а атмосферата станала напната, пренесе „Фигаро“.
Според прелиминарните резултати од вториот круг од вонредните парламентарни избори во Франција, кои рано утринава ги објави француското Министерство за внатрешни работи, левичарската коалиција Нов народен фронт (НФП) освои 182 места во националното собрание, пренесува дневниот весник „Монд“.
Политичкиот сојуз на актуелниот француски претседател, центристичкиот блок Заедно, освои, според овие податоци, 168 пратенички места, а на трето место е десничарската партија Национален собир (РН) на Марин Ле Пен со 143 пратенички места, пренесува РТ Балкан.
Европа
Последни проекции на резултатите: левицата до 187 мандати, но далеку од апсолутно мнозинство
![](https://makfax.com.mk/wp-content/uploads/2024/07/Screenshot-2024-07-06-185830.jpg)
Според ревидираните анкети објавени подоцна во неделата вечерта, Новиот народен фронт, составен од пет партии, ќе освои меѓу 171 и 187 пратенички места. За апсолутно мнозинство потребни се најмалку 289 мандати.
Партијата на претседателот Макрон ќе биде вториот по големина блок со 152 до 163 пратенички места, што ги надминува очекувањата.
Марин Ле Пен и нејзиниот екстремно десничарски Национален фронт (РН) се на третото место со проекција меѓу 134 и 152 освоени места, што претставува значително зголемување во споредба со освоените 89 места во 2022 година.
Се очекуваше РН да се претстави многу посилно откако освои најмногу гласови во првиот круг. Сепак, неговиот удел во гласовите доби удар откако стотици центристички и левичарски кандидати се откажаа од вториот круг за да ја спречат екстремната десница да напредува.
Европа
„За Москва разочарување, олеснување во Киев“ по изборните резултати, изјави полскиот премиер
![](https://makfax.com.mk/wp-content/uploads/2017/12/skynews-donald-tusk-european-council_4136799.jpg)
Полскиот премиер Доналд Туск изјави дека резултатите од парламентарните избори во Франција ќе доведат до разочарување во Москва и „олеснување“ во Украина.
In Paris enthusiasm, in Moscow disappointment, in Kyiv relief. Enough to be happy in Warsaw.
— Donald Tusk (@donaldtusk) July 7, 2024
Марин Ле Пен, лидерката на екстремно десничарската партија Национален собир, претходно вети дека нејзината партија нема да дозволи Украина да користи француско оружје со долг дострел за да ја нападне Русија доколку дојде на власт.