Забава
Како настана Денот на самците во Кина
Денот на самците, исто така познат како празник на двојни единаесетки, 11.11, е празник на луѓето што не се во брак, ден на неприфатените и осамените. Популарен празник кој со време станал најголем празник на онлајн-продажбата.
Постојат повеќе теории за неговото настанување, а широко е прифатена таа дека настанал на Универзитетот во Нанџинг во 1993 година.
Четворица студенти на четврта година секоја вечер се собирале во собите во домот и разговарале за тоа како да пронајдат партнер. Дошле до идеја 11.11 да биде погоден како ден за организирање некои активности, со кои би можеле да одбележат тоа што се самци бидејќи тој датум се содржи од 4 единици, односно четворица самци.
Од тогаш Денот на самците постепено се развива како некој вид забава на кампусот и пошироко од Универзитетот во Нанџинг и на другите универзитети во сите делови на Кина.
Денот на самците сè уште нема утврден начин на славење, ниту стандарден обичај, разни луѓе на разни начини го прославуваат овој ден. Но, активностите со кои се одбележува главно се собири, забави, купувања, состаноци, венчавки и слично.
Од друга страна, пак, за брачните двојки овие четири единици претставуваат единство, односно еден маж – една жена, една двојка – едно семејство и еден живот – еден свет, едно срце – една мисла, со кои овој ден се прославува како празник на верните партнери. Затоа, многумина го избираат овој ден за добивање брачна дозвола. Некои млади луѓе на овој ден ја прославуваат и независноста од родителите.
За сите што слават, многубројни компании, особено оние што се занимаваат со онлајн-трговија, нудат промоции и попусти.
Продавницата на „Алибаба“ – „Тјенмао“, ноќеска на полноќ достигна вредност од речиси 1,43 милијарда долари за само една минута и 36 секунди, што е 29 секунди побргу од минатата година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) 22-годишна пејачка на Мет Гала дојде во необична креација: и беше потребна помош при движењето
Јужноафриканската пејачка Тајла ги привлече сите погледи на овогодинешната Мет Гала во необична креација.
22-годишната девојка пристигна во фустан од Balmain прекриен со песок, во комбинација со чанта во форма на песочен часовник.
Tyla is lifted up the stairs at the #MetGala. pic.twitter.com/XYpkS41WMG
— Variety (@Variety) May 6, 2024
На Тајла ѝ била потребна помош при качување по скалите поради оваа креација, а подоцна пет мажи носеле дел од нејзиниот фустан кој се влечел по подот. На прашањето дали воопшто би можела да седне во овој фустан, пејачката кратко одговорила: „Кому му е гајле, луѓе, јас сум слатка“.
Официјалниот дрес код за настанот беше „градината на времето“, а Тајла претходно објасни за Vogue дека нејзиниот фустан е инспириран од „песокот на времето“. Креативниот директор на Balmain, Оливие Рустинг, изјави дека е воодушевен од идејата за оваа креација.
„Инспирацијата за оваа креација дојде од желбата да се редефинираат границите и да се трансформира ефемерниот материјал во безвременско ремек-дело. Идејата ја разгоре мојата имагинација и не можев да бидам посреќен со крајот“, рече тој.
Забава
Во Малме вечерва првото полуфинале на Евровизија
Вечерва во Малме со почеток во 21:00 часот ќе се одржи првото полуфинале на Евровизија, а за пласман во финалето се борат 15 земји.
Вечерва пред публиката од земјите членки на големата петорка ќе се претстават и Велика Британија и Германија, како и Шведска, која како домаќин избори пласман во финалето.
Годинешното издание на Евровизија го одбележа и политичката ситуација во светот, особено војната во Газа, поради што веќе се одржуваат протести ширум Шведска. Меѓу демонстрантите има негодувања затоа што на Израел му беше дозволено да учествува, а Русија претходно беше исфрлена поради војната во Украина.
Во втората полуфинална вечер закажана за овој четврток ќе настапат Израел и нивниот претставник Еден Голан, а и’ е препорачано да не излегува од хотелската соба.
Шведската полиција е во состојба на готовност и дури побарала засилување од Данска и Норвешка за време на натпреварот.
Забава
Мажите родени во овие хороскопски знаци се совршен материјал за брак
Секоја врска е единствена, вклучувајќи го и бракот. Но, иако изгледа дека некои парови ги откриле тајните на среќниот брак, можеби и астрологијата е фактор за нивниот успех. Мажите родени под овие хороскопски знаци се совршен материјал за брак.
Бик
Мажот роден во знакот Бик е идеален партнер за долгорочен брак. Биковите се познати по својата чувствителност и романтична природа, што значи дека секогаш ќе се трудат пријатно да ја изненадат својата сакана.
Рак
Раковите се вистински мајстори кога станува збор за грижата за своето семејство и партнерот. Мажите родени во овој знак носат топлина, сочувство и емоционална поддршка во секоја врска. Нивната интуитивна природа им овозможува да ги разберат потребите на своите партнери без многу зборови.
Девица
Девиците се познати по педантноста и аналитичката природа, што ги прави идеални партнери за стабилен брак. Мажите родени во овој знак ќе и се посветат на партнерката со иста грижа и прецизност како што и пристапуваат на секоја друга задача.
Вага
Мажот роден во знакот Вага носи хармонија и рамнотежа во секоја врска, вклучувајќи го и бракот. Нивната способност да преговараат и да решаваат конфликти ги прави одлични партнери со кои е лесно да се договорат. Вагите секогаш ќе го бараат најдоброто решение за двајцата партнери, правејќи го бракот хармоничен и задоволувачки.